رسميا بدء الدراسة السبت المقبل

[Messi]

المجلس الأعلى للجامعات يعلن رسميا بدء الدراسة السبت المقبل

الأحد، 27 فبراير 2011 - 11:27



وافق المجلس الأعلى للجامعات برئاسة الدكتور أحمد جمال الدين موسى، وزير التعليم العالى والتربية والتعليم، على بدء الدراسة رسميا بالجامعات اعتبارا من يوم السبت القادم 5 مارس.

كما قرر المجلس حسب بيان إعلامى اليوم، الأحد، تشكيل لجنة لتقييم مشروع زيادة دخول أعضاء هيئة التدريس والمرتبط بجودة الأداء، وذلك بهدف تطويره وتحقيق تطلعات أعضاء هيئة التدريس بالجامعات.

أكد الدكتور "موسى" فى الاجتماع الذى عقد أمس، السبت، على أهمية العمل وبذل الجهود الكبيرة من أجل تحقيق المصالح العليا للوطن، وكذلك الاهتمام بمواجهة المشاكل ودعم التطوير داخل كافة الجامعات المصرية.

ووافق المجلس على ضم الدكتور عمرو عزت سلامة وزير البحث العلمى والعلوم والتكنولوجيا "بصفته لعضوية المجلس الأعلى للجامعات".

[buffy]

يلا بقى وانا اللى كنت فاكرة ان هيلغونا الترم التانى

[محمد_على_سلام]

ما هو خلاص هيأخروا اكتر من كده ايه

[ضياء القلب]

ياريت بس يكون اخر كلام
والله المستعان

[Moonlight]

بصراحة بعد اللي سمعته في المنصورة ماعنتش عايزة آجي
بس نفسي نخلص بردو ................ربنا يسلمنا
اللهم آمنا في أوطاننا و أصلح أئمتنا و ولاة أمورنا
ربنا يولى من يصلح عاجلا غير آجل و يعد الأمن و الإستقرار إلى بلادنا و بلاد المسلمين جميعا يا رب العالمين

[asfourelgana]

يارب يكون ده اخر القرارات

عشان كده كتير

كل شوية يرجعو ف كلامهم بصراحه شكلهم بقه وحش اوى

[Messi]

كل شوية يرجعو ف كلامهم بصراحه شكلهم بقه وحش اوى

لا فعلا شكلهم بقي
الراجل كلمته واحده

[الراجية فى رحمة الله]

اخيرا اخدوا قرار والله الواحد اشتاق كتير لزميله

[yasmeena]

طب الحمد لله
وياااااا رب يطلعوا رجاله المرادى

[عائشة]

ياجماعة انا عايزة اسأل كام سؤال كدة بخصوص الكلية
دلوقتى السكاشن اولا هتبتدى من اول يوم؟؟؟؟؟؟
والسكاشن هتبقى كل اسبوع ولا اسبوع واسبوع زى الاول؟؟؟؟؟؟
وفية حاجة هتتلغى من المنهج ولا لأ؟؟؟؟؟
وميعاد الامتحان هيتأخر عن كل سنة ولا فى نفس الميعاد؟؟؟؟؟
وحاجة اخيرة هى الكلية اخدت الاعتماد ولا لسة؟؟؟؟؟؟؟؟؟؟؟؟؟؟؟؟؟؟؟
سورى لو كنت طولت فى الاسئلة