ثورة طلاب صيدلة

[M.Elessawey]

أولا انا مش اخوااان ولا تبع اى حزب..انا رحت انتخب فى مجلس الشعب انتخبوا ليا
انا كتبت الموضوع ده ..لأن انا داخل اشوف الجدول نزل ولا لأ...استفذنى الهدوء الموجود
اشبه بصورة الكوبرى فى التليفزيون المصرى...وان الفيس بوك مثل القنوات العربية
وان احد اعضاء الاتحاد مشارك فى جروب لاسقاط الاتحاد...ومنزل على المنتدى دعوة لمعرض فنى
هههههههههههه طيب دى تيجى ازاااااااااااى؟؟؟؟

للأمانة فقط وليس خوفا من أحد..الاسم ده ليس من تأليفى
ولكن مجموعة من الطلاب هم من قاموا بذلك على الفيس بوك.
..انا فقط نقلت الموضوع و المطالب

المطالب ليست ضد دكتور بعينه ..وليست من اجل تخلى احد عن سلطته..او صلاحيته..
ولكل الدكاترة الاحترام والتقدير..

الهدف الاول والاخير التغير للافضل
من غير فوضى ولا عنف......
المطالب لينا كلنا واللى عاوز يعدل حاجه او يضيف حاجه يتفضل...
..احنا شباب فى صيدله عاوزين نبقى احسن .. هى دى مطالبنا ....

اول حاجه بنطالب بيها.......حل الاتحاد ونعمل انتخابات حره
لا لغلاء أسعار الكتب..و اللى عاوز يشترى العملى بس يشتريه
لا لزيادة المصروفات الدراسية كل عام
الجدول الدراسى,خصوصا جدول الامتحانات ينزل قابل للتعديل
ويتعمل عليه استفتاء ..ويتم التعديل حسب رغبة الطلاب
كفاية بقى كوسة ومجاملات فى الشفوى والعملى
تغير نظام الكلية ليصبح نظام حديث.يكون خمس سنين بدون اعدادى
نظام الكلية يشمل كلينكال على الاقل فى السنة الاخيرة

لسه مستنى ايه!!!!!!....قول رأيك انت كمااااااان

منقووووووووووووول

انا شخصيا أحب أضيف نقطتين
اولا
دعم النشاط الطلابى: الاسر الطلابية فى حاجة للدعم المادى.. نعم فى اتحاد وله نشاط..بس الكل يعلم ان الاسر هى اساس النشاط الطلابى فى الكلية..لمزيد من النشاط الطلابى..و بدل من أعضاء الاسر يدفعوا فلوس من جيبوبهم على النشاط...وبعض الانشطة مثل الكورسات العلمية محتاجة دعم,لتظهر فى صورة افضل, طالما تقدم مجانا للطلاب ,وافضل من الطلبة تسافر القاهرة او عين شمس
الكلية سبقت ودعمت بعض الأسر مثل الملتقى التوظيفى ولا أحد ينكر ذلك..ولكن نريد المزيد من الدعم لكل الأسر طالما الاسر جزءمن النشاط الطلابى فى الكلية

ثانيا المنتدى ده هوالمنتدى الرسمى لطلاب كلية الصيدلة.
.لذلك نرجو تغيير الاشراف المعين..االاعضاء هم من يختاروا المشرفين
لان المنتدى اصبح اشبه بالتليفزيون المصرى..واكتر من 300 يطالبون باسقاط الاتحاد على الفيسبوك خلال يومين فقط
بس هنا يا خلاااااثى ..الكلية بمبى....واتحاد الفرقة اولى يريد تنظيم معرض فنى .
الاكتر طلاب ممنوعين من دخول المنتدى..ايوه اصلهم كانو بيتكلموا ...يبقى ده التليفزيون ولا لأ!!!!
والسبب اشراف المنتدى حذف للمشاركات..مخالفات....على اساس انا راكب تاكسى وكسرت الاشارة...ولا ماشى مخالف...
ولكــــــــــن لا لاستخدام الالفاظ الخارجة الصريـــحــة
غير ذلك ليس لك الحق فى التعديل او الحذف..
لكل منا وجهة نظر..وعلى الأخر احترامها
شكرااااااااااااااا

[a7med 3adel]

ana m3ak ya 3esawy fe kol ely bet2olo we ana fe3lan d5alt we eshtrakt fel gp 3la el face



bas ya rab el mawdoooo3 da maytshalsh mn el montada wala yetla3 nas mo2aydeen ll et7ad

:

[Messi]

اولا انا مش موافق علي مبدأ الثوره او المظاهره
العقل بيقول اننا نستخدم العقل في حل المشاكل اولا مش العنف او الاعتصام او التظاهر

وعلي فكره ده مش اسقاط نظام ده اسقاط دوله بحالها
لازم التغيير يجي بالتدريج ....وبالعقل مش الثوره .

