جبت النتيجة من الكنترول !

[ABO El-DAHAB]

السلام عليكم و رحمة الله و بركاتة

هوا ليه كل حاجة في مصر عشوائية ؟!
هوا ليه الكلية عندنا مش منظمة و مرتبة افكارها ؟
يعني ايه منعرفش النتيجة امتي !
رسالة الي ادارة الكلية :
انتوا ادري بظروفكوا بس لازم تحددوا ميعاد محدد لظهور النتيجة مش العشوائية الفظيعة دي
و ليه حد يجيبها من الكنترول ! ... ليه مش اول ما تخلص تنزل لكل الطلبة ؟
ايه مبدأ التفرقة و المحسوبية و الوسائط ده ؟
ده لصالح مين انكوا تعدوا كل ده تصححوا في امتحانات MCQ
مفروض تلزموا الدكاترة كلهم بمعاد محدد يكون الورق كله متصحح
يعني مصر في طريقها ان يتصلح حالها ... واحنا مش هيتصلح حالنا بقي ؟
هتفضل المحسوبية والوسائط في كل حاجة !
و لا ده تبع الاعتماد والجودة ؟

[asfourelgana]

هنلتمس لهم العذر في ذلك

مُرجعينه الى عدم استقرار احوال البلد

بس خلاص ان شاء الله النتيجة قربت

وبعدين في العجلة الندامه وان شاء الله خير

[ABO El-DAHAB]

هنلتمس لهم العذر في ذلك

مُرجعينه الى عدم استقرار احوال البلد

بس خلاص ان شاء الله النتيجة قربت

وبعدين في العجلة الندامه وان شاء الله خير

النتيجة ليس لها علاقة بما يحدث في البلد و ده مش اول ترم يحصل معانا كده
خير ان شاء الله

[asfourelgana]

مهو عشان مش اول تيرم

يعنى الحال مش هيتغير من النقيض للنقيض مرة واحده

وبعدين ايه اللي هيحصل لو اتاخرت شوية

هى يعنى الدراسة ابتدت؟

[NeScaFE]

ااه ليه ؟؟

فعلا ليه الناس تجبها من الكنترول والباقى قاعدين على اعصابهم لحد اما تبقى بعدين تبانلهم

المفروض يكون فى معاد تحدده الكلية لظهور النتيجة للكل ومحدش يجبها من الكنترول

لازم يكون فى رقابة غير كده والناس تراعى ربنا شوية .. بس للاسف ده مش بيحصل

عندنا بس .ده فى كل الكليات والمدارس كمان ..امته بقى البلد حالها يتصلح

[السما]

ان شاء الله خير
ربنا يستر..........وبعد كده نطالب ان مع بدء اي دراسه يكون الطالب عارف كل حاجه من البدايه....عارف توزيع درجاته.....عارف مواعيد كل الشيتات اللي ممكن يا خدها طول الترم......مواعيد امتحانات العملي.......النظري......وقبل كل ده يعرف نتيجته هتبان امتى.....كده كل واحد يبقى مظبط حاله

[M.32L]

هو فيه نتائج ظهرت خلاص ف الكنترول ؟؟؟؟

[Dr. Sahar]

يعني هيا جت علي التفرقه في النتيجه والكنترول ربنا يتوب علينا من الكوسه ونصحى نلاقيها في يوم نشفت ودبلت وماتت

[white light]

والله يا دكتور حاجه تحزن وكويس ان حضرتك فتحت الموضوع ده

بجد حاجه مهزله ناس تجيب النتيجه من الكنترول بس علشان دكتور عارفه والناس العاديه تضرب دماغها فى الحيط

انا مش عارفه هى الجوده دى المفروض تكون لينا ولا علينا ؟

ليه صحيح زى ماهما عاملين خطه للدراسه محددين ميعاد انتهاء الدراسه ومده الامتحانات ليه ميحددوش ميعاد ظهور النتيجه بدل اللغبطه اللى احنا فيها .............هى دى برده مش من معايير الجوده

فيها ايه لما الشيتات اللى احنا بنطحن فيها نتيجتها نعرفها ..........حرام على الاقل الواحد يعرف مستواه محتاج مذاكره كتير ولا لاء كليات كتير بتعمل الحكايه دى

ولا الجوده بس فى الاسانسير اللى اصلا مش هنشوفه .............والاستراحه للطلاب مفيش نعقد على السلم الدكاتره تزعق .............لا حول ولا قوه الا بالله

اسفه على الاطاله ........بس هما كلمتين فى نفسى

ربنا يصلح الاحوال

[Pharmcist_girl]

مهو عشان مش اول تيرم

يعنى الحال مش هيتغير من النقيض للنقيض مرة واحده

وبعدين ايه اللي هيحصل لو اتاخرت شوية

هى يعنى الدراسة ابتدت؟

الموضوع مش حكاية تتاخر بس فيه اشاعات وكلام فى كل اقسام الفرق

لازم على الاقل فيه اهتمام وذكر rangeمحدد ضيق

والاعتذار عنه لو فيه حاجة

تواصل مستمر من الاخر

وبالنسبه لموضوع الكنترول

حاجات كتير كوسه و لسه متغيرتش مجتش على ديه ؟؟؟؟؟؟؟؟؟؟