المشاركة الأصلية كتبت بواسطة الجنة مرادى
وياريت حضرتك يا دكتور تقول الطريقة عشان اللى مش عارف
يعرف
وجزاكم الله خيرا على الموضوع المهم
بكل بساطة هتسأل الوالد أو أحد الأقارب هو عرف لجنته ازاى و تعوف لجنتك فى أى مدرسة و رقمك الانتخابى و تقول شعادتك فى يوم الانتخابات 28 / 11 / 2010
-----
المشاركة الأصلية كتبت بواسطة بحلم ببكره
موجود يومها بإذن الله من الفجر
امبارح كنت بفكر بعقلي
لقيت إن لو افترضت إن عملية الإدلاء بالصوت بتاخد حوالي دقيقتين بس (ودا طبعا مستحيل)
وبافتراض 1000 ناخب في اللجنة
لو هيروح منهم 300 بس يبقي هيحتاجوا حوالي 600 دقيقة
يعني 10 ساعات
وأساسا التصويت بيبقي من 9 لـ 5 أو 7 بالكتير
يعني
لو دا حصل
مستحيل يقدروا يزوروا
عرفتوا بقي إن إحنا اللي بنسيبها تطبخ
(قال يا فرعون ايه اللي فرعنك قال ملقيتش حد يحوشني)
دا منطقى جدا لأن الناس بتخاف تشارك مش عارف ليه !!!
و عدم المشاركة فعلا هو اللى بيدى فرصة للتزوير
احنا اللى بندى الفرصة للباطل إنه يكون قوى و بالتالى يصبح الحق ضعيف
بدليل إننا بدأنا فى شهر الانتختابات و اعتقد إن معظمنا مش مهتم يعرف لجنته الانتخابية
كشباب جامعة لازم نشارك و يكون لينا دور كمان فى توعية الناس اللى حوالينا بأهمية المشاركة
-----
المشاركة الأصلية كتبت بواسطة عاشقة الصيدلة
ربنا ييسر الحال ان شاء الله ويكون لينا دورفى اليوم ده مايكونش زىاى يوم يعدى وخلاص
لان دى فعلا امانه هنسال عليها امام الله
وبتمنى من ربنا يتحقق ولو جزء بسيط من اللى بنحلم بيه طول عمرنا
والله المستعان
إن شاء الله يكون لينا دور
و بإدينا نختار اللى يصلح
و فى انتظار متابعتكم
-----
المشاركة الأصلية كتبت بواسطة متفائل
طب ايه هى المواصفات اللى نفسك تشفها فى المرشحين طبعا بعيد عن الاتجاه السياسى للمرشح
طبعا و قبل أى مواصفات مادية لازم أتأكد اللى بديله صوتى يكون عارف ربنا و بيتقى الله فى نفسه و أهله لأن أهم حاجة إن النائب يحس إن فى عليه رقابة من الله قبل أن تكون م الشعب أو غيره
كمان إنه يكون متمتع بسيرة حسنة و لا يذكره الناس إلا بخير يعنى لا يعقل إنى أدى صوتى لواحد إقامته الدايمة على القهاوى و معروف بالرشوة مثلا أو غيره
كمان لازم يدافع عن القضايا بتاعتى و لا يألو جهدا فى المطالبة بالحقوق بكل ما أوتى من الوسائل التشريعية و الرقابية
أن يدافع عن قضايا الأمة كما فعل بعض النواب تجاه حصار غزة و الرسوم المسيئة لرسول الله 
أن يمنع الفساد القائم بما يحافظ على ثروة البلد
و غيرها كتير
و للحديث بقية إن كان فى العمر بقية
انتخابات الشعب و الحد الأدنى من الايجابية
رد مع اقتباس
