مبارك فى 30 عام

[محمد سمير]

بعد الكلام ده

وكلام كتير غير ده قاله وما نفذوش

اظن صعب نقدر نثق انه هيحقق مطالبنا اللى الشعب عاوزها ويفى بوعوده

[New_New]

بس اظن يا دكتور الوضع مختلف ايام زمان مفيش ثوره ولا شباب متحمس انما الوقت الصوت على ووصل وظهر فى التغييرات اللى اول مره تحصل باراده الشعب يعنى لازم يكون فيه ثقه شويه لان الميدان مش هيمشى ممكن الناش تروح تانى بس نهدى شويه لان اللى بيتظاهرا باسم الناس الفلاحين اللى الفساد وصلهم الناس اللى بيتكلمو باسمهم دلوقت مش عارفين يروحو الشغل ولا يلبوا احتياجاتهم نظرا لاستغلال الناس المواقف دى فى الاسعار وفوق كل ده عدم الاحساس بالامان

[N00R EL _SHAMS]

مفيش شك اننا بنكره الراجل ده

وانه فعلا عمره ما هيكون مصدر ثقه لنا ابدا


وعمرنا ما هنصدقه ابداا ابداا

بس مع الاسف لازم نتنازل شويه ونجى على نفسنا

ونسيبه الشهور المتبقيه دى عشان خاطر نحقن دماء الشباب الى بتموت دى

وعشان الفتنه الى اثيرت بين الشعب بين مؤيد ومعارض لوجوده .

ربنا يستر من مظاهرة بكره ويارب تعدى على خير

مع انى ضدها اصلا
................

اللهم احفظ بلدنا مصر وارزقها الامن والامان

وفرج يا رب كربنا واكشف همنا وولى امورنا خيارنا ولا تولى امورنا شرارنا

وولى علينا من يخافك ويرحمنا ..

اللهم ..امين

[NeScaFE]

ماتبطلوا بقى ياجماعة كفاية بقى

هما كام شهر اعمى وهيمشى ارحمونا بقى والله انا زهقت من الكلام

سترك يارب

[tango]

واضح انك بتهدى الامور

[محمد سمير]

بس اظن يا دكتور الوضع مختلف ايام زمان مفيش ثوره ولا شباب متحمس انما الوقت الصوت على ووصل وظهر فى التغييرات اللى اول مره تحصل باراده الشعب يعنى لازم يكون فيه ثقه شويه لان الميدان مش هيمشى ممكن الناش تروح تانى بس نهدى شويه لان اللى بيتظاهرا باسم الناس الفلاحين اللى الفساد وصلهم الناس اللى بيتكلمو باسمهم دلوقت مش عارفين يروحو الشغل ولا يلبوا احتياجاتهم نظرا لاستغلال الناس المواقف دى فى الاسعار وفوق كل ده عدم الاحساس بالامان

اى ثوره بيكون ليها ضريبتها

لازم نستحمل شويه

اللهم احفظ بلدنا مصر وارزقها الامن والامان

وفرج يا رب كربنا واكشف همنا وولى امورنا خيارنا ولا تولى امورنا شرارنا

وولى علينا من يخافك ويرحمنا ..

اللهم ..امين

امين يارب العالمين

ماتبطلوا بقى ياجماعة كفاية بقى

هما كام شهر اعمى وهيمشى ارحمونا بقى والله انا زهقت من الكلام

سترك يارب

اللى مكتوب غلط

مش ده كلامه اللى كان بيقوله خلال السنين وكنا بنلاقى عكسه

مش جايبين حاجه مش صح

واضح انك بتهدى الامور

مش بهدى ولا بشعلل

انا بنقل حاجه وصوره للى مش عارف

وكل واحد يقدر يحكم وليه عقل وتفكير

[polares]

اللى خلى الشعب يستحمله 30سنه هيحصل ايه لو صبرنا كام شهر مقابل استقرارنا وانهاء لكل الفتن العقل بيقول كدا

[a_fouda2]

و العقل بيقول برده اللي يكدب -بلاش تلاتين سنة عشان محدش يتكلم- 10 سنين على الناس مش هيصدق في اخر ايامه
كمان حاجة لو كان عايز استقرار فعلا كان اقل حاجة منع البلطجية والمجرمين اللي بيهاجموا الناس في ميدان التحرير وخلا الاتنين يموتوا في بعض و عمل انقسام وفرق الشعب

[Ahmed Nada]

كلام كله كذب في كذب
والدليل ان الماده 77 الايام دي مش هي الماده 77 سنه1986
لان الايام دي في حاجة اسمها انتخابات رئاسه
وفي 86 مكنش في انتخابات رئاسه
يبقى المكتوب فوق ده كذب والباقي اكيد كله زبه

[محمد سمير]

طب لو كانت النيه صادقه

ليه مش عاوز حد يصوراللى فى ميدان التحرير

اهم قطعوا ارسال الصوره خالص من الميدان

عشان يعملوا اللى عاوزينه فى الناس

وهتلاقى بعد كده النت هيقطع والموبايلات كمان

عشان ما حدش يقول اللى بيحصل ايه

ربنا يستر عليهم