مهام اتحاد الطلبة تبعا للائحته

[Dr/HULK]

بسم الله الرحمن الرحيم

فى الاول ده موضوع فيه لائحة اتحاد الطلبة
http://www.pharma-board.com/board/showthread.php?t=14684

بعد كده نتكلم بقى عن ادواره المهم تبعا للائحة

مادة ( 318 )

الاتحادات الطلابية هي التنظيمات الشرعية الممثلة لطلاب الكليات والمعاهد والجامعات في مصر وتهدف إلى تحقيق ما يلي :

1 . تنمية القيم الروحية والأخلاقية وترسيخ الوعي الوطني والقومي وإعلاء قيمة الانتماء والولاء وتعميق أسس الديمقراطية وحقوق الإنسان والمواطنة لدى الطلاب والعمل بروح الفريق مع كفالة التعبير عن آرائهم في الإطار التقاليد والأعراف الجامعية .

2. صقل مواهب الطلاب وتنمية قدراتهم ومهاراتهم وتوظيفها بما يعود بالفائدة على الطالب والجامعة والوطن .

3. تكوين الأسر والجمعيات والنوادي العلمية مع تنظيم أسلوب الاستفادة من طاقات ومهارات الطلاب والعمل على دعم أنشطتهم .

4. تنظيم الأنشطة الطلابية الرياضية والاجتماعية والكشفية والفنية والثقافية والتكنولوجية وغيرها وتوسيع قاعدة المشاركة وتحفيز وتشجيع المتميزين فيها .

دى اول مادة وزى ماواضح منها ليس لها محل من الاعراب فى العملية التعليمية شغالة على الرحلات والترفيه

المادة319و320و321 اللى بعد كده بتتكلم عن شروط التقدم وطريقة الانتخابات مش هنتكلم عنها لانها ملهاش لازمة لان امن الدولة كان بيقوم بالدور وزيادة

مادة ( 322 )

إذا تعذر تكوين مجلس اتحاد طلاب الكلية أو المعهد يعين عميد الكلية أو المعهد مجلسا لإدارة شئون الاتحاد يضم عناصر من الطلاب المتفوقين في الدراسة وفي أنشطة الاتحاد ممن تتوافر فيهم شروط الترشيح .

اظن ان ده حل مهم
لان معظم طلبة الاتحاد رافضين الاستقالة بحجة ان ادارة الكلية هتعينهم تانى
مع ان الاستقالة هدفها رفض لوضع غلط مش تشكيك فيهم
وخصوصا ان الكلية ساعتها ممكن تعين اوائل الفرق

ي

323

ضم اتحاد طلاب الكلية أو المعهد أو الجامعة اللجان التالية :

1. لجنة الأسـرة : تختص بتشجيع تكوين الأسر ودعم نشاطها والتنسيق فيما بينها .

2. لجنة النشاط الرياضي : وتختص بتنظيم وتشجيع ممارسة الأنشطة الرياضية وتكوين الفرق الرياضية وإقامة المباريات والمسابقات الرياضية بهدف تنمية المواهب الرياضية .

3. لجنة النشاط الثقافي والإعلامي : وتختص بتنظيم أوجه النشاط الثقافي والإعلامي وتنمية الوعي بقضايا الوطن بما يرسخ مفاهيم المواطنة والديمقراطية ونشـر ثقافة حقوق الإنسان والمشاركة المجتمعية والعمل العام ، وتنمية طاقات الطلاب الإبداعية والثقافية والإعلامية .

4. لجنة النشاط الفني : وتختص بتنظيم الأنشطة الفنية للطلاب بهدف إبراز مواهبهم ورفع مستوى إنتاجهم الفني .

5. لجنة الجوالة والخدمة العامة : وتختص بدعم الحركة الكشفية والمشاركة في مشروعات الخدمة العامة ، وتنفيذ برامجها لخدمة البيئة والمجتمع .

