اقتراح بسيط .. ممكن يبقى عندنا ساحة حوار ابناء مصر .. !!

**Nayroz** · 21-02-2011, 02:30 AM

بسم الله الرحمن الرحيم
السلام عليكم و رحمة الله و بركاته

الموضوع واضح من العنوان ..
انا بقترح اقتراح بسيط .. يبقى فى ساحة حوار للقسم ده
و تسمى ساحة حوار ابناء مصر او اى اسم زى ما تحبوا لو عجبتكم الفكرة يا دكاترة
لان بصراحة المواضيع فى القسم ده بقت كتيرة جدا .. .
وبقيت بتوه وسط المواضيع و مش بلاحق ادخل ده ولا ده ولا ده ...
مش عارفة انا بس اللى بتوه ولا فى حد موافقنى الراى ...
طبعا مفيش مواضيع اهم من اللى بنتكلم فيها عن بلدنا .. عن شبابنا .. و مستقبلنا .. و مشاكلنا ..
بناقش اللى فات و بنتحاور فى اللى بيجد كل يوم .. و بنتناقش يا ترى بكرة ممكن نوصل لفين ..
و مش هنلاقى اهم من كدة طبعا نتكلم فيه ...
بس حقيقى .. نفسى يبقى فى ساحة حوار .. للمواضيع اللى تحتاج نقاش سواء توضيحى او استفهامى ...
كمان .. يعنى ساعات كتير بيخطر فى بالنا حاجات بنبقى عايزين نفهم معناها او نستفسر .. ومش كلنا بنجيد كتابة المواضيع فممكن اللى شاغله حاجة عن بلدنا يسال فيها هنا و نجاوب عليه باذن الله ..
فى رايى الشخصى .. ان دى هتبقى خطوة تنظيمية للقسم .. و هتخلى عدد اكبر يدخل فى النقاشات
المطروحة ...
ويبقى قادر يحصل اكبر عدد من النقاشات و الاراء المعروضة ..
و ممكن كمان يا ريت نعمل موضوع تانى برده .. يبقى خاص بالاخبار اللى بتنشر فى الصحف و بنحب ننقلها
هنا فى المنتدى سواء لنشرها بطريقة اوسع او لمناقشتها ..

يعنى ده اقتراحى .. ايه رايكم ...!!

**محمد_على_سلام** · 21-02-2011, 02:43 AM

والله معاكى حق المواضيع من كترها خلت الواحد مش قادر يتابع فيها كلها
فكرة ساحة الحوار جميلة وياريت موضوع الاخبار ميبقاش فيه اى تعليق على اى خبر مجرد نقل للخبر

**د/محمد عمر** · 21-02-2011, 02:47 AM

... nice idea
go ahead...

**dr moory** · 21-02-2011, 03:39 PM

فكرة جميلة
فعلا من كتر المواضيع الواحد فى مواضيع كتير بتقع منه
وممكن كمان نعمل استفتاء ونشوف رأى باقى الناس ايه

**بحلم ببكره** · 21-02-2011, 03:43 PM

فكرة جميلة

بس لو هتفتحوا النقاش في اللي يخص البلد لازم قبل ما يبدأ الكلام تكون الناس متفقة علي أسلوب وضوابط النقاش

**thelovertiger** · 21-02-2011, 04:55 PM

وياريت لو كما ن نزود صفحه ثابته نكتب فيه افكارنا الجيده للاصلاح فقط من غير نقاشات تبقى زى اعلانات وورقة عمل نعملها ونداوم عليها ونشجع بعض بيها ونغير بلدنا للافضل يبقى عندنا ننقاش هنا وهناك نكتب الخطوات الهادفه للاصلاح هناك

يا ترى
ايه رايكم؟

**Ahmed Nada** · 21-02-2011, 05:02 PM

nice idea
Keep oN

**thelovertiger** · 21-02-2011, 05:06 PM

ياريت باقى الاعضاء المهتمين يردوا عشان نفعل الموضوع بسرع ونوكب الاحاث السريعه دى

**mahd reusski** · 21-02-2011, 05:12 PM

كلام جميل يا دكتوره بس حضرتك بتقولي ساحة حوار ابناااااااااااااء مصر ....... ياريت فعلا يكون نقاش في جميع الاتجاهات من اجل مصر وبدون اي انتمائات اخري ....
الموافق علي هذا القرار يتفضل برفع يده ( موافقه )
خلاص بقه راحت ايام الراجل ده

**dr_orchida** · 21-02-2011, 05:17 PM

فكرة جميلة فعلالالالالا
معاكم يا جماعة ان شاء الله

الموضوع: اقتراح بسيط .. ممكن يبقى عندنا ساحة حوار ابناء مصر .. !!

أدوات الموضوع

عرض

اقتراح بسيط .. ممكن يبقى عندنا ساحة حوار ابناء مصر .. !!

ضوابط المشاركة