الاخوان المسلمين ,, اسكت متجبش سيرتهم

[L SMA7Y]

السلام عليكم ورحمه الله وبركاته

(((( الاخوان المسلمين ))))

-*********-

قبل اي حاجه انا مش تبع الاخوان المسلمين




-**********-

انا بكتب الموضوع دا بعد مشوفت جدل كبيييييييير جدا حوالين الاخوان المسلمين ,و في مصر عامتا

وفي المنتدي هنا خاصتا

وصل الكلام بينا اننا نطلب انه ممنوع الكلاكم او الترويج عن اي احزاب خالص

فجأه حسيت اني في التليفزيون المصري

دا حتي التليفزيون المصري اليومين اللي فاتوا بدأوا يعملوا حوارات مع قيادات من الاخوان

-**********-

هتكلم كواحد زي اي حد ملوش علاقه بالاخوان ,و اغلبنا ميعرفش اتجاهاتهم ولا اهدافهم

في ناس كتير فكرتها عن الاخوان المسلمين انهم هما الناس اللي قامت بعمليات ارهابيه من عشرات السنين وعمليات ترويع للشعب وكان بصراحه بعبع لناس كتير

وبعض الناس فكرتهم عن الاخوان انهم تابعين لايران وحزب الله وتنظيم القاعده وغيره

في ناس كتير متعرفش اتجاهات الاخوان المسلمين ايه الوقتي وبيفكروا في ايه

-**********-

اللي اكيد ان هما مش الاخوان المسلمين اللي كانوا في مصر من عشرات السنين اللي قاموا بعمليات الترويع

-*********-

حتي في الاحداث الاخيره اللي حصلت في مصر وكان فيها سرق ونهب وحرق وفتح سجون

اول ماي حد جه يتكلم قال دول اخوان مسلمين وبيطلعوا رجالتهم

مع ان كل السجون اتفتحت سواء معتقليين سياسيين وغير سياسيين

بعد كدا ناس قالت دول اجانب واللي قال حزب الله

والاقرب للحقيقه ان الداخليه هي اللي عملت كدا

وبرضه في الاخر الله اعلم

-************-

والاخوان المسلمين موجودين حوالينا في كل مكان هتلاقي صاحب السوبر ماركت وصاحب السنترال وسواق التاكس والدكتور وغيره وغيره

في ناس كانت كاتبه انهم مش بيتعاملوا غير مع اللي زيهم بس :d

ليه يا جماعه انا اعرف ناس كتير منهم وبيتعاملوا عادي والله زي بقيه خلق الله اه والله

-*************-


والجيش اخد خطوه من كام يوم برضه وسمحلهم بتكوين حزب الوسط واعترف بهم علي انهم طرف اساسي وضلع من ضلوع البلد

واحنا مش عايزين هنا نعترف بيهم ليه ونسمعهم

مش عايزين نسمح لنفسنا ليه اننا نعرف ايه اهدافهم الوقتي

-**********-

هضرب مثال

وائل غنيم الناس قالت عنه انه ماثوني وويك وويك وكلام كتير

اغلبنا قال الكلام دا بالنص ,, انه حتي لو ماثوني وعميل وكدا , كفايه انه حركنا واحنا مش شعب سازج واننا هناخد منه الحجات الحلوه والوحش هنقول عليه لا

طيب ميبقي نفس الحوار بالنسبه للاخوان

منسمع ونشوف ايه اهدافهم وخصوصا انهم بقوا حزب ومبقوش الجماعه المحظوره

وخصوصا اكتر انهم بيمثلوا نسبه لابأس بها من الشعب المصري


-*******************-

المؤتمر السلفي كان في المنصوره الجمعه اللي فاتت روحت وسمعت للسلفيين مع اني مش بشترك معهم في اي نشاط ولا اي حاجه

بس احب اسمع واعرف اراء الناس

مش شرط اكون عضو من السلفيين او الاخوان او اي حزب علشان اخد برأيهم ولا اخد الحجات الحلوه منهم


