هذه عقلية مدير الأمن

[بحلم ببكره]

بسم الله الرحمن الرحيم

الفيديو موجود وبفتح بيه نقاش تاني عن الشرطة

بس أسمع تعليقاتكم الأول علي الكلام دا

+ YouTube Video

ياريت أعرف رأيكم::

1- قصده مين بالأبطال؟
2- قصده مين بالأسياد؟
3- قصده مين باللي ضروا الناس الغلابة؟
4- هو بالضبط وظيفته إيه لما قال يرموهم هم بالطوب ؟؟
5- مين سبب الرعب اللي حصل للناس لما هربوا وتخلوا عن مسئوليتهم ؟
6- إيه المشكلة يعني لما انت ولا مساعد المدير يروحوا للمحاكمة؟؟ إيه العيب في كدا؟؟

[L SMA7Y]

سلام عليكم

حطيت الفديو من شويه يا دكتور في موضوع سواق الميكرو باص

وبصراحه منتهي انعدام المسؤوليه عند الناس دي

هرد علي كل اساله حضرتك في جمله واحده

دا من نوعيه من الناس اللي مغمي عليها ومغيبين ,, ومش حاسيين ان خلاص البلد اتغيرت ورجعت لاصحابها

ميعرفش ان الشعب هو اللي بقا الاسياد وهما اخدوا مراكزهم الي المفروض ياخدوها

هما اللي هيضربوا بالطوب وايديهم هتتقطع لو فكروا ومدوا ايدهم علي اقل واحد في مصر

هيحصلهم زي الي حصل في الظابط بتاع المعادي وفيصل

وهيفضل يحصل فيهم كدا لحد ميتعلموا ,, اصلهم مش هيتعلموا بكلمتين من وزير الداخليه ولا كلمتين هيطلعوةا يقولوهم في التليفزيون ونصدقهم

دول مش هيتغيروا بسهوله ,, وزي مقولت قبل كدا لازم مناخيرهم الزياده دي تتكسر ويبقي بمناخير واحده زي كل الشعب علشان يعرفوا يتعاملوا مع الناس كويس

ودا علشانهم والله مش علشانا ,و لان خلاص طفح الكيل

[بحلم ببكره]

طب والحل؟؟

ما هي البلد مينفعش تعيش من غير شرطة..

[L SMA7Y]

الناس هتاخد فتره علي ماللي جواهم يهدي

دا قهر لمده كاااااااااام سنه

مش في الاقسام بس لا وكمان في الشارع

فلازم الشرطه صدرها يتسع لكل اللي هيطلع من الشعب

وميجيش ظابط يقول دا سواق ميكروباص ولا كذا ولا كذا وملوش حق يتكلم

لا دا سواقين الميكروباصات دول ياما شافوا منهم ومحدش يستني انهم هيتعملوا معاهم تاني زي الاول

وكل واحد يعرف حد من الشرطه لازم يقعد معها ويكلمه ويوصله الناس بتتكلم عنهم ازاي وطريقه تعاملهم معهاهم ازاي


لان وللاسف زي ما في الفيديو القاده بتاعتهم غير مسؤوله بالمره

كان فين مدير امن دمنهور دا ولا غيره من القيادات والظباط قاعده في الثكنات بتاعتهم في الثوره ومش عارفين ياخدوا اوامر يروحوا ولا ينزلوا يتعاملوا ولا يحموا نفسهم ازاي

ولا طالع البيه الوقتي يقول اسيادهم وبتاع

دا هزيااااااااان ,, دا اخره يروح يشتغل مع معمر القذافي

[بحلم ببكره]

بس عشان يكون الكلام منطقي أكتر لازم نحط تصور لحل يحل المشكلة اللي بين الناس والشرطة


حد عنده حل؟؟

[L SMA7Y]

هو الظابط الصغير مبينفذش حاجه الا باوامر ,, يعني لو مدير الامن او مساعد الوزير او خلافه من القيادات العاليه قالتله اتعامل كويس ووسع صدرك هيعمل كدا

فانا شايف ان لازم اغلب ان مكنش كل القيادات الكبري في كل محافظه يتقالوهم مشركورين لحد كدا ويتقعادوا وياخدوا معاشاتهم كامله ويتعين مكانهم ناس تانيه يتم تدريبهم وتوعيتهم صح ويبدأوا بدايه جديده مع الناس