6. لجنة النشاط الاجتماعي والرحلات : وتختص بتنظيم الرحلات المعسكرات الاجتماعية والثقافية والترفيهية بهدف تنمية الروابط الاجتماعية وبث روح التعاون بين الطلاب وأعضاء هيئة التدريس والعاملين .

7. لجنة النشاط العلمي والتكنولوجي : وتختص بعقد الندوات العلمية والمحاضرات العلمية بهدف تنمية القدرات العلمية والتكنولوجية ونشر المعرفة إنتاجًا وتطبيقًا عن طريق نوادي العلوم والجمعيات العلمية

دا دور اللجان الطلابية فى الاتحاد

كلام عادى جدا كأنها لائحة اسر مش لائحة اتحاد

يختص مجلس اتحاد طلاب الجامعة بما يلي :

- رسم سياسة اتحاد طلاب الجامعة .

- تنسيق العمل بين لجان الاتحاد .

- اعتماد برامج عمل لجان مجلس اتحاد طلاب الجامعة .

- توزيع الاعتمادات المالية الخاصة باتحاد الطلاب .

- اعتماد الحسابات الختامية للاتحاد ووضع الموزانات السنوية للاتحاد .

- العمل على توثيق العلاقة مع الاتحادات الطلابية بالجامعات الأخرى .

وتبلغ قرارات المجلس إلى نائب رئيس الجامعة لشئون التعليم والطلاب في خلال أسبوع من صدورها .

وتعتبر قرارات المجلس سارية المفعول بعد اعتمادها من نائب رئيس الجامعة لشئون التعليم والطلاب

دى قوة الاتحاد الحقيقة

انه يجمع المشاكل ويرسلها للادارة
ههههههههههههههههههههه
يعنى فى الاخر القرار مش للطلاب
القرار بيبقى اساسى لادارة الجامعة

مادة (330 )

لا يجوز إقامة أية جمعيات أو أسر طلابية على أساس فئوي أو ديني أو عقائدي أو حزبي بالجامعات أو الكليات أو المعاهد .

تقام الندوات والمحاضرات والمؤتمرات والمعارض وغيرها من الأنشطة بعد إخطار وموافقة وكيل الكلية أو المعهد أو نائب رئيس الجامعة لشئون التعليم والطلاب بحسب الأحوال بوقت كاف .

حتى انشاء الاسر لازم يكون بموافقة مجلس الجامعة اللى هو بيمشى بادارة امن الدولة

بقاى المواد روتينية
والقرار الاول والاخير بيعتمد على وكيل شئون الطلاب
ومجلس الجامعة

يعنى اتحاد الطلبة دوره زى اى اسرة
انشطة رياضية وفنية وشوية ندوات فقط

لا دور لاتحاد الطلبة زى ماكنا متصورين فى ادارة العملية التعليمية زى زمان

كأن الاتحاد بقى مقتصر على لم الشكاوى (سواء كان ده بيحصل ولا لأ ) ويرسلها للادارة

يعنى لو مثلا (لا سمح الله ) ادارة الكلية فى تواصل مستمر مع الطلبة كان الاتحاد هيبقى صورى لا اكتر ولا اقل

عشان كده واضح ان العيب مش فى الاتحاد بس
العيب فى منظومة كاملة
وافقت على لائحة فاشلة زى دستور فاشل

الواضح ان عشان المرحلة الجاية تبقى كويسة
انه يتم تغيير ادارة الكلية المسئولة عن شئون الطلاب
لانهم دايما بيبقوا عارفين مشاكل الطلاب ومحدش بيتحرك لحلها
دكتور حسن الكاشف مع احترامى الكبير جدا ليه كدكتور
لكن مفيش لقاء طلابى تم تنظيمه مع طلبة فرقتنا من بعد اعداى؟؟؟؟؟

كأننا مهمشين او فراغ فى الكلية

عشان كده ياريت نطالب بتغيير اللائحة ويكون فيها ان وكلاء الكلية المسئولين عن الطلاب يكونوا بالانتخاب من الطلبة

يعنى مثلا الطلبة تختار دكتور يكونوا حاسيين انه بيسمعهم وقريب منهم

بحيث طلباتهم دايما تكون على الاقل مسموعة (مش هقول مجابة)