المباديء الي بطالب بيها موافق بعضها ومختلف مع بعضها
لكن زي ما قلت
الطلبه تكتب ورقه بالمطالب و يمضي عليها الناس وتروح للاداره تشوفها ....لكن مش نعمل اعتصام ومظاهره
احنا فاضيين للمذاكره لما هنفوق للمظاهرات ؟؟؟؟




ثانيا بالنسبه للمنتدي :

ياريت الاداره بتاعت المنتدي تراعي ربنا في اختيار المشرفين
بجد يعني ده ظلم الي بيحصل
ناس كتير قوي تعبت عشان المنتدي وضيعت وقتها ومجهودها والاخر اداره المنتدي دفنتها
وده السبب الي خلي المنتدي راكد دلوقتي


مش هتكلم علي نفسي وعلي اني اول واحد كان بيعمل مواضيع ومشاركات و اكتر واحد طلب انه يبقي مشرف
لكن هقول امثله تانيه كانت تستحق الاشراف ولم تكن ودفنها المنتدي
Killer Sniber (اكتر واحد ضيع وقته في تنزيل المحاضرات و السكاشن لخدمه المنتدي و فرقته في اولي)
ابو الخير(عمل شعبيه للمنتدي واقبال في فتره كان المنتدي محتاج الاقبال عليه)
Harry Potter (( اكتر واحد في تاريخ المنتدي نزل مواضيع ترفيهيه و عامه مفيده ))
احمد الخطيب (( كفايه اسلوبه الممتع في عرض و تحليل الموضوع ...... بجد مبدع او كان مبدع ))

و احمد شبند طبعا.....و محبه رسول الله ...و قناع الذهب ......و Amany Salem........وغيرهم وغيرهم ....

مع احترامي للمشرفين الموجودين حاليا كلهم
وعلي راسهم د.انس و د.رامي سعد الي بيراعوا ربنا في شغلهم
وامير الي بجد يستحق يبقي ادمن مش بس موديراتور
ود.سمير الي المفروض كان يبقي مشرف من زمان ود.جوهري..... وباقي المشرفين ..

بس دول برضو مش كافيين
المنتدي بيتطور و اعضاؤه بيكتروا اكتر ومحتاج مشرفين اكتر يغذوه بالمواضيع وبالاشراف ..
ويبقي تشجييع للناس الي بتشتغل بجد ...

اسف لو طولت بس مش عاوز اداره المنتدي تزعل مني لان ده نقد لمصلحتها مش نقد هدام

[a7med 3adel]

fe3lan


mish 3awzen 3onf wala mozahrat

3awzen shwayt emda2at mn el 3ameed


bas






da man2oooooooool mn el face

[M.Elessawey]

يا دكتور ارجع اقرأ الكلام تانى ارجوك
المطالب ليست ضد دكتور بعينه ..وليست من اجل تخلى احد عن سلطته..او صلاحيته..
ولكل الدكاترة الاحترام والتقدير..

الهدف الاول والاخير التغير للافضل
من غير فوضى ولا عنف......
المطالب لينا كلنا واللى عاوز يعدل حاجه او يضيف حاجه يتفضل...
..احنا شباب فى صيدله عاوزين نبقى احسن .. هى دى مطالبنا .
احناضد العنف وضدالاعتصام احنا بنقول لينا مطااااااااااالب
مطااااااااااااااااااااااااالب اكتبها لك بكل اللغات
ده فقط اسم مش اكتر ..ارجع اقرأ الكلام تانى
وانا بحترم كل كلمة قلتها طالما ده رأيك..بس افهم كلامنا صح

[obeed]

khalas enta keda ya dr 3esawy wa2el 3'onim bta3 saydala .. 7aded m3ad ele3tesam we7na kolena m3aaaaaaaaaaaaaak
beeeeeb beeeeeb 3esawyyyyyyyyyyyyy

[M.Elessawey]

لا يا بيدو
احنا مش عاوزين نعمل اعتصام
احنا عاوزين نجمع مطالب لينا كلنا
ونعرضها بأسلوب محترم...ولسنا ضد اى نظام
للكل الاحترام والتقدير...لو عندك مطلب اتفضل اعرضه..نتناقش فيه ونعرضه باسمنا كلنا

[ameer]

ثانيا المنتدى ده هوالمنتدى الرسمى لطلاب كلية الصيدلة.
.لذلك نرجو تغيير الاشراف المعين..االاعضاء هم من يختاروا المشرفين

لما الحق اروح اهرب الكام مليم اللي حليتنا برات البلد عشان شكلها كده هناخد استماره 6 وهنهاجر علي بلاد بره

[obeed]

enta khoft wala eh ya dr 3esawy wla hatbe3 el 2adeya men awelha !!!! enta bada2t el mawdo3 yeb2a tekamelo lel a7'er we teb2a mas2ol 3ano

[a_fouda2]

لما الحق اروح اهرب الكام مليم اللي حليتنا برات البلد عشان شكلها كده هناخد استماره 6 وهنهاجر علي بلاد بره

خدني معاك يا امير
ولو اني لسه فولنتيير صغير ملحقتش اتهنى
بس كلينيكال فيه فلوس كتير مش مشكلة خدني معاك برده