الحب مابين الحقية والوهم ؟؟؟؟؟؟؟

[AbU ElKhAiR-Let`s Go]

السلام عليكم ورحمة الله وبركاته

الحب
نعم الحب

الحب لكن
الحب الحقيقى

الحب حقيقة كلمه تسعد القلب ويقولها اللسان وهو يتهلل فرحا
كلمه تريح الصدر وتملأ النفس بالبشر والسرور
انه احساس جميل يؤلف بين القلوب ويجمع بين الأحبه

انه الحب

انه الحب الحقيقى

الحب الحقيقى الذى لا يكون الا لله وفى الله

انه الحب الذى يملأ قلوب الأبناء
ويسكن قلوب الأباء

انه الحب الذى يؤلف بين قلوب الأخوه ويجمع بين الأصدقاء الأوفياء

الحب الحقيقى هو ذاك الحب الذى يجمع بين الزوج وزجته
فيخشى عليها من أن تمسها رياح الهواء

نعم انه الحب الحقيقى

هو ذاك الحب الذى يجعل الزملاء يتقابلون بالبشر والسرور
والفرح والحبور
والألفة والمودة

نعم انه الحب ويكفيه شرفا أن يكون

حب

نعم
انه

ا
ل
ح
ب

لا
بل

انه
الحياااااااااه

لكن

هل يكون الحب وهما ؟؟؟؟؟؟؟؟؟؟؟؟

منتظر أراء حضراتكم


تحياتى
محمود أبو الخير

[M.32L]

نفسى اعرف الفرق بيبن الحب والتعود

[Al-Shaimaa]

الحب الحقيقي ( الحب في الله ) عمره ما كان وهم
بل هو أحلى حقيقة
لكن للأسف ظلم الناس الحب
حيث أطلقوا مسماه على الكثير من الافعال والمواقف التي برأ منها
عمر الحب ما كان عيب ولا غلط
لكن اللي بيحصل النهاردة بمسمى الحب هو العيب والغلط والحرام بعينه
وليس الحب مقصور على الذكر والانثى فقط -الزوجين_
لكن فيه انواع كتير في حياتنا من الحب
حب الوالدين
حب العائلة
حب الاصحاب
حب الاولاد
حب المرء لذاته
حب الحياه نفسها

لا تخلو حياة اياً منا من الحب
لانه لا حياة بلا حب


موضوع رائع
شكراً يا دكتور

[زى الهوا]

انا أتفق مع رأيك د/مشمش
الحب ممكن يكون وهم بس للناس اللي فاهمه معناه غلط أو لما يكون الحب مجرد لفظ بيختبأ وراه أشياء لاعلاقه لها بالحب
الحب شعور انساني من الدرجه الأولي ومعناه سامي جدا لو أدركه كل البشر لعاشو في سلام وسعاده ولكنها حكمة الله خالق كل شئ
الحمد لله الذي أعطانا الحب

[samarالمصريه]

من رايي الحب هو الاحساس بالامان والثقه في شخص معين وانه هيدعمك في اي موقف زي اللي بيحصل بالظبط بين الاهل (الام والاب)والابناء احنا مهما نعمل من كوارث وغلطات دايما واقفين جنبنا من غير اي شرط

وجود المشاعر الصادقه اللي تقف أدام الظروف والماده الحب بينقي القلب وبيخليه مفتوح للناس وبيعلمك المسؤوليه الصبر والوفاء ناس كتير بتقول ان الحب بقي مش موجود في الايام دي بس الحقيقه احنا بنقابله كل يوم قلق الام واحنا راجعين من الامتحان وحضنها لو حلينا وحش الامان والراحه اللي بنلاقيها فيه ابتسامه اصحابنا لمايقابلونا كل ده حب والحقيقه انه اجمل حب لانه سهل وملوش شروط اسهل كتير من اي حب تاني "فاهمني طبعا"بس لولقينا الحب التاني ده وكان حقيقي وصادق ويرضي ربنا يبقي احلي حاجه في الدنيا
موضوع جميل وصعب ودي اول مشاركه ليه في المناقشات بس الحقيقه مقدرتش ميكونش ليا مشاركه معاكوا

[dr emy.hassan]

موضوع رائع كالمعتاد يا دكتور
انا فى وجهة نظرى ان الحب يبدأ بإرتياح وبعد كده الشعور بالاطمئنان والثقة واكيد هو شئ جميل والاجمل ان الانسان يحافظ عليه والمحافظة عليه هتكون بانه يبقى فى ظل طاعة الله
لكن كل من نراه حاليا ف كل مكان ليس حبااااااااااااا ولكنه مجرد تسلية وبس واكيد مش حب لان اللى بيحب حد اكيد هيخاف عليه اكيد هيصونه اكيد هيبقى سنده لو وقع فى مشكله
واكيد لو كل الحاجات دى توفرت هيكتمل بالزواج لان نشأ فى طاعة ربنا

[drpinkysnow]

