لحظة دخول كلا من أحمد عز والمغربي وجرانة إلى سجن طره

[KawBonGa]

+ YouTube Video

شعور رهييييييييييييييييييييييييييييييييييب انك تشوف اللي سارقينك بياخدوا جزائهم

[Dr.Mohamed]

no comment

[د///*مطحونة*\\\]

محسسنى انهم رايحين رحلة!
عز جاى بالشنطة الهاند باج بتاعته
وكمان جايين ببدل وكرافتات
عالم مستفزة حتى وهما داخلين السجن
ربنا ينتقم منهم
وبعدين مش يجروهم كدة ولا يعملوا اى منظر عشان الواحد يرتاح ويفرح فيهم براحته
اتمنى ناخد حقنا منهم كامل مكمل(ويبقوا عالحديدة وحتى الحديدة ميلاقوهاش) وميطلعوش منها وميبقاش مسلسل نهايته محفوظة انا مش مصدقة لحد دلوقتى انهم هيتسجنوا حتى لو على زمة التحقيق مش قادرة استوعب الحقيقة
تعليق بسيط على الفيديو:
لفت نظرى طريقة مسك الظابط لاحمد عز

وكمان عجبنى اوى تعاون الشرطة مع الشعب واللى بيصور مستخبى ورا الظابط
والظابط هو اللى قاصد يدارى عليه وهو اللى بيقوله مين اللى جاى ومين اللى داخل
وتلك هى احدى فوائد الثورة
لان لولا الثورة
كان اللى بيصور دة زمانه راح الهولولولو

شكرا يادكتور على الفيديو المبهج دة

[عامر إبراهيم]

سبحانك ياعظيم يا ملك الملوك

اللهم لا شماته

[Dr_Cinderellaaaaa]

شكرا يا دكتور على الفيديو
نهاية الظلم
نفسى أعرف مقبوض عليهم باحترام كده ليه؟؟؟

[NeScaFE]

لابد من يوم تترد فيه المظالم ..مش فاكرة المقطع اللى بعد كده

واسود على كل ظالم


الحمد لله والله فرحت جداا لما عرفت الخبر واللى زاد فرحتى مسكة الضابط ل عز

بس الباقى ماشى عادى مش منكسر كده

[asfourelgana]

مش عارفه والله ايه الاحترام ده كله؟

وياترى الاحترام ده عشان هما ناس كانو واكلين الدنيا وناهبين اموال الدولة قبل كده؟

ولا عشان الشعار الجديد الشرطه في خدمة الشعب

بجد حاجة تحرق الدم وصحيح عز واخد هاند باج ليه مش هما بردو بلبسو يوني فورم هناك

ولا عز بيه ليه معامله خاصه؟

حاجة بجد تزهق

[eman mohammed]

يمهل ولا يهمل

[mahd reusski]

ولابد من يوم معلوم ... تترد فيه المظالم ... ابيض علي كل مظلوم ... واسود علي كل ظالم

[Nona Ali]

حسبى الله ونعم الوكيل
ربنا ينتقم من كل ظالم
قل اللهم مالك الملك تؤتى الملك من تشاء وتنزع الملك ممن تشاء وتعز من تشاء وتذل من تشاء بيدك الخير إنك على كل شىء قدير