الناس امبارح اتكلمت عن طلبات بيتم ارسالها لادارة الكلية ومفيش اى رد عليها سواء استجابة او رفض

[بحلم ببكره]

يا دكتور


اللائحة الطلابية نفسها محتاجة تتنسف تماما

لأنها متفصلة بحيث إن الطالب يبقي بلا قيمة

[The Princess]

عشان كده ياريت نطالب بتغيير اللائحة ويكون فيها ان وكلاء الكلية المسئولين عن الطلاب يكونوا بالانتخاب من الطلبة

بص يا دكتور اعتقد دى هتبقى صعبة لسبب اولا انت بكده بتطالب بانتخابات يعنى الدكاترة ترشح نفسها و تنزل ببرامج و الطلبة تتختار طبعا بنظام كليتنا فيه اقسام بتقعد ما تتعاملش معاها لحد ما تدخل تالته مثلا يعنى طلاب اعدادي صوتهم هيكون غير واقعى اصلا
و بعدين انت بكده تبقى لغيت دور الاتحاد اصلا
ما هو انا لما اختار وكيل الكلية على مزاجى و يعملى اللى انا عاوزه و يمثلنى بالتالى يبقى لازمته ايه الاتحاد يعمل ندوات ؟؟؟
لا
انا شايفه ان لائحة الاتحاد المفروض تتعدل و تزيد من صلاحيات الاتحاد بحيث هو يبقى ممثل الطلبة بجد و بكده هيكون اكثر فائدة من انى اختار الوكيل
لو عاوزه تلعبها صح بقى
يبقى صلاحيات الاتحاد تتعدل بحيث انه يبقى له دور فى اختيار وكيل الكلية

[Messi]

والله يا د.hulk
انت حطيت ايدك علي النقطه المهمه التي يجب فعلا الاهتمام بها
وزي ما د.جوهري قال نفس الكلام ده قبل كده
احنا عاوزين نطالب بتغيير الايحه
لان الايحه دي لا تعبر عن راي الطلاب بصوره قويه
فالامر في النهايه لاداره الكليه وليس لاتحاد الطلاب

وتلاقي الطلبه عماله تقول انتم مش بتغيروا الجدول ده ليه ولا ليه ولا ليه
وهم اصلا مش فاهمين ان اتحاد الطلبه دوره هوه توصيل المشكله للاداره يعني مش هوه الي يقدر يحلها بنفسه
ولو كان الامر كذلك .... لهان الامر
وكان اي جدول وحش اقوم مغيره بنفسي وتنتهي القصه

بالفعل لابد ان نطالب بتغيير هذه الائحه
علي ان نختار بعض الشباب الذي لديهم الخبره
زي لجنه الحكماء كده
ويقعدوا يطلعوا لنا لايحه بجد

[Mohamed Al Gohary]

معلش فيه توضيح مهم جداً .. انا مردتش أخوض فيه أمبارح ولا أوضحه ولا أصحح كلام البعض عشان مكنتش متأكد .. وقلت أفضل انى انتظر لحد ما اتاكد وافهم كويس وبعدين اوضحه ..

إذا تعذر تكوين مجلس اتحاد طلاب الكلية أو المعهد يعين عميد الكلية أو المعهد مجلسا لإدارة شئون الاتحاد يضم عناصر من الطلاب المتفوقين في الدراسة وفي أنشطة الاتحاد ممن تتوافر فيهم شروط الترشيح .

اظن ان ده حل مهم
لان معظم طلبة الاتحاد رافضين الاستقالة بحجة ان ادارة الكلية هتعينهم تانى
مع ان الاستقالة هدفها رفض لوضع غلط مش تشكيك فيهم
وخصوصا ان الكلية ساعتها ممكن تعين اوائل الفرق

نقرى اللايحه كويس .. بتقوا إذا تعذر .. بمعنى ان اللايحه بتقول ان لازم الانتخابات يكون فيها 50% من الطلاب في اليوم الاول لصحتها .. و 20% من الطلاب لليوم الثاني .. فإن لم يكتمل فقد تعذر تكوين مجلس اتحاد الطلاب ..
كمان فرضا لم يتم التقدم للترشيح من قبل الأعضاء .. فقد تعذر تكوين اتحاد الطلاب ..

