تغيير مواعيد المعامل ...

[Anas]

ان شاء الله مع بداية الدراسة - أكيد هتبدأ في يوم من الايام يعني - هيبقى في حاجة تمثل مشكلة لناس كتير

و هي ان مواعيد بعض السكاشن بتكون متأخرة لحد الساعة 5 أو 6 المغرب

و ده ممكن يسبب مشكلة لزمايلنا البنات في الدفعة عشان الظروف اللي مش مظبوطة في البلد

و كمان السفر و الناس اللي من بره المنصورة و البعض لظروف خاصة أخرى

ف زميلنا ABO El-DAHAB افترح فكرة جميلة جدا في الموضوع هنا

اننا لو طالب مواعيد تسمح انه يغير معاده لو بدري مع بنت معادها متأخر

بحيث ان على قد ما نقدر البنات اللي بتسافر متحضرش متأخر و بالتالي يروحو بدري



و الحمد لله عرضت الفكرة على د/حسن الكاشف و أبدى ترحيب بيها

و قالي انه هينسقها مع رؤساء الأقسام

------------

و احنا فكرنا في طريقة نعرف نظبط بيها المواعيد مع بعض عشان نساعد على قد ما نقدر

ف دلوقتي في استمارتين في آخر الموضوع

الاولى للي معاده مش مناسب ليه و عاوز يبدله (البنات)

و التانية للي عنده استعداد يبدل معاده مع معاد تاني متأخر (الشباب)

و احنا ان شاء الله هنظبط التبديل مع رؤساء الأقسام بحيث تحضرو في السكاشن الجديدة على طول

و حاجة أخيرة عاوز أقولها

يا ريت الشباب ميكونش التبديل فردي

عشان البنت اللي هتروح مكانه هتلاقي نفسها في سكشن كله ولاد و هيبقى الوضع اسوأ من الاول

ف تقنع زمايلك و اصحابك اللي معاك انكو تبدلو معادكم بحيث تدو الفرصة لعدد أكبر من البنات



طلب تبديل السكشن

عرض تبديل السكشن


و ربنا يجزي صاحب الفكرة كل خير و يجعلها في ميزان حسناته

[M.Hegazy]

جزاكم الله خيرا .. و مجهود مميز .. و ربنا يجعله في ميزان حسناتكم .. ربنا يبارك فيكم يا رب ..

[DiNa TaReK]

فكرة جميلة جداا
بجد جزاكم الله خيرا

[last angel]

جزاكم الله كل خييييير ...انا دى مشكله عندى بردو يوم التلات والجمعه المفروض السكشن يخلص 8 وانا بركب باص اخره 7.30 وصعب اروح مواصلات ف ظل ظروف دى...المفروض ايه خطوات الى تتعمل يا جماعه

[ameer]

جزاكم الله كل خييييير ...انا دى مشكله عندى بردو يوم التلات والجمعه المفروض السكشن يخلص 8 وانا بركب باص اخره 7.30 وصعب اروح مواصلات ف ظل ظروف دى...المفروض ايه خطوات الى تتعمل يا جماعه

حضرتك قدمي الطلب من هنا
https://spreadsheets.google.com/view...aGk5VzJUQlE6MQ
واختاري المادتين اللي فيهم المشكله وان شاء الله حد يبدل مع حضرتك السكشن وتتحل المشكله

[Rania Samir]

فكره جميييييله جدا بجد
جزاكم الله كل خير وجعله في ميزان حسناتكم

[dr\asi]

ميرسي جدا والله
بجد فكره هايله

[ice me]

انا اعتقد ان الافضل ميكونش ولاد وبنات بل يكون من المنصورة ومن خارج المنصورة

[last angel]

انا دخلت ع الينك فعلا وكتبت البيانات الموجوده فيه ...المفروض ايه الى هيحصل بعد كده

[to0o0oty]

gazakom allah kol 5eeeeeeeeeer