وقفة لابد منها....

[بحلم ببكره]

بسم الله الرحمن الرحيم

الإنسان في حياته كلها بيتحرك وبيتعلم من خلال احتكاكه بغيره

ومن خلال التجارب المختلفة اللي بيمر بيها في حياته

.
..
.
.
وكل ما تتحرك أكتر تمر بتجارب أكتر وتعمل حاجات صح أكتر وتغلط في حاجات أكتر وبالتالي تتعلم أكتر

وكان دايما بيعجبني كلمة سمعتها من أحد اساتذتي: (اللي بيغلط كتير معناه إنه بيشتغل كتير)

لأن الوحيد اللي مبيغلطش هو الإنسان الخامل الواقف في مكانه

دا بس

وكلمة تانية: (اللي عاوز تغيير لازم يصبر كتير)

.
.
.
.

والحقيقة إن من اهم الدروس اللي الواحد كان بيحاول يطبقها باستمرار هي التكيف مع الغير وعدم الانفلات وراء انفعالات لحظية سخيفة هتختفي مع الوقت
وكنت دائما بعتبر نفسي بنجح إلي حد كبير في كدا

لكن والحق يقال فلتت مني النقطة دي في الأيام الأخيرة

.
.
.
مقتنع بوجهة نظر معينة .. الطبيعي إني أصطدم بوجهات نظر مختلفة .. لألأسف يبدو إن قدرتي علي الحكم علي الأمور كان فيها بعض الخلل .. في إني أقدر افرق بين اللي بيتعمد الاستفزاز واللي عاوز يتفاهم ويناقش .. في التفرقة بين من يستحق الرد ومن لا يستحق الاهتمام من الأساس

يعني باختصار (خلطت دا بدا)

ودا مش صح

.
.
.
.

اتعلمت دائما إن (رأيي صواب يحتمل الخطأ ورأي غيري خطأ يحتمل الصواب)
وحاولت قدر الإمكان إني منساش النقطة دي

لكن مع الانفعال ولو لجزء من الثانية (لما حسيت إن في تعمد من طرف أو أكتر علي الإساءة والاستفزاز) الميزان اختل..

كان وقتها المفروض لو حسيت بكدا (علي افتراض صحة إحساسي)

أن ألتزم الصمت لأن الكلام مش هيفيد وقتها

بالتالي الصمت أبلغ وأفضل

ولذلك
.
.
.
لابد من الاعتذار للدكتورة تابعة محمد إني فكرت ولو للحظة أن الموضوع قلب بصورة شخصية ، وأظن في النهاية اتضح لي إنها مش حقيقة .. لكن يبدو إن تدابير القدر إنك تكلمتي في وقت كان في موجة كلام غريبة بقرأها فاختلط الأمر لديّ

.
.
.
واعتذار للقلق اللي حصل وكنت أنا طرف فيه (طرف بدأ أو لأ .. طرف كبير أو صغير .. مش هتفرق بقي)


.
.
.
واعتذار لأي حد زعل من حاجة ..


والحقيقة إني تأخرت في كتابة الموضوع دا لسبب نفسي مش أكتر
ممكن تقولوا قلقت (للحظة) إن الكلام هيتفهم إني بغلط نفسي علي الكلام اللي اتقال

لكن أنا بغلط نفسي علي أسلوب الحوار اللي حصل بالرغم إني مش مسئول عنه بنسبة 100% لكني شاركتن حتي لو كان فقط بعدم القدرة علي استيعاب الأطراف المقابلة لي


وعموما

أيا كان الوضع

فيهمني الأمور تهدأ وترجع مرة تانية .. وأهلا وسهلا باختلاف الآراء طالما الهدف في النهاية هو المصلحة وفقط دون انتصار لنفس



عشان كدا ياريت تشرفوني في موضوع (إذا أردت أن تختلف معي تعال نتفق أولا)

ويادكتور مهد .. حضرتك بتتطالب بحرية في البلد فياريت نسمع بعض (والكلمة دي لا أستثني نفسي منها) .. ومنحددش لبعض موضوع نتكلم فيه وموضوع لأ...

مرة أخيرة
.
.
.

ولو الأمر تكرر فمفيش مشكلة بالنسبة لي لكن أظن هيبقي أسلوب التعامل مختلف شويتين
.
.

