قيس ...وبهيه

[هارون الرشيد]

أنا... وبهية

سبوني بفكربخطط بقدر متنشن موتور محتار بين أمرين

ماهو أصل القضية يهخطب بهية أو أفتح صيدلية وهبدأ منين

لو نأجل بهية تبقى الصيدلية جملة اعتراضية ما بين قوسين

موضوع مش بسيط دا صعب وحويط والمتر فية بمقام مترين

ما أنا عاوز صيدلية شابة وعفية بشوش اربعينية وتكون على شارعين

كمبيوتر ودش تكييف ودش وزبون يوش على الجانبين

تأمن مهية كبيرة وسخية تكفى مية أو أكتر شوية متقولوا أمين

وأن اقاعد فى هومى تشيلنى همومى أكل وأربرب وأبقى سمين

بسرعة هتكبر وهكبر معاها تعمل خواتها وألعب بالملايين

يعنى الخلاصة عايزها رصاصة قبلما أضربها توصل الصين

بالنسبة لبهية دى بردت شوية بس لساها هية ما غيرتها السنين

يمكن فشولت شوية بس مش القضية هتفضل بهية زغلولة العين

ألوزة قوامها وسحلولها فى كمامها وطرطئة ودنها على اليمتين

لو شفتم عيونها الله يكون فى عونها بهية دي حوله بتشوفنى اثنين

بس البنية جدعة وصبية وكفاية يقولوا بهية قدوة الصابرين

عارف هتقولوا وهترضى يافقرى بيك انت ... بهية دى ست العاقلين

معايا زاتونتها ما أنا ابن حتتها ... بهية بنت أم حسين

شايلها لعوزة أهى تنفع برده ... لو دارت بينا السنين

ابراهيم رأفت
الفرقة الرابعة 2010
انتظروااااااااااااااااااااا القصيدة القادمة

[leeh_keda]

دماغك عاليه أوى
استمر
-----
ألاقيش عندك عنتر وجوليت ياريس :d

[هارون الرشيد]

مع تحيات A.B.A

[Anas]

حلوة للأسف يا إبراهيم

ييجي منك (مش قوي يعني)

[yojeena]

هههههههههه
و الله جميله جداااااااا
المقطع الاخير بتاع بهيه كوميدي مش هتقدر تفتح عينيك
استمر يا دكتور

[SHEREIF]

ههههههههههههههه
عسل القصيدة دى يا دكتور
شكلك بتفكر فى الطرشوبى

[NeScaFE]

هههههههههههه والله حلوة اوى

بس عندى سؤال

يعنى ايه سحلول ؟؟

[chocolata]

جمييييييله يادكتور تسلم

لذيذه كحط
عاوزين من دا كتير
والاحلى انها واقعيه
الله يكون فى عون الشباب
ياخوفى لنتركن زى بهيه
وساعتها ياعينى عليا

[ehabsalama17]

طول عمرك جامد يا نور الدين

[sammoha]

ياعينى عليكى يابهيه هتعملى ايه يعنى مهما عملتى مش عاجب
والله البنت صعبت عليا مش كفايه متحمله وراضيه
بنات الناس مش بليستيشن يا دكتور
طب خلاص من غير زعل نايس توبيك تسلم الايادى ومستنيين القصيده التانيه ان شاء الله