تقييم امتحان السموم

[Anas]

السلام عليكم

الحمد لله الذي بنعمته تتم الصالحات

الاستفتاء لتقييم الامتحان في النقاط التالية :

التقييم العام للامتحان

وقت الامتحان و كفايته للاجابة

وضوح الأسئلة من عدمه

توزيع الدرجات على الأسئلة

أي الأجزاء أفضل من وجهة نظرك

--------------

الاستفتاء مفتوح لمدة 5 أيام

[Shrek90]

مفيش نموذج اجابة؟

[@Noh]

الامتحان الحمد لله كويس, بس جزء د/ سيد عمار غريب شوية محتاج كتابة كتير ,أما بالنسبة لمستوى الامتحان فهو معقول مش صعب ومش سهل والحمد لله أفضل بكتير من امتحانات سابقة , بس الشفوى اتأخرنا فيه قوى.

[asfourelgana]

والله الحمد لله الامتحان احسن بكتير مما توقعنا

صحيح انا عندى حاجات كتير جدا نسيتها

بس الحمد لله انا شخصيا مكنتش متوقعه انى هكتب كده

وخاصة انى وزي كل الناس كنت متوقعه ان الامتحان هيكون زى الشيت

بس الحمد لله ان الدكاترة استعملو الرأفه معانا في وضع الامتحان

بس الشفوي كان وحش جدا

لأننا اصلا متسألناش في المنهج

بس هنعمل ايه بئه الحمد لله وقدر الله وماشاء فعل

[roosy_life]

ليه كده يا عايده ده حتى منقوره !!!!!!!!!

[Sincerity]

بالظبط
هوا الشفوى
انا النهارده كان أوحش شفوى ادخله فى حياتى
وكمان داخلين شفوى الساعه 2 ونص لما كنا خلاص جبنا اخرنا
بس الحمد ان الواحد عرف يكتب فى الامتحان
عقبال اللى باقيه دى ربنا يعديها على خير

[asfourelgana]

ليه كده يا عايده ده حتى منقوره !!!!!!!!!

اه يا حبيبتي منقورة

هو بيهزر وكل حاجة

لكن انه يسألنا ف المنهج ابداااااااااااااااااااااااااااااااا

وفي الاخر قال كلكو كويسين

مع اننا والله احنا الاربعه ما جاوبنا ولا سؤال صح

بس مادام هو شايف كده هنكدبه يعني

اكيد هو ادرى

[Dr.A7med]

الامتحان كويس جدا من أحسن الامتحانات اللي امتحناها السنة دي ... بس أسوأ ورقة امتحان برده السنة دي .. الخطوط السودة دي مش مخلياني أعرف أكتب وحاسس اني بكتب والكلام مش بيبان .. وعلي ما فكرت اني أكتب بين السطور كنت خلاص حليت جزء دكتور طارق .. والكتابة بين السطور كان شكلها غبي .. والله .. الله لما وصلت في جزء دكتور سيد عمار ... مفيش بين السطور .. كل سطر محتاج تكتبلك فيه أد كدة عشان الورقة تكفي .. مش فاهم ليه جزء دكتور عمار ضيق كدة ما توسعوها علينا عشان أعرف أكتب كويس وأشد خط تحت keywords واسهل علي الدكتور انه يبص في إجابتي
ده كان تعليقي الوحيد علي الامتحان بصراحة فيما عدي ذلك أنا مبسوط جدا
-----
ولمرة من المرات النادرة جدا جدا جدا .. حليت حلو في الشفوي لأن الدكتور كان كويس جدا بصراحة

[asfourelgana]

الحمد لله ان ربنا وفق الجميع

وان كنت انا لم اوفق ف الشفوي

بس بردو الحمـــــــــــــــــــــد لله

ومبروك يا جماعه اننا خلصنا التوكسو

[Dr.A7med]

وان كنت انا لم اوفق ف الشفوي

معلش يا دكتورة .. ومتعوضة في غيرها .. أصلا انا مش بزعل خالص علي الشفوي لأني عارف انه مالوش مقاييس .. واني ممكن أذاكر كل المنهج ما عدا صفحة وأتسأل فيها .. مش بزعل عليه ... حتي لما بحب اشوف أنا محتاج درجات أد ايه في مادة مش بتعشم في أكتر من 20 في الشفوي ...
take it easy