لا أقصد الإساءة لأحد ولا أحمل ضغينة لأحد

وأتمني أن يكون الوضع متبادل

أحب أختم بالجملة لارائعة للإمام البنا: (نتعاون فيما اتفقنا عليه ويعذر بعضنا بعضا فيما اختلفنا فيه) .. رغم إنها كانت لمناسبة تانية لكن مفيش مشكلة لو قلتها هنا
.
.
.
مش عارف كلامي دا يقلل مني ولا لأ

لكن الأكيد بالنسبة لي إني كدا مرتاح



والسلام عليكم ورحمة الله وبركاته
-----

[M.Hegazy]

وأهلا وسهلا باختلاف الآراء طالما الهدف في النهاية هو المصلحة وفقط دون انتصار لنفس





أحب أختم بالجملة لارائعة للإمام البنا: (نتعاون فيما اتفقنا عليه ويعذر بعضنا بعضا فيما اختلفنا فيه)

في ظل الظروف الراهنة البلد كلها محتاجة تؤمن بالكلمتين دول و تعمل بيه .. نقبل بعض باختلاف بعض و نسمع لبعض .. زمن القمع و الضغوط انتهى .. زمن المناقشة و الحوار و قبول الطرف الآخر حل .. بلاش ننقسم .. في الآخر كلنا ولاد بلد واحدة و كلنا بنحبها .. و كلنا ولاد كلية واحدة و كلنا ( و لا بلاش كلنا دي أحسن اتضرب ) بنحبها برضه .. و كلنا ولاد المنتدى ده و كلنا بنحبه .. شوفتو كام مليون حاجة بتربطنا ببعض .. و في الختام .. يقول سبحانه: " و لا تنازعوا فتفشلوا و تذهب ريحكم " ( سورة الأنفال .. الآية : 46 ) ..

[asfourelgana]

جميل اوى ان حد يحس انه اخطأ في حاجة ويحاول يصلحها

او على الاقل يعتذر عنها

وبالرغم من انى معرفش ايه اللي حص بس اكيد مفيش حد هنا بيشيل من حد

و احب احييك يا دكتور على الموقف ده

واتمنى ميكونش في اي مشاكل بين اي حد هنا ع المنتدى

عشان كلنا هنا اخوات وزمايل

تقبل مروري يا دكتور

[mahd reusski]

بسم الله الرحمن الرحيم

الإنسان في حياته كلها بيتحرك وبيتعلم من خلال احتكاكه بغيره

ومن خلال التجارب المختلفة اللي بيمر بيها في حياته

.
..
.
.
وكل ما تتحرك أكتر تمر بتجارب أكتر وتعمل حاجات صح أكتر وتغلط في حاجات أكتر وبالتالي تتعلم أكتر

وكان دايما بيعجبني كلمة سمعتها من أحد اساتذتي: (اللي بيغلط كتير معناه إنه بيشتغل كتير)

لأن الوحيد اللي مبيغلطش هو الإنسان الخامل الواقف في مكانه

دا بس

وكلمة تانية: (اللي عاوز تغيير لازم يصبر كتير)

.
.
.
.

والحقيقة إن من اهم الدروس اللي الواحد كان بيحاول يطبقها باستمرار هي التكيف مع الغير وعدم الانفلات وراء انفعالات لحظية سخيفة هتختفي مع الوقت
وكنت دائما بعتبر نفسي بنجح إلي حد كبير في كدا

لكن والحق يقال فلتت مني النقطة دي في الأيام الأخيرة

.
.
.
مقتنع بوجهة نظر معينة .. الطبيعي إني أصطدم بوجهات نظر مختلفة .. لألأسف يبدو إن قدرتي علي الحكم علي الأمور كان فيها بعض الخلل .. في إني أقدر افرق بين اللي بيتعمد الاستفزاز واللي عاوز يتفاهم ويناقش .. في التفرقة بين من يستحق الرد ومن لا يستحق الاهتمام من الأساس

يعني باختصار (خلطت دا بدا)

ودا مش صح

.
.
.
.

اتعلمت دائما إن (رأيي صواب يحتمل الخطأ ورأي غيري خطأ يحتمل الصواب)
وحاولت قدر الإمكان إني منساش النقطة دي

لكن مع الانفعال ولو لجزء من الثانية (لما حسيت إن في تعمد من طرف أو أكتر علي الإساءة والاستفزاز) الميزان اختل..

كان وقتها المفروض لو حسيت بكدا (علي افتراض صحة إحساسي)

أن ألتزم الصمت لأن الكلام مش هيفيد وقتها

بالتالي الصمت أبلغ وأفضل

ولذلك
.
.
.
لابد من الاعتذار للدكتورة تابعة محمد إني فكرت ولو للحظة أن الموضوع قلب بصورة شخصية ، وأظن في النهاية اتضح لي إنها مش حقيقة .. لكن يبدو إن تدابير القدر إنك تكلمتي في وقت كان في موجة كلام غريبة بقرأها فاختلط الأمر لديّ

.
.
.
واعتذار للقلق اللي حصل وكنت أنا طرف فيه (طرف بدأ أو لأ .. طرف كبير أو صغير .. مش هتفرق بقي)


.
.
.
واعتذار لأي حد زعل من حاجة ..


