طلب من اداره المنتدى والاعضاء

[le pharmacien]

بسم الله الرحمن الرحيم
الموضوع ده عملوا بسبب التجاوزات العديده اللى لقيتها هنا فى المنتدى
بصراحه مش قادر اسكت عليها لانى اتصدمت من قمت الاستهزاء بالرئيس
مش عارف انتوا بتعملوا كده ليه والله دى مش خفت دم ولا شطاره
حتى لو انتوا متعارضين معاه وانا معاكم بس مش كده عيييييييييييب والله
عبدالله بن ابى ابن سلول كبير المنافقين اذى الرسول عليه الصلاه والسلام فى حياتوا كتير
قال على الرسول سمن كلبك ياكلك واتهم السيده عائشه بالزنا فى حادثه الافك وغيروا كتير
ولما الراجل ده جه يموت قال الرسول كفنى فى ملابسك وصلى على وفعلا الرسول كفنوا فى ملابسه الشريفه ودخل علشان يصلى عليه سيدنا عمر مسك الرسول ومنعوا فقال الرسول دعنى ياعمر
فلقد خيرنى ربى فوالله لاستغفرن له اكثر من سبعين مره
مش الرسول عليه الصلاه والسلام قدوتنا برضوا ولا ايه مش معقول مش قادرين نسامح
ولو مش قادر تسامح (فلتقل خيرا او لتصمت) علشان كده
1/انا بطلب من اداره المنتدى خذف كل ما هو غير لائق من سب او استهزاء باى شخص سواء حسنى مبارك او غيروه
2/الاعضاء بالله عليكم مينفعش اللى بيحصل ده والله عبر عن غضبك بس بدون استهزاء او شتيمه
ارحموا عزيز قوم ذل ودى اخلاق الفرسان
على العموم انا وصلت اللى عندى وانتم حرين والسلام عليكم

[dr.monalizaa]

تمام .. وانا معاك في كدة

وقلت قبل كدة الظالم يتقال عليه حسبي الله ونعم الوكيل

[L SMA7Y]

سلام عليكم

تعليق حضرتك مقبول جداااا وزي مقولت قبل كدا ميت مره كل بئر ينضح بما فيه ودل يدل احترامك لنفسك

بس اللي موجود هنا يعتبر صوره صغيره للشعب كله

شعب يا اما مكنش عارف وعلشان كدا مكنش بيتكلم ,,

او شعب كان عارف وعارف اوي اوي كمان وكان خاااااااايف يتكلم

فالطبيعي اول مجاتله الفرصه انفجر ,, ومصدق يتكلم

حضرتك لو بتتفرجي علي التليفزيون هتتأكدي ان اللي بيحصل هنا دا انعكاس لحيتنا

كل واحد بيشوف معلومه او بيسمع حاجه عايز يشارك بيها

علشان يبقي شارك في الاحداث اللي احنا فيها عموما

واظن بعد مالثوره قامت من الفيس بوك معدش حد يتفه بأي وسيله اتصال او اي كلمه تتقال في اي مكان لانها مكن تعمل تغيير فعلي

في كتير مننا موعوش علي مبارك لما كان بيشتغل بدماغه ومكنش في فساد كتير اوي كدا

وناس كتير مننا برضه محسوش بظلم مباشر منه

يعني مشفش حاجه من الشرطه معاه ولا ليه خلطه مع الاخوان واللي كان بيحصل فيهم ولا ولا ولا ولا غيره الف مره

بس لما الثوره دي قامت وفي الاعلام كل اللي عنده حاجه بدأ يطلعها ,, ورجعنا كمان للقاءات لصحفيين واعلاميين معروفين وليهم مصداقيتهم ,, بدأنا نحس اننا مكناش عاييشين حتي لو مكناش حسينا بظلم مباشر

فاللي بيحصل الوقتي دا رد فعل طبيعي وعادي جداااا

-*************-

هتكلم عن نفسي

انا قبل مبارك يعلن تنحيه بكام يوم كتبت موضوع اننا نستني شويه لحد مفترته تخلص

ودا برضه مش حبا في مبارك ولا علشان خاطر عيونه ولكن علشنا كنت شايف ان دا في صالح البلد

ولكن بعد التنحي وشوفت تصرفات الجيش اللي الحمد لله حلوه لحد الوقتي واطمنت ان مكن اللي عيازينه يتنفذ شوفت فعلا ان الخير لينا في اللي ربنا قدمهولنا

وبعدها عملت توبيك عرضت فيه وجهه نظر واحد بيقول ليه بنقول اسف يا ريس وليه نعتذرله وهو عاااااامل كل الحجات المشينه دي وعرضتها

وفي موضوع برضه في القسم فيه اغلب انجازات مبارك برضه نوهت عنه

ففي القسم اتعرض اغلب الحجات الحلوه والوحشه

-************-

بس رأيي الشخصي رغم اني مشوفتش منه ظلم مباشر بس بعد اللي بسمعه ومن ناس موثوق فيه مش اعلاميين بس مش هقولك الراجل دا بيسقط من نظري ونظر ملايين من العالم كل يوم اد ايه

ولو حد بيدعيله بالشفاء او بالرحمه فدا من اصلنا احنا مش من اعماله اللي مهما عظمت مش هتشفع للي حصل في اواخر سنينه

-**********-

بس

[Dr/HULK]

فى كمان الشخص اللى كان واقف ورا نائب الرئيس

هو كمان مسلمش من تريقة الناس

حتى لو مكنش قائد فرقة ولا غيره

مكنش ينفع المسخرة اللى حصلت دى

[asfourelgana]

