صفحات لم استطع طويها ..

[M.Hegazy]

بسم الله الرحمن الرحيم

و نهايته إيه .. اللي إحنا فيه
بعْد و لا قرب و لا مصير عمري ما أقدر عليه ..


فرقتنا حاجات كتيرة .. و طالت المسافة و طال البعد ..
بس نهايته إيه ؟؟.. اللي كان بيننا ضاع و لا عمره هيترد ..


خلاص بقى انتهينا .. و اللي خايف منه بيتحقق ..
و كلامك و وعودك أوهام مبقتش تتصدق ..


ضعنا خلاص و اللي كان كان ..
و جي وقت الدموع و الألم و النسيان ..


كبرتي على إيديا بس خلاص مبقتش أنفعك ..
بكرة تنسيني و لا شيء في الدنيا يرجعك ..


يا خسارة ألف خسارة على العمر اللي ضاع ..
ما هو دايمًا كده .. الحبيب المخلص بيتباع ..


لحد إمتى هيفضل حالي كده ..
أنا متأكد و إنتي مترددة ..


عارف المنظر ده و عارف نهايته ..
نهايته كلمة وداع و دنيا جديدة ليكي ..
و أنا ليا الضياع و برضه لسه بفكر فيكي ..


بس نهايته إيه ؟؟.. دموع ندم و دموع جراح
و انتهى وقت السعادة .. و ماتت الأفراح

24 - 2 - 2011

و للموضوع بقية ..

تقبلوا تحياتي ..

[Al-Shaimaa]

كلمات رائعة واحساسها عالي ما شاء الله يا دكتور
قدرت توصل للقارئ شعور الراوي بالضياع والحيرة
وان كان يغلب عليها الطابع النثري
اعتقد ان لو حضرتك استخدمت القالب المناسب لسطرها من الممكن ان معناها يوصل اسهل من كده

منتظرين جديد حضرتك ان شاء الله
وأسأل الله لكم التوفيق

[eeeman]

كلمات جميلة وبسيطة وسلسة ومعناها واصل جدا ووجود قافية مختلفة لكل بيتين عامل ايقاع حلو ومنتظرين البقية يا دكتور

[AbU ElKhAiR-Let`s Go]

جميله يا دوك

بالتوفيق

[M.Hegazy]

شكرا جزيلا ليكم يا دكاترة .. نورتو الموضوع .. و شرفتوني و أسعدتوني بردودكم ..

[DR.BIBO]

جميله جدا يادكتور واحساسها بيوصل بجمال

[M.Hegazy]

نورتي يا دكتورة .. و شكرا لردك الجميل .. تحياتي لحضرتك ..