خطوبة سعيدة

[Pharmcist_girl]

السلام عليكم ورحمة الله وبركاته

اتمنى فى االبداية الكل يكون بخير وصحة وهنا



وبمناسبه ان الجدول نزل _جدول الامتحانات طبعا _مناسبه سعيدة جدا بس بغض النظر عنها برضه

هدخل فى الموضوع الا وهو الخطوبة حلم البنات الحالى بنسبة تتعدى 95% والاولاد برضه بس متاجل لحد الجيش ويبنى نفسه والنظام ده

الخطوبه مفهموها عند الناس بيختلف ,كل واحد ليه وجهة نظر من حيث هى ايه وليه وازاى وحدودها ايه ؟؟

موضوع بيتنقاش فيه الجميع والكل عليه مختلف والكل برأى ومصمم عليه

احب اعرف آراكم فى الموضوع ؟

شكرااااااا

[سارة الامورة]

الخطوبة هى فترة يدرس فيها كل منهما الاخر بيعرفوا طباع بعض وطريقة التفكير بالاضافة ان الواحدة تدلع شوية قبل الزواج ان شاء الله

[M.32L]

انا من رايئ ان الطرفين بتاعملوا مع بعض بصراحه عشان مايكنش فيه مشاكل بعد كده
ومحدش يحاول التصنع او كده ........

[pharmacistina]

و عليكم السلام ورحمة الله وبركاته

اتمنى فى االبداية الكل يكون بخير وصحة وهنا

ربنا يخليكي

على فكرة أول لما قرأت العنوان افتكرت انه ساحة مباركة لحد من الأعضاء في المنتدى على خطوبته

الخطوبه مفهموها عند الناس بيختلف ,كل واحد ليه وجهة نظر من حيث هى ايه وليه وازاى وحدودها ايه ؟؟

في رأيي الخطوبة فترة تفكير و اختبار لكل من الطرفين علشان يشوفوا هيكونوا متوافقين و هيقدروا يعيشوا مع بعض ولا في تنافر بينهم ,

يعني بالنسبة ليا , أعتقد انه الخطوبة مش معناها انه خلاص , لاااااا
الخطوبة فترة بتعطي لنفسك فيها فترة تشوف مميزات و عيوب الشخص اللي قدامك , تعطي لنفسك فرصة حيادية تشوف هتقدر تحب الشخص اللي قدامك ولا لأ

هتقدر تتكيف مع عيوبه ولا لأ

ممكن برده فترة تخطيط مشترك للحياة المقبلة

طبعا مع محاولة مراعاة ضوابط الشرع في كون الخاطب أجنبي عن خطيبته و أن الخطوبة مجرد وعد بالزواج

Thanks

[Pharmcist_girl]

الخطوبة هى فترة يدرس فيها كل منهما الاخر بيعرفوا طباع بعض وطريقة التفكير بالاضافة ان الواحدة تدلع شوية قبل الزواج ان شاء الله

شكر للرد مع انى شايفة ان جملة *تدلع شويه قبل الزواج * يعنى مش ماشيه مع سياق الخطوبة

انا من رايئ ان الطرفين بتاعملوا مع بعض بصراحه عشان مايكنش فيه مشاكل بعد كده
ومحدش يحاول التصنع او كده ........

التصنع على فكرة مش هيفديهم هما الاتنين بل هيضرهم هما الاتنين فيما بعد عشان كده مفروض ان فتره الخطوبه اقلها 6 شهور او سنه عشان التصنع اكيد هيتكشف فى اى موقف

وشكر ا للرد

و عليكم السلام ورحمة الله وبركاته



ربنا يخليكي

على فكرة أول لما قرأت العنوان افتكرت انه ساحة مباركة لحد من الأعضاء في المنتدى على خطوبته

ربنا يوفق كل الاعضاء وغير الاعضاء
آمين يا رب العالمين

في رأيي الخطوبة فترة تفكير و اختبار لكل من الطرفين علشان يشوفوا هيكونوا متوافقين و هيقدروا يعيشوا مع بعض ولا في تنافر بينهم ,