جزاك الله خيرا يا دكتور وجعله في ميزان حسناتك ان شاء الله

بس انا ليا تعقيب على موضوع حذف ادارة المنتدى للكلام غير المرغوب فيه

اعتقد اننا اكبر من كده ونقدر نتحكم في انفسنا اكتر من كده

واذا كان في تطاول او تجاوز لحدود الكلام قبل كده

فده كان عشان الظروف والضغط والشد اللي كان موجود

بس الحمد لله كل حاجة بقت تمام وان شاء الله كلنا هنتحكم فيكلامنا

[Dr/HULK]

جزاك الله خيرا يا دكتور وجعله في ميزان حسناتك ان شاء الله

بس انا ليا تعقيب على موضوع حذف ادارة المنتدى للكلام غير المرغوب فيه

اعتقد اننا اكبر من كده ونقدر نتحكم في انفسنا اكتر من كده

واذا كان في تطاول او تجاوز لحدود الكلام قبل كده

فده كان عشان الظروف والضغط والشد اللي كان موجود

بس الحمد لله كل حاجة بقت تمام وان شاء الله كلنا هنتحكم فيكلامنا

الواحد بصراحة صعب عليه الراجل اللى كان ورا نائب الرئيس

وياريت نحذف الصور اللى اتحطط على المنتدى

[N00R EL _SHAMS]

شكرا لك ع الموضوع

فعلا موضوع غايه فى الاهميه
التريقه مش بس بالكلام ...التريقه كمان بالصور
صور بجد شنيعه لاتمس للانسانيه بشئ
وزى ماقال د.هلك كمان الشخص الى ورا عمر سليمان
يانهار ابيض على الى شافه وعلى الصور الى بتهينه
وومع الاسف كنت اول ماشفتها كانت هنا فى المنتدى
والله نفسى اعرف الناس خادت بالها ازاى م الراجل دوت
سابوا خطاب التنحى ومسكوا فــ الراجل...
وطبعا سمعنا حال ولاده ايه بسبب الى حصل لوالدهم
يالا حصل خير...يمكن عملوا كده بحسن نيه ..الله اعلم
بس الحمد لله ع الفيس نزلوا اعتذرات كتيره له
ياريت الكل يشارك فيها ع الاقل

[NeScaFE]

الواحد بصراحة صعب عليه الراجل اللى كان ورا نائب الرئيس

وياريت نحذف الصور اللى اتحطط على المنتدى[/CENTER]

اه فعلا

اكتر واحد انا زعلانة عليه ..هو عمل ايه مش عارفة

الناس دى تحط نفسها مكان ولاده


بيتهيالى محدش منهم هيرضى يتعمل فى باباه كده

الظلم ظلمات

[L SMA7Y]

خلاص يا شباب الشعب كله اعتذرله علي الفيس بوك وفي الاعلام كله

وكلنا عرفنا هو مين

يمكن من غير اللي حصل مكنش حد عرف هو مين الراجل دا

والوقتي هيفضل في التاريخ طول العمر

[Ahmed Nada]

كلام جميل جدا و احيي صاحب الموضوع على موقفه
فعلا ما ينفعش كل التريقه دي على شخصيه قادت مصر ل30 عام
ومن قبلها كقائد للقوات الجوية وصاحب الضربه الاولى ومنصبه كنائب للرئيس
وحتى في عهده في العشر سنوات الاولى وايام الجنزوري وكل ده كان في عهد مبارك
وهو صاحب الجمله الشهيرة الكفن ملوش جيوب
محدش يقدر ينكر النهضة العمرانية والاقتصادية اللي شهدتها مصر
هل سيناء دلوقتي زي ما مبارك استلمها ؟
انا كنت من اكتر الناس المؤيده انه يكمل فترته وكنت من المعارضين لاستمرار مظاهرات التحرير
لكن مش حبا فيه يعلم الله اني عمري ماحسيت ناحيته باي شعور
ولكن انا كنت خايف في الاول والاخر على بلدي مصر من وجهة نظري واللي زعلني جدا ان احد الاعضاء يرسل لي رساله ويقولي فرحة انتهاء دولة الظلم فقط لمن قال كلمه الحق .. هو الشعب مش من حقه يفرح برحيل مبارك اذا كان كده ماشي يرجع تاني مبارك لان اللي شارك في المظاهرات 10 وبقيت ال80 قعدوا في بيوتهم ...
لكن فعلا مينفعش تريقه ولازم نعرف ان اللي فات مات وانتهى نستفيد منه للي جاي عشان مصر احلى كلنا بنحلم بيها
ولازم نسامحه لانه اكيد الفساد والظلم مكنش طول ال30 سنه هو بالتحديد كان اخر 10 سنين ان مكنش منذ حكومة نظيف وبدايه سيناريو التوريث
ده الرسول عفى عن اهل مكه وقال لهم اذهبوا فانتم الطلقاء
ومبارك دلوقتي انسان مريض ندعي الله ان يشفيه هو و مرضى المسلمين

حتى الراجل اللي وراء عمر سليمان اللي لاقيت كميه تريقه عليه رهيبه ع الفيس
وهما طبعا بيتريقوا على خلقة وشه استغفر الله العظيم
انا اول مرة ضحكت عليه كانت لما شفت الموضوع بتاع الاعتذار هنا ع المنتدى
واللي مكنتش هعلق عليه الا لما قالت الدكتورة انه طلع المرة دي بس
لا هو طلع المرة اللي تكلم فيها عمر سليمان بعد خطاب مبارك الاخير بس يمكن لحساسية الموقف وقتها محدش اخد باله
انما مع الفرحه اخدنا بالنا ومسكنا في الهيافه واتصدرنا للاسف الشديد

تقبلوا مروري : د/ أحمد