في هذه الحاله .. يكون العميد بتعيين لجنة لإدارة شئون الاتحاد .. بمعنى ان التعذر هنا في البدايه .. يعني مفيش اتحاد اتكون اصلا .. مش فيه اتحاد واستقال او تم حله ..

النقطه التانيه .. اللايحه مجبتش سيرة استقالات او تنحي او اقاله .. وده لان الاتحاد عمل تطوعي .. والمعروف ان العمل التوطعي مفيهوش اقاله .. لان مالوش مرتب .. مش معقول ابقى جاي عمل تطوعي وبخدم بدون مقابل وانت تقيلني ..

كمان مفيش في اللايحه ان مين اللى يحل الاتحاد .. يعني حتى لو الوزير عمل كده هيبقى بناء على الحالة الى مصر فيها الوقتي وان مفيهاش دستور ثابت وهيبقى بموافقة المجلس الأعلى للقوات المسلحة .. تفتكروا ممكن ادارة الكليه توصل للمجلس الأعلى للقوات المسلحة عشان تحل الاتحاد ؟؟؟

اللايحه ناقصه ومش كامله وفيها عيوب كتيره جدا .. تفكيرنا لازم ينصب عليها .. المشكله مش في اى اتحاد ولا في اى مجلس اتحاد .. في 70 اتحاد جم قبل كده .. ولو فضل الحال كما هو عليه فيه 50 اتحاد هييجوا بعد كده .. بس باختلاف طريقة انتخابه .. من الغلط للصح .. ودي حاجه كويسه محدش يقدر يختلف ولا يقول غير كده .. بس اعتقد ان ده مش كل همنا .. احنا همنا ان الاتحاد يقوم بدور أكبر بين الطلاب ويكون له فاعليه اكتر على ادارة الكلية .. وده مش هييجي بإن الاتحاد ييجي بانتخابات صريحة ومطلقة 100% .. ده هييجي بإن كل صلاحيات الاتحاد الى تم سحبها منه بعد تعديل لايحته أيام السادات إنها ترجع تاني ..

وده المفروض يكون دورنا في التصحيح ..

[El_Daly]

النقطه التانيه .. اللايحه مجبتش سيرة استقالات او تنحي او اقاله .. وده لان الاتحاد عمل تطوعي .. والمعروف ان العمل التوطعي مفيهوش اقاله .. لان مالوش مرتب .. مش معقول ابقى جاي عمل تطوعي وبخدم بدون مقابل وانت تقيلني ..

بتفكرنى بكلام القذافى " انا مش رئيس دولة أنا قائد ثورة لو كنت رئيس دولة كنت رميت الاستقالة ..."


-----
بالنسبة لانتخاب وكيل الكلية معتقدش

مفروض انه ممثل الادارة

المفروض نطلب تقوية دور الاتحاد اللى هو بيمثلنا

لانهم دايما بيبقوا عارفين مشاكل الطلاب ومحدش بيتحرك لحلها
دكتور حسن الكاشف مع احترامى الكبير جدا ليه كدكتور
لكن مفيش لقاء طلابى تم تنظيمه مع طلبة فرقتنا من بعد اعداى؟؟؟؟؟

اممممممممم حضرتك اتعاملت مع د حسن قبل كده

أعتقد انك غلطان فى رايك ده

د حسن قريب للطلبة فى حاجات كتير واى حاجة فى مصلحتنا يقدر يعملها بيعملها بس مش كل حاجة

[Mohamed Al Gohary]

محمد .. جربت مره تتكلم مع دكتور حسن في اى حاجه وهو رفض او قفل الباب في وشك !!!

