من حقي أحلم

[M.Hegazy]

من حقي أحلم ، ده أنا حلمي بسيط ..
ليه لما اتكلم ، الناس تقول ده عبيط ..

ده أنا حلمي أحب و اتجوز حبيبتي ..
و نعيش سوا و أشوف حفيدي و حفيدتي ..

بحلم بدنيا حلوة تجمعنا ..
و صحبة صالحة تنفعنا ..
و ناس لما نشكيلهم تسمعنا ..

بحلم بلقى جميل و وداع أجمل ..
بليل هادي و طويل .. و نور الشمس لقلوبنا يوصل ..
و فرحة كبيرة بلمة العيلة تكمل ..


20 - 10 -2010
dr_abo_malak ( أسير الصمت )

[M.32L]

جميل يادكتر ماشاء الله
بس قصيره قوى

[M.Hegazy]

تسلم على الرد ..

أما بالنسبة لموضوع قصيرة قوي دي .. فأنا بقالي مدة كبيرة كلامي مش بيزيد عن كده .. و معرفش السبب ..

[WHITE HEART]

جميلة والله يا دكتور والبداية مضحكة وممتعة

[chocolata]

جميله اوى وبسيطه يادكتور ابو الملاك
مفتقدك مواصيعك بجد
بس قصيرة اوى اوى مينفعش كده خالص(متخلينيش اتكلم)
لازم تكون اطول وبالذات النوع دا من الخواطر لازم تكون اطول لانها سلسه مع كل شطر كله بيقرا احلامه او حتى بعضها
مهما كانت بسيطه ومكشوفه مش مبهمه وغامضه ومستحيله زى احلام تانيه

تسلم ايديك

وعنوان الموضوع يحمل الكثيييييييييييييير
ويارب دايما اقدر اقول حتى بالكلام بس

من حقى ان احلم

[M.Hegazy]

جميله اوى وبسيطه يادكتور ابو الملاك
مفتقدك مواصيعك بجد
بس قصيرة اوى اوى مينفعش كده خالص(متخلينيش اتكلم)
لازم تكون اطول وبالذات النوع دا من الخواطر لازم تكون اطول لانها سلسه مع كل شطر كله بيقرا احلامه او حتى بعضها
مهما كانت بسيطه ومكشوفه مش مبهمه وغامضه ومستحيله زى احلام تانيه

تسلم ايديك

وعنوان الموضوع يحمل الكثيييييييييييييير
ويارب دايما اقدر اقول حتى بالكلام بس

من حقى ان احلم

أولا : شكرا لمرورك و ردك الجميل .. و جزاكم الله كل خير
ثانيا : بالنسبة لموضوع قصيرة دي أنا ذات نفسي بقيت في حالة غريبة من زمان جدا ما كتبت كلمة و بقت مسكلة مش عارف أحلها .. يعني كده ف نظري كتير قوي .. أحسن من مفيش .. بس أوعد حضرتك أول ما أخرج من الحالة دي هكمل بقيت الكلام ده لأني حاسس إني فيه كلام كتير لازم يتقال .. خصوصا إني مش بنقل لكم أحلامي بس ده أنا بتكلم عن حاجات سمعتها من بحبهم جدا و لقيتها حاجات بسيطة قوي بس جميلة جدا .. أحلام إنسانية راقية .. و في النهاية ده أنا حلمي بسيط ..

تحياتي

جميلة والله يا دكتور والبداية مضحكة وممتعة

ردك هو الأجمل و الأمتع .. أشكر حضرتك على المشاركة ..