استقالة...

[بحلم ببكره]

تم الإعلان عن استقالة رئيس الوزراء التونسي محمد الغنوشي استجابة لمطالب الثوار في تونس



عقبال واحد صاحبنا

[asfourelgana]

عقباااااااااااااااااااااااااااااله

ويكون بسرعه

[ضياء القلب]

عن قريب ان شاء الله
احنا وراه وراه
عندنا قوه تحمل مش عند حد

[Dr.A7med]

يا عم امشي .. لا أنا هصلحلك التلاجة .. يا سيدي مش عايزك اطلع برة .. استني بس هصلحلك التليفزيون .. يا سيدي هعمله انا ورينا عرض كتافك .. طيب اصبر ثانية هرتبلك العفش
أنا بصراحة مش فاهم غير حاجة واحدة .. اني مش هحس ان الثورة نجحت غير لما حكومة شفيق تمشي وسيناريو الكروتة اللي بيدعو فيه ان مصر هتحقق انتقال ديموقراطي في 6 شهور يتغير .. بلا قرع
يا جماعة ارفضوا التعديلات الدستورية .. لأن الانتخابات الجاية لو حصلت بعد شهور قليلة هتبقي من نصيب الحزب الوطني تحت مسميات واهية
وكمان ارفضوا الحكومة .. لأنها الورقة الوحيدة اللي بيعتمد عليها بقايا النظام اللي له مصالح

[بحلم ببكره]

يا جماعة ارفضوا التعديلات الدستورية

انت شايف ان دا يبقي منطقي؟؟؟؟

[BeLLaD0nnA]

تعديل المادة 76 مش مقنع اصلا و مفصل لازاحة البرادعى و زويل و يبأى مفيش ادامنا غير عمرو موسى
انا مش متفائلة و معتقدش ان حتى لو شفيق مشى هيجى حد احسن

[بحلم ببكره]

طب ممكن أفهم يا دكتورة إيه اللي مش عاجبك في التعديل دا؟

[hananah]

انا بقى فيه حاجه مش فاهماها
انا مش عارفه طبعا رقم الماده بس هى بتقول
ان مجلسى الشعب والشورى هينتخبوا الاول وبعدين انتخابات الرئاسه
وبما ان الرئيس ليه تعيين تلت اعضاء مجلس الشورى
يبقى المجلس يفضل ب تلتين لحد الرئيس لما يجى ويعين التلت بتاعه
انا بقى بسأل ليه اصلا يبقى من حقه يعين تلت الاعضاء؟
وان مغيرناش دلوقتى هنغير امتى؟
والاعضاء المعينين ولاءهم هيكون لمين؟

[بحلم ببكره]

الدستور كله هيتغير بعد انتخابات الرئاسة بإذن الله

[BeLLaD0nnA]

عدم حصول أى منهم على جنسية أخرى بخلاف الجنسية المصرية وألا يكون متزوجا من أجنبية

مش عارفة هل دا يتضمن تخليهم عن الجنسية دى ولا لا ...يعنى لو حد معاه جنسية تانية و تخلى عنها...ينفع يترشح؟