هوا ده الشعب المصري

[M.Hegazy]

هو دة الشعب المصرى

اللى كنت نفسى اشوفه من زمان

هى دى الثورة اللى هزت القلوب وحركت الوجدان
..................
ياه يا مصر كلك طيبة وعطف وحب وحنان

والله زمان

مصر رجعت لكل المصريين

وخدتهم بالاحضان

بحبك يا مصر

يا اجمل وطن بين الاوطان

اول مرة امشى فى الشارع

و الكون من حوليا بيغنى وفرحان

والربيع رجع قبل الاوان

والخضار كسا الحيطان

والدنيا حاسس انها بقت بالالوان

والحلم نفسه بيقولنا

احلموا كمان وكمان

بلدنا لازم تبقى جنة وفيها

الانسان انسان

منقووووووووووووووول

[DR.BIBO]

ممكن اطلب طلب غريب ممكن حضرتك بصفتك ناقد تنقدلنا النص ده

[M.Hegazy]

حاضر عنيا .. بس أنا مش ناقد للدرجة يعني .. عموما حاضر ..

بداية .. كون الأبيات باللغة العامية فنجدها أسهل و أسرع في القراءة .. و هذا ما يميز الفصحى عن اللغة العامية ..

و لكن لكون القضية التي تتناولها القصيدة هي قضية حساسة و مهمة و عاجلة .. فقد نقلتنا معها إلى عالم الواقع و بنفس سرعة الأحداث التي تحدث .. فنجد أنفسنا وسط الشعب المصري .. بثورته و حلمه و آماله .. نعيش معهم لحظة الحرية الغالية .. و الآمال العالية .. و الهمم التي تنحني لها الجبال .. و ها هي ثمار الثورة ..

و أخيرا .. تنفسنا الصعداء و زال الألم و الغم و الهم و مكنونات الصدر .. و تشبعت صدورنا بهواء الحرية .. فظهر الحب و الدفيء و الوطنية و حب الوطن .. و حب الناس و حب الخير .. و تأثر الكل بهذه الثورة .. فالجميع سعداء حتى الشجر و الجماد .. حتى الحلم أصبح يريد لنا المزيد و المزيد ..

باختصار .. إنها إحدى اللوحات الجميلة التي رسمت بعد الثورة ..

اعتذر عن التقصير .. و اعتذر إني مقدرتش اتكلم كويس .. لي رد آخر إن شاء الله ..

و نورتينا يا دكتورة

[asfourelgana]

سلمت يداك يا دكتور

اختيار رااااااااائع

ونقد اروع

[M.Hegazy]

نورتيني يا دكتورة .. و شكرا ليكي على الرد الرائع ده ..

تحياتي ..

[Moonlight]

أنا شايفة إن النقد أحلى من القصيدة

[M.Hegazy]

شكرا جزيلا لزوق حضرتك يا دكتورة .. نورتي التوبيك .. و أسعدتني مشاركتك ..

[Al-Shaimaa]

أنا شايفة إن النقد أحلى من القصيدة

اتفق مع حضرتك تماماً يا دكتورة
اختيار موفق يا دكتور
ونقد رائع

سلمت يداك

[M.Hegazy]

لا تمدحينا بما ليس فينا يا دكتورة .. أنا أقل بكتير من كلام حضرتك ده .. جزاكي ربي خيرا

[amira89]

ابيات جميلة يا دكتور وشكرا على النقل