رساله من محمد علاء مبارك الى أمه و جده حسنى مبارك

[Dr. Dody]

رساله من محمد علاء مبارك الى أمه و جده حسنى مبارك


ازيك يامامي وحشتيني قوي انتي وبابي واخويا الصغير وجدو وتيتة وعمو جمال وكل اصحابي . مصر كلها وحشتني
يامامي يوم 25 يناير صحابي في الجنة نادولي وقالولي تعالي بسرعة يامحمد في ناس من بلدك دخلو الجنة قولتلهم مصريين! قالو ايوة دول شهداء كمان يامحمد...
جريت بسرعه معاهم اشوف الشهداء اللي من بلدي واسلم عليهم وافتخر بيهم وكل يوم بيجي شهداء تانيين ولما كثرو قوي يامامي وذادوا ووصلوا اكتر من 300 شهيد قلت لصحابي وانا فرحان عارفين دا اكيد جدو بيقود مصر في حرب تانية علي اسرائيل او اعدء تانيين
روحت يامامي وقعدت معاهم علشان يحكولي عن جدو القائد واللي بيعملة واسمع بطولاتهم ولما سألتهم هي مصر بتحارب مين وانتو استشهدتواازاي وفين ؟؟؟؟ وجدو كرمكم قبل ماتيجوا الجنة !!! بصوا لبعض ومحدش رد !!!
سألت تاني ردوا عليا مين قتلكوا ؟؟؟؟؟
واتقتلتوا برصاص اسرائيل ولا مين ؟؟؟؟؟
وجدو عمل اية في اللي قتلكوا! ولما بكيت لاول مرة لان الجنة مافيهاش حزين قالولي لا مش اسرائيل دة رصاص مصري يامحمد حراس جدك يامحمد هما اللي قتلونا
لقتني مش فاهم حاجة صرخت وقلت مش عاوز اسمع حاجة وجريت ورحت قعدت لوحدي لكن الشهداء جم وقالولي متبكيش يامحمد انت ملكش ذنب وخدوني في حضنهم وطبطبوا عليا حسيت بدفا حضنك يامامي وهما بيضموني في صدرهم
رفعت راسي وقلتلهم انتو طيبين قوي.... قالولي مش احنا بس اللي طيبين دة كل المصرين طيبين
يامامي انا مش هاسأل حصل اية ولا عاوز اسمع حاجة لكن قولي لجدو انا مش اغلي من اي واحد منهم عند ممتو وزي ماحسيتي يوم ما انا مت اوصفيلة كل ام حاسة بأية دلوقت وقوليلة انتي لاني انا مخاصمة.... ازاي هان علية كل الناس دي ومعملش حاجة لللي قتلهم
قوليلة لازم يبرد قلوب الامهات والابهات دا الابن غالي وانتي عارفة يامامي ويابابي قولو لجدو انة خلاص مبقاش ينفع يبقي رئيسها بعد اللي حصل
جدو لازم يرتاح في بيتة ويسيب مصر لولادها هما اولي بيها وانا هادعيلة ربنا يغفرلة
وقبل ما اخلص كلام يامامي اهم حاجة والكلام دة لبابي وعمو جمال وجدو قبل ماتسبوها لولادها يديروها اوي يكون يابابي في مالك انت وعمو جمال وجدو حق لمصر وللمصرين وخدتة
اوعو يابابي.... انا بحبكو ومقدرش اشوفكوا شايلين زنب زي دة اوعوا يابابي مال الشعب الطيب الغلبان الشقيان تاخدوة معاكوا تصرفوا وتعيشوا منة بقيت حياتكوا .
اوعي يابابي اخويا الصغير ياكل ويعيش ويتربي بمال مش من حقة وفية مصرين كتير مش لاقيين.
ساعتها تبقي كتبت عليا افارق اخويا دنيا واخرة لانة لازم يتربي بمال حلال عشان اقابلة يوم في الجنةوقول لجدو وتيتة وعمو جمال وطنط خديجة ان الجنة حلوة قوي احلي من اي حاجة ولا اي مليارات مش حلال تستاهل يضحوا بالجنة عشانها دا ربنا بيسأل عن كل جنية كسبتة ازاي وصرفتة في ايه
والسلام عليكم ياعيلتي اللي بحبها

والسلام تحية اهل الجنة
الموضوع ده أثر فيا أوي ربنا يرحمه يارب ويرحم كل شهدائنا الأبرار ويسكنهم فسيح جناته

[بسطامى]

فعلا موضوع مؤثر اوى ويخلى اللى مش عاوز يبكى يبكى
ربنا يرحمه ويرحم جميع الشهداء ويرحمنا جميعا

[amira89]

موضوع جميل اوى
يخلى الانسان يبكى فعلا
لعل اى واحد ظالم يتعظ من اللى حصل لمبارك

[ريحانة الجنة]

فعلا موضوع مؤثر جدا
لعلهم يتعظوا

[dr moory]

يا ترى لو جده قرأ الرسالة دى دلوقتى ممكن يتعظ ؟؟؟؟؟؟؟؟؟؟؟؟؟؟
ربنا يرحم جميع أمواتنا وشهداءنا

[basma 90]

موضوع حلو اوى

بجد لازم اللى يقراه يتاثر بيه

هما ربنا رحمهم وجزاءهم كبير لانهم شهداء

ربنا يصبر اهلهم يارب
ويصلح حال بلدنا

[M.Hegazy]

اللهم اغفر للمؤمنين و المؤمنات و المسلمين و المسلمات .. الأحياء منهم و الأموات .. إنك يا ربنا سميع قريب مجيب الدعوات يا رب العالمين ..

اغفر لشهدائنا و اجمعنا بهم على خير في أعلى عليين .. اللهم آمين ..

شكرا لحضرتك على الموضوع ده .. سلمت يمينك

[*Jessy*]

موضوع جميل اوي

وربنا يرحمنا جميعا ويغفر لجميع امواتنا

جزاك الله خيرا

[Dreamer Flower]

بجد سلمت يداك

موضوع جميل جدا جدا


ربنا يرحمنا جميعآ ويرحم جميع أموات المسلمين
.........آمين.........

[Dr.Amna]

ربنا يبارك فيكى ويسلم ايديكى.........والله انا بكيت ولاحول ولاقوة الا بالله