تاجيل الدراسة اسبوع اخر !

[dr.hamed]

علمنا جميعا منذ قليل بتأجيل الدراسة لمدة اسبوع اخر في جامعة المنصورة لتبدأ (إن شاء الله )13 مارس وهى التى كان المقرر لها 12 فبراير..
لا يخفى على حضراتكم جميعا طبيعة الدراسة ونظام كليتنا(العريقة والمحترمة)
السؤال الان كيف سيتم تعويض هذا التاخير (شهر كامل اى ثلث المقرر) وعلى حساب من؟
ارجو من الاخوة اعضاء هيئة التدريس ان يجاوبونى على هذا السؤال وان يتفاعلوا مع الطلبة على هذا المنتدى وهو من المفروض انه منتدى رسمى للكلية لكننا لا نسمع فيه سوى اصوات الطلبة ..وكانه غرفة للدردشة....
لماذا لا يتكلم هنا اى من اساتذتنا المحترمين ويوضح خطة الكلية في مثل هذا الظروف..او على الاقل يوضع اعلان من الكلية ...؟
تحيا الجودة.....

[dr_orchida]

انا كنت لاقيت فالاخبار يا جماعة
ان سيتم تخفيف بعض المواد الدراسية لجميع مراحل التعليم !!!!!!
ده يشملنا والا ايه ؟؟؟؟ مهو اكيد لازم يتخفف عندنا علشان احنا مبروكين لوحدنا اساسا زي ما احنا ملاحظين

[dr.hamed]

اعتقد حضرتك ان كليتنا مينفعش فيها النظام دا هنحذف ايه وهنسيب ايه كله مرتبط ببعضه
حتى التخفيف مينفعش احنا كلية عملية مش تجارة ولا حقوق ..
الحل الوحيد في رايي مد الدراسة شهر في الصيف تعويض للتاخير دا
وبعدين المشكلة انهم حتى ممكن ميغيروش مواعيد الامتحانات .. والاجازة تبدا فى معادها بحجة عدم ضرب السياحة الداخلية (المصايف)..

[eman]

يا جماعة انتوا جبتوا الخبر دة منين

[د.نونا]

اعتقد حضرتك ان كليتنا مينفعش فيها النظام دا هنحذف ايه وهنسيب ايه كله مرتبط ببعضه
حتى التخفيف مينفعش احنا كلية عملية مش تجارة ولا حقوق ..
الحل الوحيد في رايي مد الدراسة شهر في الصيف تعويض للتاخير دا
وبعدين المشكلة انهم حتى ممكن ميغيروش مواعيد الامتحانات .. والاجازة تبدا فى معادها بحجة عدم ضرب السياحة الداخلية (المصايف)..

بالله عليك متقولش الحل دا تانى ليكون حد معدى كدجا ولا حاجه وينفذ الحل دا وفيها ايه يعنى لما يقللوا المناهج هى يعنى مش مفيده اوى مدا كلها دش ولا بنفتكر حاجه بعد الامتحانات عادى يعنى

[da_mysterous]

الخبر ده بتداوله اغلب الصحف المصريه واغلب المواقع واللى بالضبط هيدخلوا الدراسه 9 جامعات والباقى هيستانفوا بعد اسبوع واللى منها الجامعه
بالنسبه بقى للكليه هتعمل ايه ....علمى علمك
وبالنسبه للخطه ...بيتهيالى احنا ف بلدنا كلها عارفين ان مصر كلها عندها ازمه ف التعامل مع المشاكل يعنى فى ازمه ف التعامل مع الازمات
بس ان شاء الله هتمشى وربنا يسهل
بالنسبه للمناهج............العلم فيها عند ربنا وحده اللى يعرف وبعدين احنا مشش ماشيين بنظام الساعات عشا تقولى المنهج والجزء انت ماشى بنظام السنه الدراسيه والترم

[EDTA90]

انا من رايى يشيلوا الحشوا الى في المناهج وناخد المعلومات اللى تفيدنا وبس يعنى اللى ليها علاقة بالعملى

[BASSAM]

هذا المنتدى وهو من المفروض انه منتدى رسمى للكلية لكننا لا نسمع فيه سوى اصوات الطلبة ..وكانه غرفة للدردشة....

تصدق و تأمن بالله انا من يوم ما اشتركت فى المنتدى ده ما قرييت تشبيه يصور حال المنتدى ده غير التشبيه ده ,,, بجد انا احييك على التشبيه ده

بس منقدرش ننكر ان فيه دكاتره فعلا بتدخل ترد ع الطلبه بل بالعكس بتساعدهم فى الدراسه و اى اسئلة و مش عايز ازكر اسامى دكاتره لانى مش هقدر افتكرهم كلهم بس هما نسبة كبيرة .

و فعلا يا ريت حد من اعضاء هيئة التدريس يوضح التيرم هيمشى ازاى و لو انى ما اعتقدش ان حد هيرد لان الكليه عودتنا على المفاجااااات !!! زى مفاجأة ان السكاشن كل اسبوع !!! و قبل كده ضغط و نظام الامتحانات

بس عنوان الموضوع لو ينفع يتغير و يبقه ماذا بعد تأجيل الدراسة اسبوع اخر !
لان ممكن اللى يشوفه ما يدخلش الموضوع و يفكره خبر التأجيل

تقبل مرورى

[الصفا والمروة]

ا[size="4"]لموضوع التاجيل ده ماشى على الكل مش مقتصر علينا يعنى اطمنوا اكيد هيتصرفوا بالعقل مينفعش ياخذوا من اجازة الصيف اكيد فى حل تانى لان من المحتمل انهم هيفكروا فى الكلام الغير مفيد فى المنهج فعلا ميلزمناش غير الكلام المفيد اللى هينفعنا فى الحياة العملية ومرتبط بالمعمل [/size]

[hawass]

المفروض نعمل استبيان علي مد الدراسة في شهر 7