مشروع عاوز يبتدى بينا .....معانا
السلام عليكم ورحمه الله وبركاتهف البدايه احب اهنى كل شباب مصر اللى شاركوا ف التوره ده قبل اي حاجه اللى ادولنا الدافع اننا ممكن نعمل حاجه واننا ممكن نغير حاجه ونتكلم ونقول ونعبر ونشارك بعض اننا نشوف ايه العيوب والمميزات اللى ف الكليه عندنا وايه الاوضاع الصح والغلط اللى ممكن نعدلها بدل ما كلنا بنستنى الدراسه جايه امتى ممكن نفكر اننا لغايه ماتيجي الدراسه نفكر ايه اللى ممكن نعمله عشان نطور نفسنا ونطور كليتنا طبعا ده حاجه اساسيه بقت دلووقتى اللى هيا المشاركه
هتقولى قصدك ايه هقولك حاجه بسيطه هقولك ف الاول سؤال بسيط انت دخلت كليه صيدله وربنا يكرمك وتتخرج منها وتبقى دكتور صيدلى ان شاء الله ناجح طيب لغايه كده كلما انشاء جميل ....السؤال بقى دلووقتى ....انت شايف نفسك ان انت لغايه دلووقتى وانت فاضلك ترم ونص وتتخرج مؤهل ان انت تبقى دكتور صيدلى ...!
السؤال التانى لو انت شايف نفسك بعد لما تخلص (هتقولى لسه ترم ونص معرفش ايه اللى ممكن اادرسه فمقدرش اديلك وجهه نظر كامله ) هقولك عندك حقك ...انا بتكلم لغايه دلووقتى ع اللى انت درسته والتدريب اللى انت اتدربته
ف الاول انا هتكلم عن نفسي كطالب ف كليه صيدله ..انا من وجهه نظري شايف ان انا ضيعت وقت كتير ف الكليه من غير مااستفيد بيه ليه وازاي وعشان ايه وايه اسبابي
السبب الاول ان انا مش مقتنع ببعض المواد اللى كنت بدرسها هتقولى ده سيستم تعليمى هقولك عندك حق بس السيستم التعليمى كل يوم بيتغير ولازم نبقى اب دايت ع اللى بيحصل ف العالم يعنى ايه الكلام ده ....يعنى ماينفعش الطريقه القديمه بتاعت الكليه من ناحيه السكاشن ف وادي والنظري ف وادي (جزء خاص بالكليه ) تفسير اكبر شوويه يعنى انا على سبيل المثال بدرس ماده النظري اللى فيها حاجه والعملى اللى فيها حاجه تانيه ....طب ماده حاجه ف حد ذاتها كويسه عشان تلم اكبر جزء م امنهج اللى انت مفروض تدرسه
نقطه تانيه حصل عندنا ولاول مره ف الكليه حاجه اسمها بحث والقسم كان بيناقش البحث معانا ف ماده م المواد وكان متقسم كل عشر طلاب مع بعض ...على فكره الفكره ديه عشان تطوير التعليم جامده جدا عارف ليه لانه بيعرفك ازاي ممكن انت تبحث عن المعلومه بنفسك بس الاول فى نقطه محدش خد باله منها وانا واحد م الناس اعرف ناس كتير عملت كده (اروح المكتبه اديله العشررين جنيه الظريفه وبعد يومين اروح اخد البحث واقراه انا والمجموعه واروح اناقشه ......!) هتقولى ماهو ده اللى بيحصل هقولك صحيح بس المفروض اننا بقى نغير من نفسنا طب هغير ازاي وانا معنديش الاستراتيجيه او القابليه على البحث انا رايح اعمل البحث عشان اديه لزمايلى نزاكره نروح نتناقش فيه ناخد الدرجات وكفى الله المؤمنين شر القتال .
ديه مش عيب فينا على فكره ده عيب ف السيستم اللى كنا فيه وانا قلت اللى كنا مش لسه فيه عارفين ليه عشان كفايه كده لازم بقى نغير من نفسنا اه كان فى قبل كده غلطات كتير وطرق كتير غلط بس بيتهيالى لو عاوزين نتقدم لازم نغير وطبعا التغيير ده مش هييجي منى ولا منك بس لا ده لازم المنظومه التعليميه كلها تبقى مشتركه فيه يعنى والله حضرتك طلبت منى يا دكتور بحث اعمله انا هعمله لحضرتك ازاي وانا معرفش يعنى ايه بحث
يعنى ايه اساسيات وانا بعمل بحث ...يعنى ايه انظم بحث يعنى ايه ابدا البحث منين ...يعنى ايه اطور نفسي ....التطوير ده لازم يبقى من الطرفين المسؤلين عن المنظومه ماهو عشان تدي لازم تاخد انا ماخدتش وعاوزنى اديك هديك بس مش بنفس الكفاءه ....!
النقطه اللى بعد كده ان احنا بقى لازم نتشارك كلنا ف التعليم بتاعنا اللى انت شايفه صح ومكنتش تعرف تقوله قبل كده لازم تقوله ( مش قصدي تبقى بجح ....لا تقول رايك ) مش عيب لما نتشارك كلنا ف تعديل مستقبل افضل وعشان تبقى عارف انا وانت مش هنتاثر باللى حصل ف الثوره ف كليتنا اووى عشان اعاده هيكله العمليه التعليميه بتاخد وقت وسياسات اكبر منى ومنك اننا نفهمها بس لازم نقول راينا
خلاصه القول شوف ايه الصح وايه الغلط وقوله وبكده نشرك كلنا الافكار ونعرض الافكار على المسؤلين ع العمليه التعليميه ممكن انت تقول فكره تكون شايفها صغيره بس هيا لما تاخد حيز التفكير من ناس لهم افق واسع تكبر ممنك انت تكون شراره البدايه بس اهم حاجه تكون عندك راي لان اللى ممكن يبقى ف الكليه ديه بعد فتره اخويا واخوك واختى واختك وابنى وابنك هما دوول اللى ممكن ينفعونا ويقدموا مصر ممكن تدي انت شراره بدايه وهما يكملوا الناس ععشان تتقدم مبينسفوش العلوم اللى قبل كده ولا بيبداو م الاول ...لا دوول بياخدوا من اخر نقطه وصل ليهم اللى قبلهم ويبداو ف التطوير والمعالجه والابتكار والاكتشاف ...خليك واثق ف نفسك ان انت مسئول وانا مسئول.gif "Fop (18)")
اسف على الاطاله.gif "Fop (28)")
.gif "Fop (29)")