والحقيقة إني تأخرت في كتابة الموضوع دا لسبب نفسي مش أكتر
ممكن تقولوا قلقت (للحظة) إن الكلام هيتفهم إني بغلط نفسي علي الكلام اللي اتقال

لكن أنا بغلط نفسي علي أسلوب الحوار اللي حصل بالرغم إني مش مسئول عنه بنسبة 100% لكني شاركتن حتي لو كان فقط بعدم القدرة علي استيعاب الأطراف المقابلة لي


وعموما

أيا كان الوضع

فيهمني الأمور تهدأ وترجع مرة تانية .. وأهلا وسهلا باختلاف الآراء طالما الهدف في النهاية هو المصلحة وفقط دون انتصار لنفس



عشان كدا ياريت تشرفوني في موضوع (إذا أردت أن تختلف معي تعال نتفق أولا)

ويادكتور مهد .. حضرتك بتتطالب بحرية في البلد فياريت نسمع بعض (والكلمة دي لا أستثني نفسي منها) .. ومنحددش لبعض موضوع نتكلم فيه وموضوع لأ...

مرة أخيرة
.
.
.

ولو الأمر تكرر فمفيش مشكلة بالنسبة لي لكن أظن هيبقي أسلوب التعامل مختلف شويتين
.
.

لا أقصد الإساءة لأحد ولا أحمل ضغينة لأحد

وأتمني أن يكون الوضع متبادل

أحب أختم بالجملة لارائعة للإمام البنا: (نتعاون فيما اتفقنا عليه ويعذر بعضنا بعضا فيما اختلفنا فيه) .. رغم إنها كانت لمناسبة تانية لكن مفيش مشكلة لو قلتها هنا
.
.
.
مش عارف كلامي دا يقلل مني ولا لأ

لكن الأكيد بالنسبة لي إني كدا مرتاح



والسلام عليكم ورحمة الله وبركاته
-----

( يا دكتور مهد حضرتك بتطالب بحريه في البلد فياريت نسمع بعض )
اظن انا كنت بسمع كويس وبرد برضه ومفيش اي مشكله خالص لكن لو حضرتك بقي تتبعت اسلوبك في مشاركاتك وتطوراته هتعرف انا ليه بدات ادخل شمال...................................... ماشي يا دكتور بس اقسم بالله انا عمر الموضوع ماكان شخصي ولا اقصد اساءه شخصيه ليك وان كان حصل من حضرتك ليا في بعض المواقف .....
ثانيا ... مش هعاتب ولا هقول ايه المواقف اللي ظهرت مني وظهرت منك لان خلاص مش وقته .....
ثالثا ... انا ليا اخطاء وحضرتك ليك اخطاء وان كانت اخطائنا تنبع من نفس المصدر ولنفس الاسباب ....
رابعا ... احترامي الشديد لحضرتك ولكل اللي ع المنتدي من اصحابنا وزمايلنا .............
خامسا .... اسفي الشديد لكل من علي المنتدي اللي ضايقهم اي كلمه قلتها وكانت مش مقبوله بالنسبه ليهم وشكرا لكل من شارك معنا في الحوارات سواء كان معي او ضدي
لا تجبر الانسان ولا تخيره
يكفيه ما فيه من عقل محيره
اللي النهارده يطلبه ويرضاه
بكره تلاقيه بايديه يغيره
والكلام ده ينطبق عليا وعليك وكل الناس
احترامي للجميع

[بحلم ببكره]

أيا كان

يكفيني الراحة النفسية اللي حسيت بيها بعد كتابة الموضوع

[Moonlight]

كلام جميل من الجميع
و دائما محاسبة النفس و معاتبتها بتولد الأفضل دائما طالما للي يرضي ربنا
و أعتقد إن كلنا هنا على المنتدى بنحترم بعض و مع هذا الكلام الإحترام يزيد و أحب أذكر ب

