محدش عنده خطة ؟
السلام عليكم
جماعة انا عاملة الموضوع دا عشان لو حد عنده مثلا مثلا خطة للمزاكرة
و نعمل ايه ف الكام يوم الفاضلين .. يبأة حاجة كويسة اوى
لان الواحد محتاس ع الاخر.gif "Fop (39)")
و اللى معندوش خطة يقول هو زاكر ايه
عشان ناخد حس بعض كدة
و كل واحد يعرف موقفه فين من باقى الناس
و اللى عايز يقول اى حاجة عن الايام المفترجة دى يتفضل
بس
انا زيك بالظبط مش عارفة راسي من رجليا يا يت حد يساعدنا قبل منضيع بجد في السنة اللي مش عارفين اولها من اخرها دي لاني نفسيتي تعبت بجد
ايوة هى دى المواضيع
انا عن نفسى بقى
ف الوقت الحالى بحاول اجمع كل الممكن عن نظام الدكاتره
عشان ازاكر كل ماده على حسب ما الدوكتور عايزها
يعنى مثلا الفارما د. شحته بيحب الامثله جدا
وكمان بيكرر اسئلته جدااااااااااااااااااااااااااااااااا
يعنى لو واحد ضامن الشفوى بتاع الماده ممكن ميزاكرش جزئه و يحفظ الاسئله وخلاص و هيجاوبه كله كمان
و الفايتو بمنظر الضغط اللى هنتحط فيه ده مش هعرف اسبلها ايام كتير زى ما كنت مخطط
فهزاكرها بقى من ع الوش
يعنى من كل خمس كلمات باخد كلمتين و التلاته الباقين بقراهم وخلاص
انا طبقت نظام الفايتو ده السنه اللى فاتت و جبت في العقاقير 126 ف التيرم الاولمع انى بعدى بجيد
الباقى بقى البايو طويل اه بس الورقه حلوة و بتجرى بسرعه
و المديسنال حلو بردو بس اهم حاجة الحللللللل
والصيدلانيات و الاساى لسه مفيش ورق اساسا
انا معنديش معلومات كتيرة افيدكو بيها
بس قولت استفتح باللى اعرفه
وان شاء الله الموضوع ده هيظبطنا كلنا
متابع الموضوع ان شاء الله
التعديل الأخير تم بواسطة trialless ; 17-12-2010 الساعة 02:17 AM
,وانا كمان معاكو لانى بجد على اخرى ومحتاجه حد يشجعنى
وانا كمااااااااااااااان
بسم الله الرحمن الرحيم
طب ايه رايكم لو حددنا مادة او اتنين فى كل اسبوع نذاكرهم و نطلب من الدكاترة او المعيدين يدخلوا معنا فى ساعة حددها و يبدؤا يسالونا فى المنهج و احنا برده نسال فى الى مش فهمينه ؟
اه والله الواحد بجد مش عارف يعمل ايه اساسا الواحد مش لاقى وقت عشان يزاكى وكل ما اجى افتح مادة اتخنق لانها كبيرة اوى واقعد اقول انا هاخلص ل ده امتى وكمان الدكاترة مش سايبنا فى حالنا الواحد مش عارف يلاقيها منين ولا منين ربنا يسترها معانا السنة دى
انا لا اشجع الموضوع ده لان القعده قدام النت بتسحبالمشاركة الأصلية كتبت بواسطة تابعة محمد
انا كنت اوز اقعد ساعة النهارده ودي تقريبا الساعة رقم 14 ليا عالنت فبلاش الاقتراح ده
انا عندي جدول حلو ان شاء الله
اليوم السبت نزاكر في نهاره كل جزئ الدكتورة منار في الاساي (هو 6 محاضرات بس سهلين ان شاء الله) وبالليل ساعه بس او ساعة ونصف نزاكر فيهم لامتحان المديسنال وهايكون كافي ان شاء الله اننا نزاكر العملي لانه خفيف
يوم الاحد ان شاء الله نزاكر الخمس محاضرات بتوع الدكتور محمود بكر (انا براعي اني ماشي بمتوسط سرعة مش بطيئ اوي ومش سريع اوي)
يوم الاتنين نزاكر محاضرات البروتين والانزيم د/ممدوح الششتاوي
يوم الثلاثاء نزاكر الكاربوهيدرات والليبد/د آمال الجيار
يوم الاربعاء نزاكر نصف جزي الالكالويد
يوم الخميس نزاكر النصف التاني
يوم الجمعه رست(دا طبعا عشان الناس اللي ممكن تتأخر تعوض في اليوم ده
ان شاء الله اقابلكم الاسبوع الجاي عشان نكمل الجدول علي خير ان احيانا الله ويا رب يكون الجدول مناسب للجميع ونقدر نمشي عليه
لو حد عنده اقتراحات افضل يا ريت يعرفنا
هى المشكلة كلها انتو بتجمعوا ولا بتحسو باية وانتو بتذاكرو انا اتعقدت مش حاسة انى بحفظ حاجة خالص بمجرد ما اقلب الصفحة انا معاك يادكتور احمد ف خطتك وربنا ييسر ان شاء الله
التعديل الأخير تم بواسطة Amira ; 18-12-2010 الساعة 06:04 PM سبب آخر: الله وليس اللة
والله أنا آخر ما زهقت قلت يعني ماهو لازم اكون عندي على الأقل فكرة عن المنهج واحاول أفهم كل جزيئاته
وبعدين التجميع ده ربنا يسهلها وميتأجلش لقبل الإمتحان مباشرة
لكن لما قعدت احفظ واجمع واقلب الصفحة انسى اقوم ارجع تاني لاقيتني مش هاخلص ولا السنة الجاية
فقررت إني إن شاء الله أقرأ وأحاول أفهم بجد على أد ما أقدر ولما أخلص ابقى اجيب المواد تاني على السريع
احلام وردية أنا عارفة بس كله على الله إحنا نجتهد بس وربنا يعينا بإذن الله
لأن القلق مش بيجيب نتيجة بالعكس
وبعدين طبعا إحنا عارفين إن المذاكرة لأول مرة مش ينفع ندخل بيها امتحان ولكن هي مهمة جدا جدا لأن بغيرها مش هيبقى في تاني مرة ولا إيه؟؟؟؟
ربنا معانا جميعا ويوفقنا كلنا
ضوابط المشاركة
.gif "Fop (28)")