هل سيلغي التيرم التاني هذا العام

[showman]

السلام عليكم ورحمة الله وبركاته


بعد إلغاء الدراسة للاسبوع الرابع بعد أجازة نصف العام

وكمان علي موقع الجامعة مكتوب بجوار نتيجة إعدادي صيدلة أنها نتيجة نهاية العام

(وهي غالبا غلطة محدش يخاف هتخدوه هتخدوه)



فهل سنكتفي بالتيرم الاول

ونكمل التيرم التاني في الصيف أو كل واحد وضميره

أنا عن نفسي عندي اقتراح

قول يا سيدي

ماشي

دلوقتي ممكن نشوف

نتيجة التيرم الأول ايه

ثم نضيف عشر درجة أوفر علي النتيجة النهائية لكل مادة

وتطلع نتيجة التيرم التاني



exception


طب هنفترض أن ماده

ك

أو

ب

مثلا

بعد الشر عن الدفعة كلها

إن فيه حد شايلها

تروح المادة دي مجبورة علشان خاطر الثورة _زي بعضه السنة دي_

ونحط درجات النجاح فيها لكل طالب ونعديها

وكذلك ينتهي العام

حتي نخلص بدري بدري والي عايز يشتغل يشتغل

والي وراه ميعاد في الصيف يتقدم ويخلص دلوقتي


في حين مواد التيرم التاني تنزل الكلية بكتبها

ونبقي نذاكرها براحتنا علي مدي العمر كله


إن شاء الله

وكل واحد وضميره


بجد إيه رأيكم في الفكرة

يلا شاركوا بأفكاركم

[mai mohamed]

أنا بصراحة موافقة جدا جدا وكان نفسي أقول الكلام ده بس اعتقد ان ده حلم ولا في الخيال وتحقيقه في رأيي أصعب من اسقاط النظام السابق بس عموما مفيش حاجة كبيرة على ربنا

[Anas]

عاوزين نخلص بقى ياعم ...

أنا آخري في التعليم الحكومي ده يوم 1-7 الجاي ...

بعد كده مليش دعوة

[محمد_على_سلام]

فكرة جميلة ياريت حد يبعتها لوزير التعليم الجديد

[asfourelgana]

على فكرة انا موافقه على حكاية كل واحده وضميره دي

لأني طبعا ضميري انا واثقه فيه كويس

ومش عايزة اجيب امتياز في كل المواد

هما بس يدوني جيد جدا

وطبعا بالنسبه لل6 مواد يزكو فيهم عن صحتهم

هما اخدو مننا درجات كتير وجه الوقت بقه اللي يعطونا فيه مش كده

وانا زى ما قولت مش عايزة تقدير عالى هما بس ينجحوني بجيد جدا

[dr/emooo]

انا موافقة جدا جدا جدا ويبقى اول مرة يعملو فينا جميل ويدونا الشهادةalthough this is impossibleمش عشا هو صعب عليهم بس عشان احنادفعة نحس ساكتين بقالهم 30 سنة وجاين يظهرو الفساد دلوقتى اظاهر كمان مستخسرين فين البكالريوس كمان

[Pharmcist_girl]

والله الدفعة ديه فعلا
فيها حاجة حتى البكالوريس مش عارفين نخده

ولما جينا نتخرج _على وشك يعنى _نظام البلد اتقلب

سؤال الدفعة ديه مالها يا جماعة؟؟

[dr/habiba]

في البدايه الحمد لله على كل شيء بس المفروض يحددوا التيرم هيتلغى ولا هنكمله في اي ان كان لان الواحد اعصابه تعبت من الانتظار ومش قادريين نتمتع بالاجازه الي قاعديين يعطيوها بمزاجهم وطول الاجازه دي واحنا قاعديين على اعصابنا مش متحدد مصيرنا لحد دلوقتي وخلاص معدشي عندي الا كلمه واحده عايزه اقولها حسبي الله ونعم الوكيل

[dr.nour]

والله هى فكرة حلوة يا دكاترة
بس المشكله ان فى ناس معاها مواد من تالته هتعمل فيها ايه؟؟
هتترفع المواد دى برده وننجح فيها؟؟ طيب والكورسات الى باقيالنا فى المناهج هناخدها ازاى؟؟ولا هنتخرج مش عارفين باقى المنهج؟؟
هو لو كل واحد وضميرة يبقى it's ok انا معاكم وموافقه ع حكاية الضمير دى شكلها جديده وعاجبانى
بس المشكله فى المواد اللى من تالته وناس معاها مواد لسه من اعدادى فعلا ده حقيقى وانا اعرف ناس كده
يارييييييييت حد يشوف لنا الحكايه دى ويتلغى التيرم كله ويبقى عمل ف الدفعه المنحوسه دى خير

[marafa]

مبدايا دا مستحيل
ثانيا الدراسة بدات ف جامعات تانية ودا معناه ان الدراسة هتكمل يعنى هتكمل لان مش على رجلينا نقش الحنة يعنى
اما بقا بخصوص موضوع الضمير فبلاش نتكلم عن الحكاية دى لان اجابتها معروفة وواضحة
هو انت بتبقا طايق تبص فيها اجبارى لما هتزاكرها اختيارى
اصحو وبلاش احلام