اتحادات طلابية تتقدم باستقالتها وانباء عن حل الباقي

[المعلم]

اتحادات طلابية تتقدم باستقالتها وانباء عن حل الباقي

تقدم العديد من اعضاء الاتحادات الطلابية بالجامعات المصرية باستقالتهم لادارة الجامعة حيث تقدم اتحاد طلاب جامعة عين شمس بالكامل باستقالته بجانب تقدم امناء اللجنان العليا لنشاط الثقافي والإعلامي ولجان الجوالة والرحلات بجامعة القاهرة باستقالتهم بجانب اتحاد طلاب كلية الصيدلة واتحاد طلاب كلية الآداب فيما عدا من ينتمي منهم للحزب الوطني .
وقد جاء نص استقالة بعضهم كالأتي " نظرا لما تشهده مصر الآن من تغيرات جذرية فى جميع المؤسسات القيادية والنيابية التى تمثل الشعب ونظرا لما شاب الفترة الماضية من خلل إدارة فى جميع إجراءات الانتخابات فإننا نتقدم بهذه الاستقالة من الاتحاد الطلاب وكلنا أمل أن تكون الاجراءات القادمة أكثر تعبيرا عن إرادة طلاب الكلية فى اختيار من يمثلهم " .
كما تواترت انباء عن قرب إصدار قرار من وزارة التعليم العالي بحل الاتحادات التي لم تتقدم باستقالتها وإقامة انتخابات اخري تتسم بالحيادية والشفافية .
وقال احمد مصطفي امين اتحاد كلية الآداب جامعة القاهرة أنه على مدار السنوات الماضية اكان هناك تهميش تام لدور الاتحاد الطلابي بجانب قمع الحريات المشورعة للطلاب واننا كجزء من الاتحاد وليس الكل غير راضيين عن حال الاتحاد وبما اننا مشاركين في التغير كجزء من شباب ثورة 25 يناير قررنا تقديم تلك الاستقالة تعبير مننا علي تطهير انفسنا ورغبة في اسقاط تلك الاتحادات التي لم تتسم بالشفافية وبعيدة تماما عن النزاهة .

[juman]

ممكن اسال سؤال غبى هو اتحاد الطلاب ده دوره ايه ومين اللى بيرشحه ؟

[لؤلؤه النيل]

عقبال ناس تانيه

[عاشق الأقصى]

ممكن اسال سؤال غبى هو اتحاد الطلاب ده دوره ايه ومين اللى بيرشحه ؟

دوره ايه ده فلم كبير قوي مش وقته


أما مين بيرشحه


فتقريبا احنا الطلبة - هذا والله أعلم -

[star]

ممكن اسال سؤال غبى هو اتحاد الطلاب ده دوره ايه ومين اللى بيرشحه ؟

هو اللي بينتخب نفسه بنفسه هما مش محتاجين حد ينتخبهم

[مورجان]

كان هناك تهميش تام لدور الاتحاد الطلابي

دور الإتحادات المعينة اصبح تافه

شوية رحلات و مؤتمرات

يصرف عليها آلاف الجنيهات

عشان يفرفشوا أسبوع في الأقصر و أسوان

و كلها من فلوسنا

اتحاد الطلاب المنتخب يقدر يحط منخيرة في كل صغيرة و كبيرة تخص الطلاب

ما تتخيلوه و مالا تتخيلوه

دا في لوائح الجامعة الفاسدة

ما بالكم لسه في اللوائح الجديدة اللي الطلبة هيحطوها - إن شاء الله -

الكلام ليكي يا جارة

[dr.monalizaa]

هو اللي بينتخب نفسه بنفسه هما مش محتاجين حد ينتخبهم

بالزبط كدة .. عيني عينك

[asfourelgana]

نتمنى ان يكون في موقف ايجابي من اتحاد كليتنا الموقر

يعني ياريت تيجي منهم قبل ما تيجي من الوزارة

[AbU ElKhAiR-Let`s Go]

تقدم العديد من اعضاء الاتحادات الطلابية بالجامعات المصرية باستقالتهم لادارة الجامعة حيث تقدم اتحاد طلاب جامعة عين شمس بالكامل باستقالته بجانب تقدم امناء اللجنان العليا لنشاط الثقافي والإعلامي ولجان الجوالة والرحلات بجامعة القاهرة باستقالتهم بجانب اتحاد طلاب كلية الصيدلة واتحاد طلاب كلية الآداب فيما عدا من ينتمي منهم للحزب الوطني .
وقد جاء نص استقالة بعضهم كالأتي " نظرا لما تشهده مصر الآن من تغيرات جذرية فى جميع المؤسسات القيادية والنيابية التى تمثل الشعب ونظرا لما شاب الفترة الماضية من خلل إدارة فى جميع إجراءات الانتخابات فإننا نتقدم بهذه الاستقالة من الاتحاد الطلاب وكلنا أمل أن تكون الاجراءات القادمة أكثر تعبيرا عن إرادة طلاب الكلية فى اختيار من يمثلهم " .
كما تواترت انباء عن قرب إصدار قرار من وزارة التعليم العالي بحل الاتحادات التي لم تتقدم باستقالتها وإقامة انتخابات اخري تتسم بالحيادية والشفافية .
وقال احمد مصطفي امين اتحاد كلية الآداب جامعة القاهرة أنه على مدار السنوات الماضية اكان هناك تهميش تام لدور الاتحاد الطلابي بجانب قمع الحريات المشورعة للطلاب واننا كجزء من الاتحاد وليس الكل غير راضيين عن حال الاتحاد وبما اننا مشاركين في التغير كجزء من شباب ثورة 25 يناير قررنا تقديم تلك الاستقالة تعبير مننا علي تطهير انفسنا ورغبة في اسقاط تلك الاتحادات التي لم تتسم بالشفافية وبعيدة تماما عن النزاهة .

بجد كلام ممكن يكون مسح لكل الأخطاء اللى فاتت

ممكن اسال سؤال غبى هو اتحاد الطلاب ده مين اللى بيرشحه ؟

فتقريبا احنا الطلبة - هذا والله أعلم -

لأ سابقا كان أمن الدوله
مستقبلا الطلبه ان شاء الله

نتمنى ان يكون في موقف ايجابي من اتحاد كليتنا الموقر
يعني ياريت تيجي منهم قبل ما تيجي من الوزارة

أتمنى
لكن لا أظن

[re8am]

المفروض الاتحاد بتاعنا اللى انا مش عارفة عنه اى حاجه ده
انه يعمل كده على الاقل يحفظ ماء وجهه