تقييم امتحان الصناعية

[Anas]

السلام عليكم

الحمد لله الذي بنعمته تتم الصالحات

ألف مبروك لينا على الاجازة بعد طول انتظار

فاضل آخر حاجة تربطنا بالترم ده و هو تقييم الامتحان الأخير

الاستفتاء لتقييم الامتحان في النقاط التالية :

التقييم العام للامتحان

وقت الامتحان و كفايته للاجابة

وضوح الأسئلة من عدمه

توزيع الدرجات على الأسئلة

أي الأجزاء أفضل من وجهة نظرك

--------------

الاستفتاء مفتوح لمدة 5 أيام

[asfourelgana]

اولا السلام عليكم

ثانيا بالنسبه للامتحان الحمد لله انه عدى

بصراحه جزء د اسماعيل كان كويس جدا

انا شخصيا مشكلتي كلها كانت ف جزء د جلال الاسئله بجد مش واضحه

وتوزيعة الدرجات كمان مش كويسه

يعني اقعد احرق في دمي واعصر دماغي عشان ف الاخر نص درجة

بلاشها وبلاش حرق دمي معاها وخلاص

اما بالنسبه للشفوي فالحمد لله بردو انه عدى على خير

الميزة الوحيده النهارده اننا اخدنا الاجازة والحمد لله

[Dr.A7med]

يعني ايه صيدلة زيرو .. يعني تتنفخ في جزء دكتور اسماعيل وتسيب حتة تلاقيك جايب في الامتحان زيرو

[Mohamed Al Gohary]

يااااااااااااااه هو الامتحان كان ازاى

بصراحه كان اسوا امتحان امتحناه بالنسبة للنظام الجديد - الاجابه في نفس الورقه - الواحد كان عنده كلام وعاوز يكتبه بس مش لاقي حته والاماكن المتروكه لرسم الاجهزه كانت صغيره جدا ومش معقوله ابدا ..

مثلا سؤال الكواليتي كنترول بتاع دكتور جلال اتلخبطت في اول واحد ومكنتش عارف اكتب الصح ازاى ولا فين .. المكان كان ضيق اوى ومش مدي الفرصه ان الواحد يفصل اجابته ويوضحها ..

ياريت مراعاة وضع الامتحان بالنسبة للنظام الجديد .. لان فعلا دى الماده الوحيده اللى حسينا اننا مش عارفين نجاوب ..

[asfourelgana]

يا جماعه محدش يقليق ان شاء الله هنجيب فيها درجات كويسه

واللي مجبش الترم الاول يجيب التانى

وبعدين احنا داخلين وعارفين اننا مش هنجيب امتياز يعني

[Sincerity]

امتياز اييييييييييييه وحدوا الله كده
ان شاء الله هننجح كلنا
دكتور اسماعيل طيب ربنا يخليه لينا