بسم الله الرحمن الرحيم

الموضوع ده إن شاء الله .. هنتكلم فيه عن أفكارنا لبلدنا و هنتناقش في اللي ممكن نقدر نعمله كإيد واحدة عشان مصلحة مصر .. يا ريت كل واحد مننا يفكر إيه اللي ممكن نعمله عشان خاطر بلدنا دلوقتي .. و لو عمل بسيط جدا ..

المهم كل اللي عنده اقتراح يقوله و هنتناقش فيه مع بعض ..

خلينا نبعد شوية عن جو التخبط اللي خلقه الإعلام .. و لا ننحاز لأي فئة .. إحنا كلنا مصريين و كلنا عايزين مصلحة بلدنا و هو ده المهم .. الإيجابية أحسن حاجة دلوقتي عشان نصلح وضع بلدنا ..


أرجوكم أرجوكم نلتزم بطرح الأفكار و الاقتراحات و منقاشتها و نبدأ في تنفيذها بأسرع وقت ممكن ..

و أنا هبدأ بالاقتراح الأول :


اقترح نصلي الفجر كلنا جماعة .. كل في منطقته أو في بيته أو مع أصحابه أو مع جيرانه .. و نشجع بعض على كده و نوحد دعائنا في صلاة الفجر .. يعني نبقى على كلمة واحدة ..

" اللهم احفظ مصر و أهل مصر و أرض مصر و خيرات مصر .. اللهم إهدنا للحق و الصواب .. اللهم رد إلينا الأمن و الأمان .. اللهم أصلح حال بلادنا .. اللهم اغفر لشهدائنا .. اللهم ارزقنا الصبر على البلاء .. و ارزقنا الإخلاص في القول و العمل .. اللهم ارفع راية الدين و الحق و الإنصاف و العدل .. اللهم ارفع مقتك و غضبك عنا .. و فرج عنا كربتنا يا ارحم الراحمين " اللهم آمين


منتظر اسمع اقتراحتكم ..

يا ريت نكون إيجابيين و نفكر في مصلحة بلدنا اللي كلنا متفقين عليها ..

كلنا إيد واحدة .. و بلدنا تتصلح و تكبر و تعلى بينا ..

يا رب فرج عنا الغمة و احفظ لنا مصرنا الغالية ..

تحياتي للجميع ..