وقفة عشان تعبنا

[Dr.A7med]

السلام عليكم
ازيكم
بونجور .. بصوا يا جماعة .. طبعا احنا عمالين نتخانق ونقطع في بعض .. المشكلة اننا بنستهلك نفسنا في اننا نتكلم عن الحاجات المختلفة بيننا .. مع ان القواسم المشتركة اكبر بكتير .. وأنا مش ضد الخلاف .. لكن ضد الجدل والخناق .. ولو كنت عملت كدة قبل كدة فأنا كنت غلطان ومش معذور ..
المهم .. أنا فكرت في حاجتين .. أولا .. معظمنا مسلمين .. والمسيحيين مننا علي وفاق مع المسلمين وشفنا ده في الميدان .. والمسلمين كلنا سنة .. والفصائل السياسية كلها كان بيجمعها المعارضة والرفض لجرائم الحزب .. ومع ذلك بنعمل كدة .. وعلي كدة لو كننا زي العراق مثلا كنا ضربنا بعض بالرصاص .. لو كرد وسنة وشيعة ومش عارف ايه ..
المهم .. ثانيا .. أنا فكرت انه هنا ممكن نحاول نتذكر سويا القواسم المشتركة بيننا .. وهبدأ بنفسي
مصر أسقطت النظام المستبد .. كل المصريين كان هدفهم واحد
إخوان ليبراليين ناصريين مسلمين مسيحيين عايزين يشوفوا مصر بلد غنية وفيها تنمية
كل مواطن مهما كان اتجاهه السياسي يحب يشوف مصر صاحبة ثقل وريادة في المنطقة
احنا كطلبة بكل اتجاهاتنا نحب نشوف كليتنا فيها تعليم كويس
اللي أقصده يا جماعة حاولوا تفتكروا اننا هدفنا واحد .. وحاولوا تتقبلوا ان ممكن كل حد يسعي لتحقيق الهدف ده من وجهة نظره بطريقة تختلف عن غيره ..
أنا ضجيت منكم خالص .. يا ريت يا جماعة وقفة
أحيانا النقاش بيفقد هدفه وبينتقل لإشباع هوس شخصي بالانتصار في الجدل .. كل واحد فينا ممكن يغلط الغلطة دي .. بس أنا مش عايز نوصل لكدة

[asfourelgana]

جزاك الله خيرا يا دكتور

واحييك على المبادرة الطيبه دى

[Ahmed Nada]

والله يا دكتور احنا زهقنا واتكلمنا في الموضوع ده اكتر من مره
وقولنا نوحد افكارنا عشان مصر
بس هو كل ما الموضوع يتقفل بيرجع يتفتح تاني
وربنا يهدينا جميعا لما يصلح حالنا يا رب

[mahd reusski]

الموافق علي هذا القرار يتفضل برفع يده ...
( موافقه )
راحت ايام الراجل ده بقه
تقبل مروري يا دكتور

[asfourelgana]

الموافق علي هذا القرار يتفضل برفع يده ...
( موافقه )

مواااااااااااااااااااااااااافقه

[*Jessy*]

يااااااااااااااااااااااااااااااااااااااااريت

بجد انا زهقت من تكرار المواضيع .. هو نفس الكلام بس بيتكتب بأسلوب تاني وبشكل مختلف وتحت عنوان جديد كأن مفيش غيره

يااريت نغيره بقي

تقبلوا مروري

[تابعة محمد]

بسم الله الرحمن الرحيم
يااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااااااااريت
لانى تعبت خلاص ، و فعلا كل واحد متمسك برايه و بيعلق على كل كلمة بتتقال زى ما نكون فى حرب . على الرغم انى عايزة اعلق على مشاركة معينة بس مش عايزة خلاص لان مفيش منطق بيقول اننا نركز على كل كلمة مش على الغرض من الكلام .
و بجد لو رجع بيا الزمن مكنتش جبت سيرة الاخوان على المنتدى .
نسينا بلدنا و اعقدنا اتكلمنا عن الاخوان ، و كل واحد واثق انه مش هيغير رايه .
بجد لو فى شخص هيحقق كل الى انا عايزاه فى بلدى و يهودى مش صهيونى اكيد هنتخبه فمابالك اخ مسلم .
موضوع الاختيار بيتوقف على حاجتين برنامج انتخابى و شخصية المرشح .
و فى الاخر شكرا ، انتوا كده اثبتوا ان اى حد هيتكلم فى المنتدى هنا هيدخل فى متاهة و اختلافات شخصية و ممكن حد يقوله كلمه مش ظريفة . حددوا ايه الغرض من الساحة هنا .