لو كانت الاجابه أه .. فإنت معاك حق في كل كلامك .. ولو اكنت الاجابه لأ .. يبقى احنا مش هنتغير ابدا وهنفضل نحكم بناء على أسس غلط ..

عمر .. أعتذر مش هرد عليك ..

[El_Daly]

just 4 joking ya gohary

[AbU ElKhAiR-Let`s Go]

بسم الله الرحمن الرحيم

الاتحادات الطلابية هي التنظيمات الشرعية الممثلة لطلاب الكليات والمعاهد والجامعات في مصر وتهدف إلى تحقيق ما يلي :
1 . تنمية القيم الروحية والأخلاقية وترسيخ الوعي الوطني والقومي وإعلاء قيمة الانتماء والولاء وتعميق أسس الديمقراطية وحقوق الإنسان والمواطنة لدى الطلاب والعمل بروح الفريق مع كفالة التعبير عن آرائهم في الإطار التقاليد والأعراف الجامعية .
2. صقل مواهب الطلاب وتنمية قدراتهم ومهاراتهم وتوظيفها بما يعود بالفائدة على الطالب والجامعة والوطن .
3. تكوين الأسر والجمعيات والنوادي العلمية مع تنظيم أسلوب الاستفادة من طاقات ومهارات الطلاب والعمل على دعم أنشطتهم .
4. تنظيم الأنشطة الطلابية الرياضية والاجتماعية والكشفية والفنية والثقافية والتكنولوجية وغيرها وتوسيع قاعدة المشاركة وتحفيز وتشجيع المتميزين فيها .

دى اول مادة وزى ماواضح منها ليس لها محل من الاعراب فى العملية التعليمية شغالة على الرحلات والترفيه

مش فاهم حضرتك تقصد اى ؟؟؟؟؟؟
بس الواضح انها بتهتم أكثر بالعمليه العلميه وده الواضح من اكلام

المادة319و320و321 اللى بعد كده بتتكلم عن شروط التقدم وطريقة الانتخابات مش هنتكلم عنها لانها ملهاش لازمة لان امن الدولة كان بيقوم بالدور وزيادة

دى قوة الاتحاد الحقيقة

انه يجمع المشاكل ويرسلها للادارة
ههههههههههههههههههههه
يعنى فى الاخر القرار مش للطلاب
القرار بيبقى اساسى لادارة الجامعة

[/CENTER]

قوة الاتحاد الحقيقيه هيا الطلبه واللى كانت تدى القوه للاتحاد انه يغير اللايحه دى من سنين فاتت

لا دور لاتحاد الطلبة زى ماكنا متصورين فى ادارة العملية التعليمية زى زمان
كأن الاتحاد بقى مقتصر على لم الشكاوى (سواء كان ده بيحصل ولا لأ ) ويرسلها للادارة
يعنى لو مثلا (لا سمح الله ) ادارة الكلية فى تواصل مستمر مع الطلبة كان الاتحاد هيبقى صورى لا اكتر ولا اقل
عشان كده واضح ان العيب مش فى الاتحاد بس
العيب فى منظومة كاملة
وافقت على لائحة فاشلة زى دستور فاشل

أولا الاتحاد أحد أجزاء هذه المنظومه
ثانيا زى ما قلت دوره انه يغير اللايحه دى أساسا أو ما يشاركش فى منظومه غلط

عشان كده ياريت نطالب بتغيير اللائحة

ده أكييييييييييييييد

ويكون فيها ان وكلاء الكلية المسئولين عن الطلاب يكونوا بالانتخاب من الطلبة

ده مش دورنا ولا حقنا المفروض اننا بنختار سياسه دوله عليا وبعدين هيا بتختار ممثلينها فى كل مكان اللى بينفذوا سياستها وبالتالى بنحكم عليها ككل وفى كل مكان فى اتحاد أو مجلس شعب أو مجالس محليه وهكذا بتمثل صوتنا

الناس امبارح اتكلمت عن طلبات بيتم ارسالها لادارة الكلية ومفيش اى رد عليها سواء استجابة او رفض

لأن ما كنش فى دوله بتستجيب

[/CENTER]