-*******************************-

اللي عايز اوصله في النهايه


كن مستمعا جيدا تكن المتحدث الافضل


اتعودت طول عمري اسمع واسمع واسمع واعرف اراء الناس كلهم علشان اعرف واتعلم وبعد كدا ابقي اتكلم ,, ومحكمش علي حاجه قبل معرف ايه هي


-*************-

ولازم كلنا نبقي عارفين ان زي مكل حاجه في مصر اختلف عن قبل 25 يناير ,, فاكيد جماعه الاخوان (( حزب الوسط )) هيكون اتجاهاتهم برضه مختلفه عن قبل 25 يناير


-**************-

في النهايه عايز اللي يتكلم يكون بموضوعيه واحترام لاراء الاخرين وعدم تبني فكره واحده ويكون متعصب ليها


وشكرااااا

[بحلم ببكره]

ربنا يكرمك يا دكتور علي حبك في استيعاب كل من حولك لكن أحب اوضح حاجتين:

1- الإخوان غير مسئولين عن الترويع اللي حصل من 30 سنة

دي الجماعات الإسلامية

2- حزب الوسط ليس له علاقة بالإخوان

الإخوان لسه هيأسسوا حزب اسمه حزب (الحرية والعدالة)


تقبل مروري

[L SMA7Y]

- الإخوان غير مسئولين عن الترويع اللي حصل من 30 سنة

دي الجماعات الإسلامية

2- حزب الوسط ليس له علاقة بالإخوان

الإخوان لسه هيأسسوا حزب اسمه حزب (الحرية والعدالة)

بصراحه انا مكنتش موجود من 30 سنه فمقدرش اجزم في حاجه مشوفتهاش ,

وبخصوص الحزب انا سمعت ان حزب الوسط هو حزب الاخوان المسلمين

وعملت سيرش عنه لقيت ان مؤسسيه مجموعه من اعضاء الاخوان المسلمين

فمعرفش هما مجموعه انفصلت عنه وعملت الحزب دا والجماعه نفسها هتعمل حزب لواحدها ولا لا

-*********-

وعموما شكرا لاضافه حضرتك يا دكتور ,و وكنت اتمني يكون لحد رد في اخر الكلاااااااااااام خالص ,, مع اني كنت متوقع ان اول رد هيكون لحضرتك

[mahd reusski]

الله المستعان .... ربنا يقدم اللي فيه الخير .......
لا تنهي عن خلق وتاتي بمثله
عار عليك اذا فعلت عظيم
ابدا بنفسك وانهها عن غيها
فاذا انتهيت فانت حكيم
كل واحد يحكم نفسه وكل واحد رئيس علي نفسه ويارب كلنا نحسن ادارة انفسنا ........
اللهم انا نسالك حسن النيه والفهم والعمل يارب العالمين .............

[عاشق الأقصى]

جزاكم الله خيرا يا دكتور


ويارب ثقافة التعرف على الآخر وتقبله حتى وان اختلفنا تبقى موجودة عندنا كلنا

[Ahmed Nada]

دكتوري العزيز أحيك على إلموضوع
بس لفتني وشد انتباهي إسم الموضوع نفسه
" اسكت متجبش سيرتهم "
ليه ؟ كل واحد يتكلم في اللي هو عاوزه ويقول وجهة نظره و يطرحها ويتناقش مع غيره فيها
إنما أسكت و متكلمش عليهم ... حتى كلمت اسكت مش شايف انها صعبه او بمعنى اصح امر

أنا صحيح معرفش كتير عن تاريخهم بس اللي أعرفه انهم كانوا بيتحاربوا من مبارك و من السادات
اما حكايه انهم بيتعاملوا مع كل الناس عادي فده أكيد لان كل اللي حوليهم مش اخوان
انما الليي اكيد انهم بيتعاملوا مع بعض بخصوصيه شديده
يعني مفيش شاب من الاخوان يتجوز واحده عاديه أبدا لازم تكون هي او ابوها او اخوها منضمين للجماعه
يبتدو معاك بريق حلو ماتش كورة النهارده ندوه في مسجد بكره عزومه على الغدى بعده
وهكذا لحد ما تقتنع بأفكارهم وتبقى واحد منهم

أنا شخصيا حاولوا معايا كتير الترم الاول وكنت دائما و ابدا بصدهم
الغريب بقى عشان تأكيد كلامي .. لما كانوا يحبوا يعزموني على الغدى يقولك بره الجامعه طب ليه مش جوه الجامعه؟؟
لا ويبعتلك رساله 5 الفجر يقولك فيها كده طب يا أخي ما تكلمني بالنهار ولا سمعني صوتك في التليفون..

