غريبة يا دنيا

[M.Hegazy]

غريبة يا دنيا

و آه منك يا دنيا سرّاقة ..

بتجمعينا و تفرقينا و بنرجع تاني نتلاقى ..



بنتجمع عشانك في عيلة و أصحاب و جيران ..

محبة و صحبة و سعادة و راحة و أمان ..



و بنتفرق بسببك امبارح و النهاردة و بكرة كمان ..

و ياما عشانك بنخون و بنكره و كرامتنا بتتهان ..

نهارك شقى و ليلك حيرة و غربة و توهان ..

شوهتينا و قتلتي فينا طبع الإنسان ..



بس مهما بعدتينا بنرجع تاني في أي وقت و في أي مكان ..

و بتجمعنا كلنا أحلى ذكريات أيام زمان ..


22 - 11 - 2010

[د///*مطحونة*\\\]

بس مهما بعدتينا بنرجع تاني في أي وقت و في أي مكان ..

و بتجمعنا كلنا أحلى ذكريات أيام زمان ..


22 - 11 - 2010

روعة فعلا
وكلمات جميلة
وختام احلى
فعلا بجد مهما حصل مفيش احلى من زكريات زمان
وكما قال الشاعر
حبيتها ولا محبيتهاش
هى الدنيا ولازم تتعاش

شكرا يا دكتور

[M.Hegazy]

نورتي يا دكتورة .. و شكرا على الرد

[Al-Shaimaa]

و بنتفرق بسببك امبارح و النهاردة و بكرة كمان ..

و ياما عشانك بنخون و بنكره و كرامتنا بتتهان ..

نهارك شقى و ليلك حيرة و غربة و توهان ..

شوهتينا و قتلتي فينا طبع الإنسان ..

جميلة أوي يا دكتور
تسلم الآيادي

بس على فكرة احنا اللي بنختار مسار دنيتنا بنفسنا مش هي اللي بتختاره لنا
الدنيا ما بتجبرناش على اننا نكره او نخون
احنا اللي بنختار لنفسنا ده


بس مهما كان معانيها حلوة اوووووووووووووووووووي

[M.Hegazy]

علمتيني مقولش كلمة بعدك .. عشان كده هاكتفي بشكرك و شرف مشاركتك في موضوعي ..

[Joker]

وصف رائع جدا وكلمات معبرة وتجسيد لحال الدنيا وختام رائع
تقبل تحياتي

[M.Hegazy]

شكرا ليك يا دكتور .. نورتني

[محمد سمير]

بس مهما بعدتينا بنرجع تاني في أي وقت و في أي مكان ..

و بتجمعنا كلنا أحلى ذكريات أيام زمان ..

وتبقى دائما الذكريات التى تسعدنا كلما تذكرناها

تسلم ايديك

[M.Hegazy]

شرفت يا دكتور .. و شكرا لحضرتك

و فعلا زي ما حضرتك بتقول ..

مهما طال حلو اللقاء .. فلا بد من مر الفراق .. لتبقى الذكريات الجميلة خالدة .. لا يمحوها طول الزمان و لو بممحاة .. قلوب متجمعة و لو تفرقت الأبدان ..

[chocolata]

جميله يادكتور ابو الملاك
واضح انك لسه مود المقطوعات القصيرة متمكن منك تمااااااااااااما

الخاتمه جميييييله لمجرد انها امنيه جميله بنحققها رغم كل الاحباط من حولينا والمهانه

وعجبنى جدا تعبير وقتلتى فينا طبع الانسان

طلع فى دماغى سؤال ؟
ياترى طبع الانسان المقصود بيه الانسانيه بالمعنى الايجابى ليها ؟
ولا طبع الانسان ليه معنى سلبى كمااااااااان ؟

زى مانقول مثلا اهو هو كده طبع الانسان طماع مبيشبعش
جمله محيرة وكان الانسان عنده انفصام فى الشخصيه او بمعنى ادق انفصام فى الطبع

تسلم ايديك
ومنتظرة كل جديييييييييد