والله يا د.hulk
انت حطيت ايدك علي النقطه المهمه التي يجب فعلا الاهتمام بها
وزي ما د.جوهري قال نفس الكلام ده قبل كده
احنا عاوزين نطالب بتغيير الايحه
لان الايحه دي لا تعبر عن راي الطلاب بصوره قويه
فالامر في النهايه لاداره الكليه وليس لاتحاد الطلاب

اذا كان الأولى باتحاد الطلبه انه يطلب بتغير اللايحه كخطوه على طريق الاصلاح والتى دخل لأجله جميع أعضاؤه الذين يقولون ذلك الآن
لكن طبعا ده كان غير متاح لأن الاتحاد معين فلو طلب ده هيتشال

وتلاقي الطلبه عماله تقول انتم مش بتغيروا الجدول ده ليه ولا ليه ولا ليه
وهم اصلا مش فاهمين ان اتحاد الطلبه دوره هوه توصيل المشكله للاداره يعني مش هوه الي يقدر يحلها بنفسه
ولو كان الامر كذلك .... لهان الامر
وكان اي جدول وحش اقوم مغيره بنفسي وتنتهي القصه

خلاص كنتوا فهموهم بما أنكو فاهمين



عليوه اعرف انت بتقول اى ؟؟؟؟

بالفعل لابد ان نطالب بتغيير هذه الائحه
علي ان نختار بعض الشباب الذي لديهم الخبره
زي لجنه الحكماء كده
ويقعدوا يطلعوا لنا لايحه بجد

والله بجد
خلاص يبقى المفروض حل الاتحاد
اللى هوا مجلس الشعب

نقرى اللايحه كويس .. بتقوا إذا تعذر .. بمعنى ان اللايحه بتقول ان لازم الانتخابات يكون فيها 50% من الطلاب في اليوم الاول لصحتها .. و 20% من الطلاب لليوم الثاني .. فإن لم يكتمل فقد تعذر تكوين مجلس اتحاد الطلاب ..
كمان فرضا لم يتم التقدم للترشيح من قبل الأعضاء .. فقد تعذر تكوين اتحاد الطلاب ..
في هذه الحاله .. يكون العميد بتعيين لجنة لإدارة شئون الاتحاد .. بمعنى ان التعذر هنا في البدايه .. يعني مفيش اتحاد اتكون اصلا .. مش فيه اتحاد واستقال او تم حله ..

طيب وهوا فى اتحاد اتكون أساسا
بالفعل تعذر على الطلاب التقديم والدليل ان كان طلبه محدده هيا اللى مسموح لها تقديم أوراقها
ثانيا مين الطلبه اللى شاركت فى التصويت عشان نحقق النسبه دى
وبعدين أنا عايز أفهم حاجه يعنى اى الاتحاد بالكامل ينجح بالتزكيه وما فيش ولا طالب يحط صوته أو يسمع عن الاتحاد
دا مش تعذر ولا اى ؟؟؟؟؟؟؟

النقطه التانيه .. اللايحه مجبتش سيرة استقالات او تنحي او اقاله .. وده لان الاتحاد عمل تطوعي .. والمعروف ان العمل التوطعي مفيهوش اقاله .. لان مالوش مرتب .. مش معقول ابقى جاي عمل تطوعي وبخدم بدون مقابل وانت تقيلني ..

اى المانع من الاقاله لو العامل التطوعى ما قمش بالعمل كما ينبغى
كمان أما الاتحاد عارف ان اللايحه ناقصه لى مش قال ده للاداره

كمان مفيش في اللايحه ان مين اللى يحل الاتحاد .. يعني حتى لو الوزير عمل كده هيبقى بناء على الحالة الى مصر فيها الوقتي وان مفيهاش دستور ثابت وهيبقى بموافقة المجلس الأعلى للقوات المسلحة .. تفتكروا ممكن ادارة الكليه توصل للمجلس الأعلى للقوات المسلحة عشان تحل الاتحاد ؟؟؟

