انا بحبها بالشيكولاته ..... طب و انت عايزها ازاى ؟

[تابعة محمد]

بسم الله الرحمن الرحيم
اى قطعة جاتوه علشان تتعمل بتتكون من تلت مراحل:-
و هى تحضير المقادير و غلطها
و بعد كده تسويتها فى الفرن
و بعد كده اننا نزوقها سواء بالفاكهة ويا سلام على الكنتالوب الاناناس او بالفسدق و البندق و مكن تعاطف مع الكريمة و نحط منها شوية .
و طبعا الاحتمالات الى ممكن نصدفها و احنا بنعمل الجاتوه ثلاثة :-
اما تكون من غير زواق .
او تكون شكلها حلو بس ملهاش طعم .
او تكون فى منتهى الروعة لدرجة انك خايف تاكل منها احسن تخلص و متعرفش تعمل زيها .
و هى بطريقتى نفس حال بلدنا و الى فيها
المقادير هو الدستور .
و التسوية هى الناس الى هتترشح لرئاسة و مجلس الشعب .
و الزواق هو الشكل لنهائى بعد الانتخابات .
و اما الناتج من الثورة برده تلت احتمالات :-
اما هنحقق كل الى احنا عايزين و كمان ربنا يرزقنا بعهد جديد الكل يحسدنا عليه .
او نختار كل حاجة كويسه بس الاشخاص ميحقوش طموحتنا .
او اننا فى من الاساس نحضر المقادير كويس و نسخن اجاتوة كويسبس للاسف منعرفش نختار الشخص الكويس و ننخدع بالمظاهر .
علشان كده بسالكم
حابب تشوف الرئيس الجديد على اى هيئة ، طريقة تفكيره و سنه و حتى شكله كمان ، و ايه الشروط الى لازم تتوفر فيه علشان يترشح سواء فيه او فى اعضاء مجلس الشعب ؟
و برده ايه المواد الى تحلم انها تضاف فى الدستور او القوانين الى تتحط ؟عايزها نيابيه او رئاسية .
فيلا كل واحد فينا يقول هيحضر قطعة الجاتوة ازاى علشان بلدنا اقصد قطعة الجاتوة يكون طعمها حلو ؟