ميعاد امتحان عملي الباثولوجي !!!

[Anas]

السلام عليكم و رحمة الله و بركاته

ندخل في الموضوع على طول

دلوقتي د/أميرة كلمتني النهاردة و طلبت مني أروحلها يوم السبت بعد بكره ان شاء الله

عشان أحدد معاها ميعاد الامتحان العملي بما يتناسب مع ظروف الدفعة و مواعيد امتحاناتنا اللي في الكلية

و طبعا انا مش هحدد ميعاد من نفسي لاني معرفش ظروف كل الناس ايه

ف دلوقتي قدامنا أكتر من يوم ممكن يتعمل فيهم الامتحان

هنشوف ايه أكتر يوم مناسب لأكبر عدد مننا و هبلغ بيه الدكتورة يوم السبت ان شاء الله

بس يا ريت يكون في إقبال و مشاركة اكبر في الاستفتاء عشان يديله مصداقية أكبر

قدامنا النهاردة الخميس و الجمعة أجازة و لحد السبت الصبح ان شاء الله

و الأيام المتاحة هي :

1- الأحد 19/12/2010

2- الإثنين 20/12/2010

3- الثلاثاء 21/12/2010
"امتحان عملي البارا لنصف الدفعة في اليوم ده"

4- الأربعاء 22/12/2010

5- الخميس 23/12/2010

و عشان كله يكون في الصورة ...

محاضرة مراجعة الصناعية هتكون السبت 18/12/2010 و الشيت هيبقى الأحد 26/12/2010

-----------------

ف يا ريت كل واحد يعلم على الأيام المناسبة اللي ممكن يتعمل فيها الامتحان

و أكتر يومين مناسبين للناس هبلغ بيهم الدكتورة و نشوف اللي يتناسب فيهم مع مواعيد القسم

و ربنا يقدم اللي فيه الخير

[ahmed helmy]

امتحان زي الباثولجي اي يوم مش هيفرق لانه امتحان مش عايز مذاكره
تيمنا نختار الخميس عشان يبقي بعد ما نحل وحش في البارا نعوض في الباثولجي
وروحنا المعنويه تترفع شويه

[monosh]

ياريت ميكنش قبل يوم 21 ...لأن ده ميعاد عملى البارا بتاعتنا ...وقبل كده مش هينفع نهائى..


محاضرة المراجعة هتكون يوم 18 ....وأكيد من بعدها الناس كلها هتكون عارفة 80% من منهج الصناعية..

وبكده هيبقى لسه معانا يومين (للصناعية) ..طالما ان الإمتحان هيكون مجرد التعرف على الجارات بس.
(مش هياخد وقت كتير لمذاكرته يعنى )

يوم 22 أو 23 تمام قوى...وشغالين

ولو فى خيار انها تكون بعد شيت الصناعية ....هيكون أحسن وبرده مش أحسن فى نفس الوقت..


مش عااارفة بقى...

ربنا يقدم اللى فيه الخير..هو ولينا وحسبنا فى كل شىء...

[NMH15]

ياريت يكون الحد عشان نخلص من حاجة بدرى شوية ويا عالم اساسا هنحل كويس فى ولا لأ يا دكتور

[mohanad]

أنا مش عارف اختار ايه !!!!!!!!!!علي اساس ايه!!!!!!!!!

[ahmed helmy]

ياريت يكون الحد عشان نخلص من حاجة بدرى شوية ويا عالم اساسا هنحل كويس فى ولا لأ يا دكتور

طالما امتحان عملي في كليه طب متقلقش منه
لانهم مبيطلبوش غير انك تتعرف ع الجار
علي عكس عملي البارا اللي لازم تذاكر نظري

[nody pharmacist]

يوم الاحد 19-12

[Anas]

امتحان زي الباثولجي اي يوم مش هيفرق لانه امتحان مش عايز مذاكره
تيمنا نختار الخميس عشان يبقي بعد ما نحل وحش في البارا نعوض في الباثولجي
وروحنا المعنويه تترفع شويه

الفكرة يا احمد ان الواحد مش لوحده في الدفعة
و مش كل الناس ظروفها متشابهة
يعني مثلا انا و انت لو قالولنا الامتحان بكره بعد صلاة الجمعة مفيش مشاكل بالنسبة لنا

لكن في ناس مش من المنصورة و بتسافر
و في الفترة دي تقريبا نص الدفعة مش هيكون عندها امتحانات

ياريت ميكنش قبل يوم 21 ...لأن ده ميعاد عملى البارا بتاعتنا ...وقبل كده مش هينفع نهائى..



محاضرة المراجعة هتكون يوم 18 ....وأكيد من بعدها الناس كلها هتكون عارفة 80% من منهج الصناعية..

وبكده هيبقى لسه معانا يومين (للصناعية) ..طالما ان الإمتحان هيكون مجرد التعرف على الجارات بس.
(مش هياخد وقت كتير لمذاكرته يعنى )

يوم 22 أو 23 تمام قوى...وشغالين

ولو فى خيار انها تكون بعد شيت الصناعية ....هيكون أحسن وبرده مش أحسن فى نفس الوقت..


مش عااارفة بقى...


ربنا يقدم اللى فيه الخير..هو ولينا وحسبنا فى كل شىء...

انا كمان عندي امتحان البارا يوم 21 و نس الدفعة نفس الوضع

ربنا يقدم اللي فيه الخير

و مبدئيا كده مستحيل المعاد اللي هياخد اعلى أصوات هيوافق الجميع

لازم يكون فيه عدد مش هيناسبه

و ربنا يقدم اللي فيه الخير

[...مصر...]

هو السؤال احنا هنمتحن شيت التوكسو امتى ؟

[tango]

الاحد كويس