بس بدون ذكر مين اللى يحل الاتحاد بيتهيألى ان طلب الطلبه بحل الاتحاد كافى لحله
خصوصا اذا كانوا أغلبيه زى ما هو واضح من التصويت على موضوع سابق 115 أقل أو أكثر موافقين فى مقابل 3 رافضين بالاضافه للتصويت فى الاجتماع امباح 36 موافقين ما عدا 6 وهما طلبة الاتحاد الحاضرين
والمفروض بأه الاتحاد يقدم استقالته

اللايحه ناقصه ومش كامله وفيها عيوب كتيره جدا .. تفكيرنا لازم ينصب عليها .. المشكله مش في اى اتحاد ولا في اى مجلس اتحاد .. في 70 اتحاد جم قبل كده ..

ومين اللى جابهم

ولو فضل الحال كما هو عليه فيه 50 اتحاد هييجوا بعد كده .. بس باختلاف طريقة انتخابه .. من الغلط للصح .. ودي حاجه كويسه محدش يقدر يختلف ولا يقول غير كده .. بس اعتقد ان ده مش كل همنا .. احنا همنا ان الاتحاد يقوم بدور أكبر بين الطلاب ويكون له فاعليه اكتر على ادارة الكلية .. وده مش هييجي بإن الاتحاد ييجي بانتخابات صريحة ومطلقة 100% .. ده هييجي بإن كل صلاحيات الاتحاد الى تم سحبها منه بعد تعديل لايحته أيام السادات إنها ترجع تاني ..

وده المفروض يكون دورنا في التصحيح ..

ده المفروض دور اتحاد منتخب
بيعبر عن الطلبه
بالاضافه للطلبه

شكرا لحضراتكم جميعا

[Dr/HULK]

محمد .. جربت مره تتكلم مع دكتور حسن في اى حاجه وهو رفض او قفل الباب في وشك !!!

لو كانت الاجابه أه .. فإنت معاك حق في كل كلامك .. ولو اكنت الاجابه لأ .. يبقى احنا مش هنتغير ابدا وهنفضل نحكم بناء على أسس غلط ..

يادكاترة دلوقتى لازم نفصل بين الشخصية والموقع

محدش يقدر يتكلم عن شخصية دكتور حسن الكاشف واحترامه للطلبة

لكن فى موقعه الوظيفى وهو وكيل الكلية لشئون الطلاب
لما ينزل جدول امتحانات اعترض عليه كل طلبة كلية صيدلة من اعدادى لرابعة ولا يتم اتخاذ اى تغيير او حتى توضيح فى حين ان كلية صيدلة اسكندرية كان الجدول افضل بكتير

تانى حاجة انعدام الحوار بين الطلبة وادارة الكلية والاكتفاء بالوسيط
يعنى انس مثلا او الجوهرى ياخدوا الطلبات ويرسلوها للادارة لكن محدش فيهم بيرجعلنا بالتوضيحات الكافية

بخصوص التعامل المباشر انا من لاشخاص اللى مش هروح اطلب طلب من مسئول لا اعرف شيئا عن وظيفته
فيه اى عضو من هيئة التدريس دخل ووضح لنا دور وكلاء الكلية؟؟؟
ولما تحصل مشكلة اروح اكلم مين

وخصوصا ان لو فيه مشكلة لطالب مع قسم معين فى الكلية يبقى لازم اروح واتكلم مع رئيس القسم لان الكلام مع ادارة الكلية هيبقى بدون فايدة لان الاقسام عندنا بتعمل بشكل شبه مستقل

مش فاهم حضرتك تقصد اى ؟؟؟؟؟؟
بس الواضح انها بتهتم أكثر بالعمليه العلميه وده الواضح من اكلام

لأ قصدى انها بلا معنى لان اساسا مفيش تواصل بين الاتحاد والطلبة لان معظم طلبة الاتحاد مجهولين وبالتالى الادوار اللى موجوده فوق دى زيها زى المادة التانية من الدستور
ان الاسلام هو الدين الرسمى للدولة فى نفس الوقت اللى بيتم محاربة العلماء