دا رايي

شكرااااااا

[بحلم ببكره]

جميل

حد عنده رأي تاني؟

[dr moory]

او ممكن تجيلهم اوامر انهم يتعاملوا باحترام مع الشعب زى الاوامر اللى كانوا بياخدوها انهم يضربوا الشعب
ويكون فيه عقاب شديد لمدير الامن ده واللى يفكر يعمل زيه
وبتوع المرور اللى مكنوش بيعدوا اى حاجة من غير فلوس لازم يكون فى رقابة عليهم
ده رايى بس مش عارفة هينفع يتنفذ ولا لآ

[Dr_Cinderellaaaaa]

الناس دى عمرها ما هتتغير بين يوم وليلة
عايزين تغيير شاااااااااامل فى طريقة التفكير و طريقة التعامل
أنا فاقدة الأمل فيهم بصراحة...مفيش عندى حل غير ان لما البلد تستقر باذن الله و كل حاجة تمشى بالقانون صح ..
لو أى فرد من الشرطة اتعامل مع مواطن بأى طريقة تسىء له يشتكيه و يأخذ حقه منه بالقانون..لما واحد يتعاقب الباقى هيعرف يمشى صح...
ربنا يستر و يعدى الأيام الجاية على خير

[بحلم ببكره]

بالنسبة للشرطة عندنا ففي رأيي إن في تجاوزات ممكن أعديها وتجاوزات لأ

بمعني

عسكري المرور اللي بيرخم وياخد إتاوة من العربيات هنسي إنه عمل كدا ....

لكن عشان أقنع الناس إنها تنسي وتبدأ من أول وجديد لازم حاجتين:

1- كل قيادات الداخلية تتغير بلا استثناء
2- كل الضبط المتورطين في قضايا تعذيب وتجاوز في حقوق المواطنين يتحولوا للتحقيق

ساعتها الناس هتقبل تتعامل مع الباقي والباقي دا هيفكر 100 مرة قبل ما يعمل حاجة غلط

في المقابل لازم مرتباتهم تزيد بشكل يسمح لهم يعيشوا عيشة كريمة لأنهم بشر عاوزين يعيشوا هم وأهاليهم


بالتوازي يتم إعادة التأهيل والتطوير للجهاز عشان يتعلموا يعني إيه حقوق إنسان

وأسلوب الدراسة في الكلية يتغير لن معروف إن الواحد بيتعلم هناك إزاي يذل في خلق الله
-----

دعت منظمة العفو الدولية في بيان اصدرته يوم الجمعة السلطات المصرية الى حماية اسر قتلى الاحتجاجات التي شهدتها البلاد مؤخرا من اعتداءات وانتقام قوات الامن.
واصدرت المنظمة بيانها عقب تسلمها تقارير تقول إن بعض افراد قوات الامن المصرية قد اضطهدت الضحايا واسرهم عقب اسقاط الرئيس السابق حسني مبارك وذلك لمنعهم من اللجوء الى القضاء والشكوى من تصرفات رجال الامن اثناء الاحتجاجات.
وقد وثقت المنظمة تقارير عديدة تتحدث عن تصرفات مشابهة من جانب قوات الشرطة ابان حكم مبارك عندما لم تكن الحكومة المصرية ترفع ساكنا لمنعها.
وقال فيليب لوثر، نائب رئيس منظمة العفو الدولية للشرق الاوسط وشمال افريقيا: على السلطات المصرية الآن عمل كل ما في وسعها لحماية الافراد واسرهم الذين يواجهون انتقام قوات الامن.
واضاف: على المصريين ان يعوا ان التقارير التي تتحدث عن حصول اضطهاد او تخويف سيتم التحقيق فيها، وان يعلموا ان المسؤولين عن العنف سيواجهون العدالية. لذلك تحث منظمة العفو الدولية لاتخاذ الاجراءات الكفيلة بمساعدة اولئك الذين يبحثون عن معلومات عن مصير اقاربهم وعن الجهة التي ينبغي ان تتحمل مسؤولية مقتلهم.
________
المصدر: بي بي سي