يعني بالنسبة ليا , أعتقد انه الخطوبة مش معناها انه خلاص , لاااااا
الخطوبة فترة بتعطي لنفسك فيها فترة تشوف مميزات و عيوب الشخص اللي قدامك , تعطي لنفسك فرصة حيادية تشوف هتقدر تحب الشخص اللي قدامك ولا لأ

هتقدر تتكيف مع عيوبه ولا لأ

ممكن برده فترة تخطيط مشترك للحياة المقبلة

طبعا مع محاولة مراعاة ضوابط الشرع في كون الخاطب أجنبي عن خطيبته و أن الخطوبة مجرد وعد بالزواج

Thanks

رايك عجبنى جدا يا منى بصراحة كالعاده كل ارائك بتعجبنى وشكرا لردك بجد

وفعلا انا شايفه ان لما يحصل موافقه على الخطوبه يبقى معنى كده شخص كويس من نواحى كتير مهمه ومقبول مبدئيا بالنسبه ليكى ولاهلك

وهتخدوا فرصه عشان تشوفوا الطباع هتتوافق مع بعضها طبعا فى حدود الدين والشرع مع عدم التصنع


وبعد الشر لو محصلش توافق ده مش معناها انه مش كويس او انك مش كويسه بل ديه طباع لابد منها ان تتوافق مع بعضها

ومستنيه بجد ردود تانيه باذن الله

[محمد وجدي]

السلام عليكم ورحمة الله وبركاته




احب اشكر حضرتك علي الموضوع المتميز فعلا




انا رايي أن الخطوبه أو الخطبه هي:-

فتره يتعرف فيها كل طرف ليس فقط علي الاخر بل علي كل شيئ يخص الآخر




من أشياء وأشخاص

أولا الاشياء هي



الطباع

الموود

اللي بيحبوا كل واحد

اللي بيكرهه

مستوي الكلام وطريقه الكلام




ثانيا الاشخاص

الاهل

الاصحاب





مهم اوي الصراحه في الفتره دي


بس مهم برضو محاوله اظهار الجيد في كل طرف دون ابراز السئ


وانتظروا المزيد

وتقبلوا مروري


شكرا

[Pharmcist_girl]

شكرا لمرور حضرتك

[asfourelgana]

هو حضرتك عايزة رأينا في الخطوبة المفروض يبقى شكلها ازاى ولا هى ازاى

انا شخصيا شايفه زى كل زملائي هنا

ان الخطوبه فترة للتعارف الجاد بين شخصيتين سيربط بينهما

ميثاق غليط بامر الله يتم في هذه الفترة التعرف على مميزات وعيوب الشخصيتين

واتجاهاته الفكرية وما الى ذلك

بس ده غالبا مبيحصلش

اللي بيحصل مي 3/4 الخطوبات هو التزين والتجمل باشياء لا ندري

مدى وجودها في الاخرين ومدى صدقهم فيها

وربنا يستر بعدها بقه

تقبلو مروري

[saraa]

كلامكم كله صح وموضوع مميز

[Pharmcist_girl]

هو حضرتك عايزة رأينا في الخطوبة المفروض يبقى شكلها ازاى ولا هى ازاى

انا شخصيا شايفه زى كل زملائي هنا

ان الخطوبه فترة للتعارف الجاد بين شخصيتين سيربط بينهما

ميثاق غليط بامر الله يتم في هذه الفترة التعرف على مميزات وعيوب الشخصيتين

واتجاهاته الفكرية وما الى ذلك

بس ده غالبا مبيحصلش

اللي بيحصل مي 3/4 الخطوبات هو التزين والتجمل باشياء لا ندري

مدى وجودها في الاخرين ومدى صدقهم فيها

وربنا يستر بعدها بقه

تقبلو مروري

كلامكم كله صح وموضوع مميز

يا دكاترة
شكرا للمرور الجميل