السلام عليكم

[د/محمد سليمان]

فى بدايه الموضوع اهنئ شباب مصر الاحرار الذين ضحوا بدمائهم من اجل هذا الوطن ومن اجل ان نعيش نحن فى حريه واسال الله ان يتقبلهم عنده شهداء وهم بنص الحديث شهداء بنص الحديث الشريف فعن ابى طارق ابن شهاب (سئل النبى(ص) عن افضل انواع الجهاد فقال كلمه عدل لدى سلطان جائر) رواه النسائى باسناد صحيح واسئل الله ان لا يحرمنا اجرهم
ثانيا اعزى الذين لم يشاركوا فى الثوره واقول لهم تلك الثوره ستكتب فى التاريخ ولقد اضعتم على انفسكم ثواب الجهاد بل افضل انواع الجهاد
ثالثا اتمنى ان يزول عهد تزوير اتحاد الطلبه وان يصبح فى الجامعه حريه وان تجرى انتخابات نزيهه على اساس ديمقراطى
رابعا اطلب من اداره الجامعه وقف المعامله التعسفيه ضد طلاب الاخوان المسلمين وكل من يدعو الى الاصلاح
التوقيع
مصرى بيحب مصر

[Dr.A7med]

يا جماعة .. الكلام ده غلط .. مفيش حاجة اسمها جبناء عيب .. دول ناس عندهم وجهة نظر خاصة بيهم وده حقهم .. مش هنطالب بحاجة ونعمل عكسها .. مش اللي هيشوف عكس اللي شايفينه يبقي جبان لا غلط .. كلنا بنحب البلد وكل واحد بطريقته .. لو سمحتم عدلوا في الموضوع مش هينفع كدة

[د/محمد سليمان]

دكتور احمد انا عدلتها بس احب اقول كلمه لحضرتك من لم هناك اناس انوا جبناء ولم يشاركوا ليس لتايدهم لمبارك ولكن لخوفهم وهناك اناس سلبيين بيقولوا خلينا فى حالنا واسال من ذى الذى كان يويده ده عايش فى دوله غير الدوله ولا ايه

[Dr.A7med]

يا دكتور حتي دول من حقهم يقرروا المشاركة من عدمها .. في ناس أهلها منعتها .. اه انا نزلت بس كان نفسي أروح التحرير وأهلي منعوني .. في ناس كانوا محبوسين في بيوتهم بمعني الكلمة .. حتي الخوف يا دكتور .. أنا خفت وجريت من الضرب والغاز وكغيره وكنت برجع .. بس أحب أقولك اني عمري في حياتي ما جريت بسرعة كدة لما ضربوا علينا قنابل الغاز لما كان المتظاهرين والشرطة بيضربوا في بعض بمنتهي العنف وأنا في النص وكنت خايف علي نفسي وده حقي وحق كل واحد .. والخير اللي جاي هيعم الكل احنا في مركب واحدة ومفيش حد أحسن من حد لأن في حاجة بتجمعنا كلنا .. حب مصر

[DR DOOLA]

ان شاء الله كله جديد فى جديد
و المعامله اكيد احسن فى كله

[Mohamed Al Gohary]

فعلا خوف الأهالي كان أكبر عقبة للمشاركة .. بس في أبواب كتير للمشاركه حالياً زي الانضمام لمجموعات النضافه والتعمير ..

-----
انا كنت عامل حسابي انى رايح يوم الجمعه لميدان التحرير .. وفعلا ظبطت أموري كلها .. بس لما الموضوع يوصل في البيت لإن والدتي هتبقى غضابنه عليا ووالدي لو روحت يبقى أكيد لازم مروحش ..

واحد راح للرسول عشان ينضم في غزوة وقال له لقد تركت أمي وهي تبكي .. قال له ارجع فأضحكها كما أبكيتها .. وفيها فجاهد ..

[@Noh]

كلام د/ أحمد ود/محمد الجوهرى مظبوط جدا .

[رقة القلب]

تمام ياجماعة الثورة دى مش بتاعة حد من غير حد دى ثورة شباب مصر
كل مصر
وتحيا مصر
لاهل مصر
كلنا حتى ولو بدعاءنا فى بيتنا شاركنا فى نجاحهاولسه المشاركة ماخلصتس
الجاى اهم من اللى فات
نشد حيلنا ونحاول نساعد بكل قوتنا

[Messi]

انا كمان كنت هروح التحرير بس اهلي منعوني ..... امتفيت بالمظاهرات (التي لا قيمه لها) الي كانت في المنصوره
يعني شاركت بس بشكل غير مباشر ..... بس الحمدلله ربنا استجاب لمطالبنا

[رقة القلب]

انا كمان كنت هروح التحرير بس اهلي منعوني ..... امتفيت بالمظاهرات (التي لا قيمه لها) الي كانت في المنصوره
يعني شاركت بس بشكل غير مباشر ..... بس الحمدلله ربنا استجاب لمطالبنا

مين قال ان اى مظاهرات فى اى مكان من غير فايدة كل صوت طلع كان عامل نجاح للثورة دى بجد