تغيير مواعيد المعامل ...

[Anas]

ان شاء الله مع بداية الدراسة - أكيد هتبدأ في يوم من الايام يعني - هيبقى في حاجة تمثل مشكلة لناس كتير

و هي ان مواعيد بعض السكاشن بتكون متأخرة لحد الساعة 5 أو 6 المغرب

و ده ممكن يسبب مشكلة لزمايلنا البنات في الدفعة عشان الظروف اللي مش مظبوطة في البلد

و كمان السفر و الناس اللي من بره المنصورة و البعض لظروف خاصة أخرى

ف زميلنا ABO El-DAHAB افترح فكرة جميلة جدا في الموضوع هنا

اننا لو طالب مواعيد تسمح انه يغير معاده لو بدري مع بنت معادها متأخر

بحيث ان على قد ما نقدر البنات اللي بتسافر متحضرش متأخر و بالتالي يروحو بدري

و الحمد لله عرضت الفكرة على د/حسن الكاشف و أبدى ترحيب بيها

و قالي انه هينسقها مع رؤساء الأقسام

------------

و احنا فكرنا في طريقة نعرف نظبط بيها المواعيد مع بعض عشان نساعد على قد ما نقدر

ف دلوقتي في استمارتين في آخر الموضوع

الاولى للي معاده مش مناسب ليه و عاوز يبدله (البنات)

و التانية للي عنده استعداد يبدل معاده مع معاد تاني متأخر (الشباب)

و احنا ان شاء الله هنظبط التبديل مع رؤساء الأقسام بحيث تحضرو في السكاشن الجديدة على طول

و حاجة أخيرة عاوز أقولها

يا ريت الشباب ميكونش التبديل فردي

عشان البنت اللي هتروح مكانه هتلاقي نفسها في سكشن كله ولاد و هيبقى الوضع اسوأ من الاول

ف تقنع زمايلك و اصحابك اللي معاك انكو تبدلو معادكم بحيث تدو الفرصة لعدد أكبر من البنات

طلب تبديل السكشن

عرض تبديل السكشن

و ربنا يجزي صاحب الفكرة كل خير و يجعلها في ميزان حسناته

[asfourelgana]

طبعا ربنا يجازي د محمد كل خير

بس ياترى البنات مينفعش ينقلو من مواعيد بدري لمتاخر

بمعنى انى ساكنه مدينة ومعنديش مشكله انى احضر متاخر

ياترى ممكن ولا ده للشباب بس؟

[Anas]

طبعا ربنا يجازي د محمد كل خير

بس ياترى البنات مينفعش ينقلو من مواعيد بدري لمتاخر

بمعنى انى ساكنه مدينة ومعنديش مشكله انى احضر متاخر

ياترى ممكن ولا ده للشباب بس؟

ممكن طبعا ... انا كان قصدي ان الأغلبية هتبقى من الشباب

انما أي حد عنده استعداد يبدل يعرض كده و أهلا و سهلا بيه

و يا ريت فعلا البنات اللي في المدينة تساعد في الموضوع ده

لانهم نفسهم هيحتاجوه في آخر معاد يوم الأربع عشان يسافرو

[B@Ssma]

اللينكات دى مش بتفتح عندى !!

[د.نونا]

ربنا يجازيكوا كل خير

[Anas]

اللينكات دى مش بتفتح عندى !!

ايه المشكلة بالضبط ؟؟؟ شغالة مظبوط لحد دلوقتي

[FARAWLAYACRAZY]

ربنا يجازيكوا كل خير وكل من ساهم فى الفكرة
ربنا يوفقكم

[بنت أفندينا]

جميل جدا
انا في الخدمة
ان شاء الله

[dr_smile]

مليون شكراااااااااا لكل حد ساعد فى الموضوع ده ربنا يجازيكم عنا خير
واضح ان اخلاق الثورة بتنتشر فعلا ما شاء الله
تحيا مصر

[nonocat]

شكرا لكل من ساهم فى هذه الفكره

أنا كده بدأت أصدق ان البلد بتتغير