ياترى أنا انسان طبيعى ولا ......
في مرة سألوني سؤال
بس كان غريب شوية
هو إنت إنسان طبيعي
ولا فيك حاجة مش طبيعية
سألوني السؤال ده
عشان بتعامل مع الناس بحنية
فقلتلهم إيه المشكلة
ماهو ده يا جماعة طبع فيا
قالولي طبع فيك إيه
في دنيا زي ديا
دنيا بقت زي السباق
فيها الناس كلها ملهية
فيها الناس مسجونة
والحياة هيا القضية
يابني خلاص الطيبة ديا
ماتت وفي حياتك البقية
واللي عايش دلوقتي
حاجة إسمها الأنانية
قلتلهم لأ مماتتش
وحياتي هتفضل زي ماهيا
وهاعامل الناس بكل طيبة
وهافترض حسن النية
أصل أنا بحب الخير أوي
وبحب أشوف الناس حواليا
سابوني أصحابي بعد ماقالولي
ده أنت شكلك واد نفسية
بكره تعيش وتشوف
وتعرف إن كلامنا صح ميه الميه
ولسه الجملة ماخلصتش
كانت هاتخبطني عربية
كان فيها شوية شباب
عاملين دماغ ملوخية
مع إني مش غلطان
نزلوا كلهم واتلموا حواليا
وقعدو يضربوا ويشتموا
بأفظع الألفاظ الشوارعية
بس مرة واحده لقتهم جروا
بعد ماشافوا عربية بوكس معدية
و روحت بيتي
وأنا متخرشم في كل حتة
وبصيت لنفسى في المرايا
وضحكت علي نفسي شوية
بس بعدها بكيت
بعد ما فتكرت كلام أصحابي ليا
وعرفت إن ده الطبيعي
في الدنيا
وإني شخص غريب الهوية
بس أنا دلوقتي مش عارف
هل الدنيا هتغيرني؟؟؟
ولا شخصيتي هتفضل
برضه زي ماهيا؟؟؟؟
رد مع اقتباس
.gif "Fop (29)")
المشاركة الأصلية كتبت بواسطة dr\sora
.gif "Fop (28)")
