ما بين الانسان والحب

[صاحبة القلم الحائر]

حوار بين الانسان والحب

الانسان ليه كل شئ فى الدنيا صعب ومستحيل؟!!
ليه صعب ألاقيك وليه انت سهل الرحيل؟!!
الحب انت ليه بتقول كدا هاتلى برهان أو دليل
هاتلى حد يشكى منى لقاضى أو لعالم جليل
الانسان حد يشكى مرض دا المرض زمنه طويل
بس أنا راضى بيك وعايزك بيا كفيل
الحب آسف يااللى اسمك مش حاضرنى لأنك عندى ضئيل
لازم تنفذ أوامرى وتكون ليا عبد وذليل
الانسان يا أمير أنا ضيف ودنيتى أنا فيها نزيل
عايزك تعطينى شوية حنان وشوية من الفرح القليل
الحب فرح أيه ياابن آدم دا انت حزنك يملى نيل
خليك زى ما انت خلى حزنك ليك زميل
الانسان طيب وأيه الجديد ماانا حزنى معايا كل ليل
وفضلت زى ماانا ورجعت بقلبى العليل

[elmagnifico]

ما شاء الله

[محمد فهمي]

جميلة تلك الأبيات الحزينة
وتحمل معاني....

شكراً ليكي يادكتورة

[صاحبة القلم الحائر]

بجد ميرسى ليكم يا دكاترة انا اول مرة اكتب ع المنتدى وكنت خايفة من الكومنت بس الحمد لله

[الملاك الضاحك]

رائعه جدا يادكتوره ماشاء الله والله مهما قلت مش هاقدر اعبر عن اعجابى بهذه القصيده
ربنا يوفقك واستمرى بنشر مثل هذه القصائد الرائعه

[ahmedofegypt]

الانسان ليه كل شئ فى الدنيا صعب ومستحيل؟!!

ليه صعب ألاقيك وليه انت سهل الرحيل؟!!

مش كل شيئ فى الدنيا صعب و مستحيل .. بس أفهم من الكلام ده ان الانسان من صعوبة انه يلاقى الحب و لأهمية بالنسباله حس ان كل حاجه فى الدنيا بقت صعبه ؟؟!!

الحب انت ليه بتقول كدا هاتلى برهان أو دليل

هاتلى حد يشكى منى لقاضى أو لعالم جليل

الانسان حد يشكى مرض دا المرض زمنه طويل

بس أنا راضى بيك وعايزك بيا كفيل

صعب التشبيه .. الحب مش داء , ده الحب هو الدواء .

الحب آسف يااللى اسمك مش حاضرنى لأنك عندى ضئيل

لازم تنفذ أوامرى وتكون ليا عبد وذليل

ساعات فعلاً الحب بيعمل كده .. بس مش كل حب .

الانسان يا أمير أنا ضيف ودنيتى أنا فيها نزيل

عايزك تعطينى شوية حنان وشوية من الفرح القليل

الحب فرح أيه ياابن آدم دا انت حزنك يملى نيل

خليك زى ما انت خلى حزنك ليك زميل

الانسان طيب وأيه الجديد ماانا حزنى معايا كل ليل

وفضلت زى ماانا ورجعت بقلبى العليل

كلماتك تنم عن حزن شديد ..و اتمنى يكون فى الكلمات بس ولا يتعدى حاجز سطورها إلى حيز الحياة ..

موهبتك جميله يا دكتوره و كلماتك ليها نغمه حلوه .. و ان شاء الله القادم أفضل .

و لى سؤالٌ حائر .. أرجو أن يسعه كرمك

و أن يحيط علمى .. ببعضٍ من جُل علمك

يا صاحبة القلم الحائر .. ماذا حيَّرَ قلمـــك ؟!

[صاحبة القلم الحائر]

ميرسى ليكى ايها الملاك الضاحك

[صاحبة القلم الحائر]

شكرا لحضرتك د.ahmedofegypt بجد أنا سعيدة جدااااااااا بتعليق حضرتك واتمنى انك تعلقلى على كتاباتى القادمة ان شاء الله أما عن حيرة قلمى فهى نابعة من حيرة نفسى فأنا صاحبة النفس التائهة

[ahmedofegypt]

أما عن حيرة قلمى فهى نابعة من حيرة نفسى فأنا صاحبة النفس التائهة

أتمنى أن يهدي الله نفسكِ إلى نفسكِ .. و أن تجد نفسك ما تصبو إليه حتى يتسنى لها أن ترسو ببر الأمان و منه ترى العالم بعيون جديد تدرك بها معنى الحياة بحق .

[dr.noody]

احساسك رائع وكلماتك معبرة جدا
استمرى يا دكتورة ومنتظرين منك الجديد والمزيد باذن الله ..