موقف × سؤال

[محمد وجدي]

السلام عليكم ورحمة الله وبركاته

كل عام وانتم بخير




الموضوع ده انا فكرت فيه من فتره


ولكن ترددت ان اضعه في المنتدي خشيه النقد المستمر لمواضيعي





ولكن انا احب المنتدي بالرغم من عدم كوني طالب معكم





واعتبر المنتدي هو الملاز الاول لابداعات الصيادله عموما




بصرف النظر عن كونهم مازالوا طلابا

او تخرجوا

فاسمحوا لي ان اصب افكاري وابداعاتي ها هنا




ولو راي اداريوا المنتدي اي تجاوز او اخطاء فادحه في موضوعي هذا

عليهم حذفه فورا

وشكرا لكم جميعا










الموضوع عباره عن موقف او قصه قصيره في سطور معدوده


وبعدها سؤال او تعليق مني


وعلي الاعضاء الكرام

ان يعلقوا بوجهات نظرهم هم
لا تعليقا علي وجهات نظر الآخريين



او يردوا علي السؤال




وشكرا لكم جميعا

وتقبلوا تحياتي

-----

الموقف الأول


شاب قاعد ع القهوه هو واصحابه

فجأه واحده حلوه عدت من قدامهم

اصحابه كلهم عاكسوها واتكلموا عليها

ياعيني البنت طلعت اخته



الواد بقي مش قادر يقولهم عيب كده لانها اختي








ولا قادر حتي ينتقدهم او يتخانق معاهم








السؤال الأول




مين اللي غلطان

الشاب

أصحابه

البنت


؟؟؟؟؟؟؟؟؟؟؟؟؟؟؟؟؟؟؟؟

[Alaa Elemam]

التلاته غلطانين
البنت ممكن تكون غلطانه لو هيئتها
او لبسها اثار الشباب انهم يعاكسوها
اصحابه طبعا غلطانين حتى
لو البنت هى اللى اثارت المعاكسه دى
الشاب غلطان لانه لازم يقولهم
ان ده عيب سواء كانت اخته او لأ

[N00R EL _SHAMS]

مين اللي غلطان

الشاب

أصحابه

البنت

؟؟؟؟؟؟؟؟؟؟؟؟؟؟؟؟؟؟؟؟

انا من رايى الغلط الاول ع البنت ..اكيد فيها حاجه غلط فى اللبس او كده "مش هقول لانها ماشيه من قدام قهوه لانها ممكن تكون مضطره لكده "

بدليل

الواد بقي مش قادر يقولهم عيب كده لانها اختي

مهى مثلا لو كانت ملتزمه اكيد كان هيدافع عنها ويزعق لاصحابه

وطبعا الغلط التانى على اصحابه ...

وطبعا اخوها غلطان لو ان البنت مش ملتزمه ليه مش بيربيها !!!

ولو انها ملتزمه وحد عاكسها ليه مش بيدافع عنها !!

[نورهان 2009]

]انا من رايى الغلط الاول ع البنت ..اكيد فيها حاجه غلط فى اللبس او كده "مش هقول لانها ماشيه من قدام قهوه لانها ممكن تكون مضطره لكده "

بدليل

مهى مثلا لو كانت ملتزمه اكيد كان هيدافع عنها ويزعق لاصحابه

وطبعا الغلط التانى على اصحابه ...

وطبعا اخوها غلطان لو ان البنت مش ملتزمه ليه مش بيربيها !!!

ولو انها ملتزمه وحد عاكسها ليه مش بيدافع عنها !!


انا مع الراي ده

[تابعة محمد]

التلاته غلطانين
البنت 1-تكون غلطانه لو هيئتها
او لبسها اثار الشباب انهم يعاكسوها
ولو حتى لبسه محترم هتتعاكس وحصلت لناس اعرفهم
اصحابه طبعا غلطانين حتى
لو البنت هى اللى اثارت المعاكسه دى
الشاب غلطان لانه لازم يقولهم
ان ده عيب سواء كانت اخته او لأ

انا متفقه مع الراى ده ............
بس السؤال دلوقتى :-
1-هو ليه الولاد بتعاكس البنات بمعنى تانى بيستفادوا ايه غير ان البنت و هى ماشية بتتدعى عليهم ؟

2-هو ليه البنات ايام الستينات و السبعينات مكنوش بيتعكسوا او حتى كان فى تحرش بيهم على الرغم ان لبسهم كان منفتح عن دلوقتى و لو سالتوا حد اكبر منكم هيقلكم ان الناس الى كانت بتلبس حجاب
كان عددها قليل بس الصبيان كانت بتحترمهم و مش بضيقهم ؟

3-هى فى بلاد تانية البنات فيها بتتعاكس و لا ديه حاجة exclusiveلصبيان مصر ؟

4-ما معنى كلمة البنت ديه محترمة او الولد ده محترم ؟

[محمد وجدي]

انا من رايي انا

أن

أولا

الشاب غلطان اصلا انه صاحب شباب زي دوول




وغلطان عشان خلي اخته تمشي كده




ثانيا




البنت غلطانه

انها مشت في الشارع بالمنظر ده




ثالثا



الشباب غلطانيين انهم عاكسوا البنت





بس ليه محدش جاب سيره الاهل

-----
شكرا لكل اللي شارك وقال رايه

جزاكم الله خيرا

[Dr.A7med]

الموقف الأول


شاب قاعد ع القهوه هو واصحابه

فجأه واحده حلوه عدت من قدامهم

اصحابه كلهم عاكسوها واتكلموا عليها

ياعيني البنت طلعت اخته



الواد بقي مش قادر يقولهم عيب كده لانها اختي








ولا قادر حتي ينتقدهم او يتخانق معاهم

معلش ده واد تيييييييييييييت .. وأنا حصل معايا موقف مشابه .. ماكنتش ع القهوة ولا حاجة بس فكرة ان حد بيتكلم عن حد يخصني عدي واحنا مع بعض .. وده لا ذنبي ولا ذنب قريبتي .. وشافوا مني وش مشافوهوش قبل كدة

[محمد وجدي]

السلام عليكم ورحمة الله وبركاته



الموقف الثاني



اتنين مخطوبين وبيحبوا بعض جدا

كتبوا الكتاب

وكله تمام

وقبل الفرح بشهرين بسس


الشاب جالو ازمه قلبيه


والدكاتره الزموه بالراحه التامه وحذروا م العمل او الزواج لان ذلك خطر علي حياته



السؤال الثاني




ماذا تفعل تلك الفتاه في هذه الحال ؟





شكرا

[Dr.A7med]

ومش ضروري تكون البنت غلطانة .. المحترمة بتتعاكس ..
-----

ماذا تفعل تلك الفتاه في هذه الحال ؟

هيطلب منها يطلقها .. وهي المفروض توافق .. واذا ما طلبش تطلب هي منه الطلاق . ده لا ذنبه ولا ذنبها
-----
أصل هيتجوزوا ازاي يعني .. بلاش نعيش علي كوكب المريخ .. خلينا هنا في الواقع .. وضع طبيعي جدا انهم ينفصلوا

[محمد وجدي]

شكرا يادكتور أحمد ع المداخله

جزاكم الله خيرا

ومنتظر باقي المشاركات