اكتساح مصرى لقارة استراليا

[د///*مطحونة*\\\]

حقق المنتخب المصري مكاسب عدة من اللقاء الودي الذي نجح في الفوز به على نظيره الأسترالي بثلاثية نظيفة، فيما سجلت اصابة جدو التي تبدو كبيرة الخسارة الوحيدة في هذا اللقاء.
وبجانب الثلاثية التي سجلها أحمد عبد الظاهر ومحمد ناجي (جدو) ومحمد زيدان (ضربة جزاء) في الدقائق 29 و59 و90 خرج المنتخب بعدة مكاسب أبرزها عودة الثقة للفراعنة بعد سلسلة من النتائج الهزيلة في تصفيات أمم افريقيا أمام الجابون والنيجر.

ونجح حسن شحاتة أيضا في ابراز وجوه جديدة للمنتخب على رأسها أحمد عبد الظاهر مهاجم انبي، وثنائي الوسط ابراهيم صلاح لاعب الزمالك واسلام عوض لاعب انبي، بالإضافة لإطمئنانه على مركز حراسة المرمى بعد ظهور عبد الواحد السيد ومحمد صبحي بمستوى جيد في اللقاء في ظل ايقاف عصام الحضري الحارس الأساسي حتى فبراير المقبل.
وشهدت هذه المباراة العودة الأولى لمحمد زيدان لاعب بروسيا دورتموند للمشاركة في المباريات بعد غياب دام لسبعة أشهر بسبب اصابته بقطع في الرباط الصليبي.
استعراض مصري
مرت الربع ساعة الأول هادئة من جانب المنتخبين المصري والاسترالي، باستثناء تسديدة ماكرة عن طريق أحمد عبد الظاهر في الدقيقة 14 مرت بقليل بجوار القائم الأيمن للحارس مارك شوارزر.
ورد تيم كاهيل نجم نادي ايفرتون الانجليزي بهجمة خطيرة للمنتخب الاسترالي في الدقيقة 16 أبعدها عبد الواحد السيد في اللحظات الأخيرة.

وكاد أبوتريكة ان يفتتح النتيجة للفراعنة بعد ان استقبل برأسه عرضية مميزة من أحمد سمير فرج مرت خارج المرمى في الدقيقة 20.
وشهدت الدقيقة 26 أبرز فرص المنتخب الاسترالي بعدما وجد تيم كاهيل نفسه أمام مرمى عبد الواحد لكنه صوب كرة قوية مرت بجوار القائم الأيسر وخرجت ضربة مرمى.
ونجح أحمد عبد الظاهر مهاجم انبي في تسجيل أول أهداف منتخب مصر عن طريق تسديدة من داخل منطقة الجزاء في الدقيقة 29 بعد كرة ثنائية مع أحمد عيد عبد الملك.
بعدها بدقيقتين انطلق أحمد فتحي، وسدد كرة أرضية صاروخية بقدمه اليسرى من على حدود منطقة الجزاء مرت بجوار القائم الأيسر.
عودة زيدان واصابة جدو
وافتتح أحمد سمير فرج أول فرص الفراعنة في الشوط الثاني بعد ان استلم عرضية اسلام عوض وصوب كرة قوية خرجت بعيدة عن مرمى الحارس مارك شوارزر.
ودفع حسن شحاتة في الدقائق الأولى من الشوط الثاني بالرباعي أحمد المحمدي ووليد سليمان ومحمد زيدان وجدو بدلا من اسلام عوض وأحمد عيد عبد الملك ومحمد أبو تريكة وأحمد عبد الظاهر.
ومن أول لمسة نجح جدو من تسجيل هدف مصر الثاني في الدقيقة 59 بعد ان مرر محمد زيدان كرة بينية مميزة لأحمد المحمدي، والذي بدوره أرسل عرضية أرضية برازيلية لهداف افريقيا لم يتوانى في اسكانها الشباك بقدمه اليسرى.
وخرج جدو بعد الهدف متأثرا بإصابة تبدو كبيرة قد تؤثر على حظوظه في المشاركة مع الأهلي أمام الاسماعيلي يوم الأحد، واشترك بدلا منه أحمد حسن مكي مهاجم حرس الحدود.
وكاد ميلنر المدافع الاسترالي ان يحول هدف في مرماه بعد ان استقبل برأسه عرضية أحمد المحمدي القصيرة في الدقيقة 88 لكن الحارس شوارزر التقط الكرة بيده.
واحتسب حكم اللقاء البرتغالي لوكاس نيل ضربة جزاء لمصر في الدقيقة 89، سجلها زيدان ليعلن عودته الرسمية للملاعب بعد غياب سبعة أشهر.
بشكل عام، ظهر المنتخب المصري بشكل متميز للغاية على مدار الشوطين، فيما ظهر المنتخب الاسترالي ضعيفاً في ظل ابتعاد تيم كاهيل أبرز نجومه عن مستواه

