شيت عملي العضويه(( عشان تكمل :d))

[Messi]

السلام عليكم

انا سمعت يا جماعه ان فيه شيت عملي عضويه يوم السبت بعد الجاي ان شاء الله ولسه هينزل له جدول

ولو الكلام ده صحيح

يبقي احنا ضربنا الارقام القياسيه و غير القياسيه في معدل الامتحانات

[طيور الجنه]

شفوى اية تانى
احنا امتحنا شفوى عملى خلاص

الاشاعات دى طالعة ان فى شيت على نظرى العملى السبت اللى بعد العملى

[ameer]

العنوان اتعدل
شفوي ايه تاني يا عليوه هي ناقصه لخبطه

[Messi]

العنوان اتعدل
شفوي ايه تاني يا عليوه هي ناقصه لخبطه

كنت لسه هبعت لك رساله علي الفيس
يلا كويس انت صاحي اهوه

[نغم الروح]

شيت ايه يا جماعة انتوا اكيد مش بتتكلمو بجد صح؟
والله لو كدة يبقى حرام بجد والنظرى هيبقى ضايع ضايع

[محمد العشري]

انا حاسس ياجماعه ان الكلية بتقصد تاخرنا عن مذاكرة النظري وعمالين يشغلونا بالعملي على قد مايقدرم عشان منلحقش نخلص النظري ...
يعني ليه العقاقير 3 اسابيع وليه كتر الشيتات دي ميعملم الشيتات مع الامتحان بتاع العملي في نفس اليوم ايه كان هيحصل يعني وليه برده يكون فيه شفوي صيدلانيات وهو مكنش بيتعمل قبل كده ...
والله حرام هم يعني هيستفيدم ايه لما يعملم فينا كده ..

هم عاوزين يزيدوا عدد دفعة اعدادي على حسابنا !!!

[* lovely heart *]

لاحول ولا قوة الا باللة
ياجماعة انا كل ما افتح المنتدى لازم الاقى فية حاجة جديدة عن الامتحانات واللة حرام
انا قربت اتعقد من اللى احنا فية دة
انا حاسة ان احنا على ما نخلص امتحانات العملى معدشى هيبقى فينا نفس نقرا لامتحانات النظرى ونذاكرة هو عقلنا دة اية احنا لسة فى اولى وبيحصل كدة امال لم نكبر سنةولا سنتين كمان هيكون حصل فينا اية
احنا هنعجز قبل اوانا من شيل الهم وخضة ان كل يوم يطلعلنا امتحان من شكل
احنا كنا فى اعدادى كان كل 3اسابيع ولا حاجة بيتعمل شيت او امتحان دة بتبقى الايام متفرقة مش الضغط يبقى كبير كدة زى السنة دى
هنقول اية حسبى اللة ونعم الوكيل

[drkimo 4 ever]

ربنا يستر
ده الواحد ما بيصدق يخلص حاجة عشان ينساها
الحمد لله

[dr/sooma]

هم عاوزين يزيدوا عدد دفعة اعدادي على حسابنا !!!

انا سمعت الموضوع ده على لسان طلبة اعدادي

[M.32L]

ياحلاوه المولد