اللي أنا عاوز اقولك عليه إن الاخوان إخوان سواء قبل 25 يناير أو بعد 25 يناير
افكارهم و مبادئهم لن تتغير ابدا
وزي ما قالك الدكتور ان حزب الوسط مالوش علاقه بيهم

هما لسه هيعملوا حزبهم
ويا تقتنع بأفكارهم وتبقى حبيبيهم و واحد منهم .. يا اما انت عدونا ولا نعرفك
بدليل انهم لما يأسوا مني في الكليه مبقاش حد فيهم يكلمني ولا يبعت رساله ولا اي حاجة من الحاجات دي

شكرا

[mahd reusski]

يكفيني متابعة الحوار ولن اتكلم لان رايي واضح للجميع

[*Jessy*]

لا انا بجد عاوزه استفسر عن حاجه

انا قبل كده كان فيه موضوع عن الاخوان والناس لغبطت فيه شويه بس بصراحه مش فاكره الموضوع اوي وانا دخلت اتكلمت وقولت بلاش نغلط او كده حرام احنا كلنا مسلمين واعترضت بس علي اسلوب الحوار اللي حصل جوه الموضوع مكنش اعتراضي علي الموضوع نفسه

واول كلمه كتبتها برضه( انا مش اخوان ) ..زي ما صاحب الموضوع ده كتب برضه انه مش من الاخوان
وهو ده اللي عاوزه استفسر عنه احنا ليه بنقول كده او بقينا كده ...بجد انا عاوزه اعرف ايه السبب ليه كلنا لو قولنا كلمه حق زي ما حضرتك قولت دلوقتي لازم نعرف الناس اننا مش اخوان عشان يسمعونا وبالفعل احنا فعلا مش اخوان

بس ده سببه ايه ؟؟؟ .. هل البلد هي اللي وصلت فكره الاخوان للناس كده ولا احنا اللي مش عارفين هما ايه الاخوان اصلا ... فعشان كده قبل ما نتكلم لازم نأكد اننا مش اخوان

يارب يكون كلامي حد فهمه..

وانا برضه مش اخوان والله

[mahd reusski]

لا انا بجد عاوزه استفسر عن حاجه

انا قبل كده كان فيه موضوع عن الاخوان والناس لغبطت فيه شويه بس بصراحه مش فاكره الموضوع اوي وانا دخلت اتكلمت وقولت بلاش نغلط او كده حرام احنا كلنا مسلمين واعترضت بس علي اسلوب الحوار اللي حصل جوه الموضوع مكنش اعتراضي علي الموضوع نفسه

واول كلمه كتبتها برضه( انا مش اخوان ) ..زي ما صاحب الموضوع ده كتب برضه انه مش من الاخوان
وهو ده اللي عاوزه استفسر عنه احنا ليه بنقول كده او بقينا كده ...بجد انا عاوزه اعرف ايه السبب ليه كلنا لو قولنا كلمه حق زي ما حضرتك قولت دلوقتي لازم نعرف الناس اننا مش اخوان عشان يسمعونا وبالفعل احنا فعلا مش اخوان

بس ده سببه ايه ؟؟؟ .. هل البلد هي اللي وصلت فكره الاخوان للناس كده ولا احنا اللي مش عارفين هما ايه الاخوان اصلا ... فعشان كده قبل ما نتكلم لازم نأكد اننا مش اخوان

يارب يكون كلامي حد فهمه..

وانا برضه مش اخوان والله

اخاف الكلام يتحور تاني وياخد اشكال تانيه بس يا دكتوره ممكن يكون رد فعل الناس بسبب الاخوان ده ليه اسبابه برضه ... وان كنت بقول كل واحد ليه الحريه فيما يشاء

[Ahmed Nada]

لو حد شايف غلط في كلامي يقولي
انا بتكلم عن تجربه مع ناس منهم