السلام عليكم و رحمة الله و بركاته
روى أنس رضي الله عنه (فيما معناه ))) "كنا جلوسا مع رسول فقال يطلع عليكم الآن رجلا من أهل الجنة فطلع رجل تنطف لحيته من الوضوء يمسك نعليه في يده الشمال فلما كان اليوم التالي قال رسول الله نفس الكلام فطلع الرجل الذي في المرة الأولى ثم قال رسول الله نفس الكلام فطلع نفس الرجل فتبعه عبدالله بن عمرو بن العاص وفي رواية عبدالله بن عمر فقال له إني لاحيت(أي خاصمت) أبي فأقسمت أن لا أدخل عليه ثلاث فهل أويت عندك ثلاث حتى تنقضي ؟فبات عنده ثلاث ليال فكان لا يقوم شيئا من الليلغير أنه اذا تورع أو تقلب ذكر الله و كبر فقال عبد الله فكدت أحتقر عمله فقلت له يا عبد الله ليس بي بأبي شيئا غير أني سمعت رسول الله يوصف لك الجنة فأردت أن أعلم ماذاتفعل ؟ماهذا إلا ما رأيت فلما هببت بالإنصراف نداه و قال غير أني لا أجد في نفسي أحدا من المسلمين غشا و لا أحسد أحدا على خير أعطاه الله إياه فقال عبدالله :هذه التي بلغت بك و هي التي لا نطيق"

[The Princess]

الطبيعي إني أصطدم بوجهات نظر مختلفة .. لألأسف يبدو إن قدرتي علي الحكم علي الأمور كان فيها بعض الخلل .. في إني أقدر افرق بين اللي بيتعمد الاستفزاز واللي عاوز يتفاهم ويناقش .. في التفرقة بين من يستحق الرد ومن لا يستحق الاهتمام من الأساس

بعد اذن حضرتك يا دكتور انا اقتبست الجملة دى و حطيتها ستايتس عندى على الفيس بوك اصلها بتعبر عنى اوى ...
للاسف و للاسف الشديد تيجى تكلم واحد هو مصر يستفزك و خلاص و ناس تانيه قمة الاحترام و يحترم كلامك حتى لو مختلفين و شتان ما بين الاتنين و الناس العبقرية اللى مصرة ترمى اتهامات على خلق الله و السلام بدون ادلة تيجى تقوله ميصحش كده يقولك دى وجهات نظر مع ان فيه فرق كبير بين وجهة النظر و الاتهام

[Nayroz]

ايوة كدة بقى ..
احييكم جميعا بجد ..
دا الواحد كان يتفرج على الاخبار يكتئب
يقعد عالمنتدى يهدى شوية يلاقى الناس ماسكة فى يعضها
يحس انه مفيش فايدة ..
وانا قبل كدة اقترحت نعمل ساحة حوار و ناس عجبتهم الفكرة
بس بصراحة معملتهاش .. لانى حسيت ان مفيش فايدة و الصراع فى النقاش كان بيزيد
ومكنش عاجبنى اسلوب الحوار فى معظم الاوقات ...

الحمد لله ان الكل هدى و الامور رجعت لوضعها الطبيعى ..
يارب الامور مترجعش تتلخبط تانى

[بحلم ببكره]

بعد اذن حضرتك يا دكتور انا اقتبست الجملة دى و حطيتها ستايتس عندى على الفيس بوك اصلها بتعبر عنى اوى ...

دا شئ يسعدني يا دكتورة

بس ابقي صلحي الحرفين المتبدلين في الجملة

و للاسف الشديد تيجى تكلم واحد هو مصر يستفزك و خلاص و ناس تانيه قمة الاحترام و يحترم كلامك حتى لو مختلفين و شتان ما بين الاتنين و الناس العبقرية اللى مصرة ترمى اتهامات على خلق الله و السلام بدون ادلة تيجى تقوله ميصحش كده يقولك دى وجهات نظر مع ان فيه فرق كبير بين وجهة النظر و الاتهام

متقف معاكي يا دكتورة
بس هي الحياة كدا

عشان كدامش هقع في اللبس دا تاني

بإذن الله

والله المستعان

احييكم جميعا بجد ..
دا الواحد كان يتفرج على الاخبار يكتئب
يقعد عالمنتدى يهدى شوية يلاقى الناس ماسكة فى يعضها
يحس انه مفيش فايدة ..

ربنا ما يجيب اكتئاب

وبعدين لو حصل لا قدر الله افتحي كتاب الفارما هتروقي علي طول يا دكتورة

وانا قبل كدة اقترحت نعمل ساحة حوار و ناس عجبتهم الفكرة
بس بصراحة معملتهاش .. لانى حسيت ان مفيش فايدة و الصراع فى النقاش كان بيزيد

لازلت في انتظارها لأني بصراحة ناوي أشارك فيها بفاعلية

توكلي علي الله

يارب الامور مترجعش تتلخبط تانى

سيبيها لله

[Nayroz]

وبعدين لو حصل لا قدر الله افتحي كتاب الفارما هتروقي علي طول يا دكتورة

هو احنا طايلينه يا دكتور ...
ما الدراسة عمالة تتاجل اهيه ..
و بعدين اشمعنا الفارما يعنى اللى هفتحها .. فى حاجات افيد ...