[AbU ElKhAiR-Let`s Go]

نفسى اعرف الفرق بيبن الحب والتعود

بصراحه يا عقل احترت فى الفرق
وقعدت أفكر كتييييييييييير أوى
وهوا دا اللى أخرنى فى الرد
لكن بصراحه فضلت محتار
بس أظن ان الحب احساس رائع معنى جميل زى ما واضحناه
أما التعود بيكون بالجسد فقط ومالوش اى معنى ولا احساس
زى مثلا انك تتعود تقعد قدام الكمبيوتر (وانت ممكن مش تكون مبسوط ) لكن خدنا على كده
كمان ممكن التعود يتغير (يعنى حاليا متعودين نقعد قدام الكمبيوتر كتييير)
لكن ممكن نغير التفكير ده ومع الوقت هننسى الكمبيوتر ويبدأ جسمنا وعقلنا يا خد على وضع جديد
ويتعود على حاجه جديده(المذاكره مثلا ) مستحيله دى
يعنى التعود ممكن يتنسى
أما الحب يستحيل يتنسى
كمان الحب بجد الحب الحقيقى لازم لازم يكون لله وفى الله
يعنى بتحب كل حاجه بيحبها ربها لأنك بتحب ربنا وتكره كل حاجه ربنا نهاك عنها لأن ربنا نهاك عنها وانت بتحب ربنا
أما التعود فهو بالجسد فقط يعنى مش هتفرق ده صح ولا غلط



دا اللى قدرت أفهمه من امبارح ودخلت مخصوص قبل أما أذاكر عشان أقول
ومنتظر أراء يبقى الناس للاجابه على السؤالين المطروحين
هل يصبح الحب وهما ؟؟؟؟؟؟؟؟؟

السؤال التانى
ما هو الفرق بين الحب والتعود ؟؟؟؟؟؟؟؟؟

[Messi]

الحب ما هو الا نتاج للتعود

اتعودت علي والدك ووالدتك وعيلتك من يوم ما اتولدت ..... عشان كده لازم تحبهم
وطبقها في جميع نواحي الحياه...


في مرحله الشباب خاصه
بيكون مشاعر الانسان قويه
تجاه جميع الاشياء
يعني عمري مثلا ما شفت واحد عنده 60 سنه بيعيط عشان بلده طلعت من كاس العالم
لكن تلاقي دايما الشباب هو الي بيعيط
لان الشباب عنده احساس ومشاعر اقوي بالسلب و الايجاب

كذلك تجد الشباب اقرب ما يمكن الي ان يتأثر بكل ما حوله
سواء نجاح ..... حب ..... حزن ......عاطفه وهكذااااااااااا

[Al-Shaimaa]

ما هو الفرق بين الحب والتعود ؟؟؟؟؟؟؟؟؟

هناك فرق شاسع بين الحب والتعود
التعود هو تأقلم على شئ اما لاضطرارك بالتواجد معه او لتكرار القيام به
بينما الحب هو ألا تجد سبب لحبك

منذ أن نفتح اعيننا على الحياة لأول مرة
أحببت أمي ولا أعرف سبب لذلك سوى لانها أمي
أحببت والدى رغم اعتيادي على عدم وجوده معي
أحببت أخوتي رغم مشاجارتي معهم
أحببت اصحابي والا الان لم اجد سببا لم هؤلاء أحبهم
وليس من اللازم أن يكون حب أشخاص
فأنا أحب حياتي رغم أنني لا أجد شيئاً بها يستحق الحب
أحببت مدرسي المدرسة رغم كرهي للمدرسة نفسها
أحببت الرياضيات رغم كرهي لكل مدرسي الرياضيات

على عكس التعود

فأنا اعتدت على زميلتي هذي لا لأني أحبها كما أنني لست أكرهها
لكن كثرة تواجدي معها أجبرني على ذلك
أعتد على صيدلة لكن لم أحبها
أعتد على الكثير من جيراني لكن لا احبهم

التعود بيكون بالجسد فقط ومالوش اى معنى ولا احساس

وهي دي الخلاصة
التعود بلا ادنى مشاعر سواء بالسلب او الايجاب
لكن الحب بعيد عن المادة في حياتنا تمام البعد

يعني عمري مثلا ما شفت واحد عنده 60 سنه بيعيط عشان بلده طلعت من كاس العالم

اولا ده مش اسمه حب ده اسم هوس بشئ ما
ثانيا الحب لا يقتصر أبداً على فئة عمرية معينة
فهناك من العجائز من يمتلكون من طاقة الحب ما يفوق شباب العشرين
والشباب شباب الروح والقلب ليس السن

لان الشباب عنده احساس ومشاعر اقوي بالسلب و الايجاب

لا خالص
الشباب بيكون في الفترة دي مندفع ومتهور
ومشاعره لا يحكمها عقله - الا من رحم ربي-
وخصوصا في زمن زي زماننا هذا زادت فيه الفتن والشبهات