ع 100 موجه و موجه

حابسة جواها حدوتة

و سنين طويلة فيها الدنيا ملعوبة

صاحية نايمة ع صوت راديو المحروسة

هنا قالوا وقعنا طيارة

اقلب بسرعة اسمعه بيقول امارة

مش لاقى .. طب قول اغنية تعلى جوانا الحرارة

مش قايل .. جنودنا على خط النار محبوسة

فلاح جارنا ساب الارض و الجاموسة

جاى جرى يقول ايه الخبر و اللى حصل

ايه اللى جابك خلاك تسيب زرع البصل

هينفع فى بكى العيون بعد ما نهرها يصبح ناشف

ما انت برده محارب على لقمة عيش ناشف

دارى على زرعك و على غيره ما تكون خايف

نرجع تانى لموجة تانية

جايبة اخبار من الناحية التانية

انسحبت القوات

مفيش انسحاب .. هنا هنبات

ده من تاه قديمه فات

و لف التعلب سبع لفات

على رقبة اسير مجروح مش لاقى فتات

محسن افندى طلب ينسون

علق و قال ...... ابن الايه طلع مجنون ؟؟

شوف يا بنى شوية كمون

ده كان طلب استاذ مأمون

اصل م الزعل قلب عليا القولون

و واحد شاى لاستاذ القانون

حد يفهمنا ايه اللى جرى

اللى جرى لا راح ينقال ولا ينقرا

كله مخبى جواه سر المجزرة

قفلنا راديو القهوة و سكت كلامنا

و باسبرين هنسكت صداع راسنا

بس فى اجيال مش هتسكت و هتحاسبنا

و قتها لا هينفع قلم ولا مسطرة