المهم

انتوا ايه رايكم فى المباراة
وايه اوجه الاستفادة منها

[Messi]

هو ليه ايمن اشرف ملعبش ؟؟؟؟؟

ده انا مستني الماتش عشان اتفرج عليه

[محمد سمير]

ماتش كويس من منتخبنا واداء مطمئن

وكسبنا احمد عبد الظاهر وابراهيم صلاح واسلام عوض واحمد دويدار فى المنتخب

بالاضافه لرجوع زيدان وظهوره بمستوى كويس الى حد ما

[Aésmaïl]

انا مش شايف اى مكاسب للماتش دا اصلا
بل فيه خساير

جدو .. باى باى اسبوعين
وابراهيم صلاح .. اسبوع

لكن بصرف النظر عن مين تألق ومين اتكشف انو لاعب محلى

استراليا تعبانه " ومعدل الأعمار عالى عندهم "

من وجه نظرى لو جابو السعوديه حتى نلاعبها او غانا هيبقى
الماتش اجمد وفيه منو منفعه

لكن ميبقاش البرازيل بتلاعب الأرجنتين
واسبانيا بتلاعب البرتغال
وانجلترا بتلاعب فرنسا

واحنا بنلاعب استراليا
وبعد الماتش الجاى هيلاعبو الأردن ومش بعيد
يدرجو ماتش الكويت اللى متكلمين عليه بقالهم سنه
فى الروزنامه .

فاكس يعنى

[ahmed helmy]

استراليا تعبانه " ومعدل الأعمار عالى عندهم

فعلا بالظبط كده استراليا هي اللي كانت وحشه
بس الواد ميسي جاب جون جميل يا جدعان (يا سلام علي حارس البرازيل وهو بيزحف ع الكوره ومش طايلها)

[same7]

بس الواد ميسي جاب جون جميل يا جدعان (يا سلام علي حارس البرازيل وهو بيزحف ع الكوره ومش طايلها)

كل مره
ياخد اللعيبه ف نفس الزاويه ويحطها للجون كده

كل مره
كل مره

وبرده تخش جون

[Aésmaïl]

بس الواد ميسي جاب جون جميل يا جدعان (يا سلام علي حارس البرازيل وهو بيزحف ع الكوره ومش طايلها)

اها .. دا اساسى الجول دا من ميسى
مهيه اللعبه دى متسجله بإسمه ..
وتقريبا ميسى بيدى فلوس للمدافعين اللى قدامو عشان يعديهم بالطريقه دى
حتى فى PS 11
نفس الكلام ونفس الإستايل ونفس الدريبلنج على الكوره .

على فكره الجول الأسطوره اللى ميسى جابو زى مارادونا ..
كنت بشوف اجوال الخطيب قريب ..
لقيتو جايب واحد زيو بالظبط اخد الكوره من نصف الملعب وعدى الناس
ودخل حطها من جنب الجول كيبر

[Dr/HULK]

ماتش ضحكوا علينا بيه

سيراليون كانت اقوى

جايبين فرقة جاية تهزر وتزور الاهرامات مش جاية تلعب

مفيش لعيب فى منتخبنا اتضغط عليه كله بيتحرك براحته



ماتش الارجنتين والبرازيل كان ممل اكتر من ماتش مصر بكتير

ميسى بس اللى مرضاش يمشى الناس زعلانة فخلص الماتش بجون لو سيزار كان واقف كان مسكها

لكن يلا حظوظ ماتش ممل

[Messi]

فعلا بالظبط كده استراليا هي اللي كانت وحشه
بس الواد ميسي جاب جون جميل يا جدعان (يا سلام علي حارس البرازيل وهو بيزحف ع الكوره ومش طايلها)

عارفين ليه ؟؟؟؟

اصل المدافعين دول بيشربوا (شاي بالياسمين) مع ميسي ليليه الماتش