نظام امتحانات جديد

[mohamed hamed]

بسم الله الرحمن الرحيم

انهارده خبر جديد يدوى فى ارجاء الكلية

وهو امتحانات جديدة خالص عن النظام المعروف سابقا

دكتورة ثناء قالت ان الامتحانات بتاعت النظرى السنة دى

هتبقى الاجابة فى نفس الورقة

مش فى ورقة خارجية


وده طبعا نظام جديد

ومعناه ان الامتحان مفيهوش كتابة كتير

ودكتور محمد الشابورى قال ان الامتحان هيتراوح من صفحتين الى 15 صفحة



انا حبيت اقولكوا هنا

ونعرف رأى الناس فى الكلام ده

ونتناقش فيه

وكل سنة وانتم طيبين

[المعلم]

وايه المشكله في كده

احمد زي الحاج احمد

المهم ان احنا هنذاكر نفس القدر من المعلومات

[boddy]

فى ناس كتير هتفكر ان النظام ده مش حلو بس صدقونى والله النظام ده احسن من الاجابة فى ورقة خارجية
وانا امتحنت النظام فى جامعة الزقازيق قبل ما حول المنصورة بس كان فى مادة العقاقير فقط
وعلى راى المثل اسال مجرب ولا تسالش؟؟........................................... ..

[drpinkysnow]

يعني يا جماعه الكلام ده بجد والله اشاعه .؟

[Anas]

الكلام ده مظبوط يا جماعة

د/ماجدة الشربيني وكيل الكلية قالتلنا كده في أول السنة

و د/حسن الكاشف أكدهولي شخصيا

و إن شاء الله يكون أحسن من القديم

[الهدى]

الكلام ده معناه ايه بالضبط ماشى الاجابة فى نفس الورقة بس نظام الاسئلة ازاى هل هى هتكون مثلا MCQولا اسئلة مقال ولا اكمل ولا صح وغلط ولا ايه معنى انها فى نفس الورقة يعنى اسئلة المقال مستبعدة وهيبقى اكمل واختر وصح وغلط هى حاليا معظم الامتحانات بتكون كده بس فى بعض المواد بيطلبوا مقال يعنى اجابات طويلة هل دى هتكون فى نفس الورقة وفى ورق فاضى نكتب فيه ولا ايه مش فاهمة النقطة دى

[دكتور فاتن]

وده هيكون فى كل الموااد ؟؟؟؟؟؟؟؟

[**mahasen mohamed fouad**]

يا رب يكون النظام احسن من الى قبله وربنا يوفقنا جميعا يا رب

[muna7assan]

هتكون فى كل المواد ان شاء الله

ونظام الاسئله عادى زى اى امتحان الفرق ان بعد كل سؤال فيه مكان كافى ومخصص للاجابه .,

الفكره بس علشانه نظام جديد هنكون متخوفين منه شويه ., بس مش هتفرق فى المذاكره ان شاء الله ,

انا بس كنت بأحب ورقه الاجابه علشان كنت بأخد راحتى شويه فى اخر الورقه بالذات فى العضويه بس مش

مشكله مادام نظام مطبق على الكليه كلها .,

وربنا يستر ان شاء الله .

[**mahasen mohamed fouad**]

هتكون فى كل المواد ان شاء الله

ونظام الاسئله عادى زى اى امتحان الفرق ان بعد كل سؤال فيه مكان كافى ومخصص للاجابه .,

الفكره بس علشانه نظام جديد هنكون متخوفين منه شويه ., بس مش هتفرق فى المذاكره ان شاء الله ,

انا بس كنت بأحب ورقه الاجابه علشان كنت بأخد راحتى شويه فى اخر الورقه بالذات فى العضويه بس مش

مشكله مادام نظام مطبق على الكليه كلها .,

وربنا يستر ان شاء الله .

فعلا معاكى حق يا منى انا برده بحب الورقه عشان اخد راحتى فى الكتابه لكن كده هيبقى فى حظر تجول وربنا يسهلها يا رب