اجتماع لجنة شئون التعليم والطلاب

[Mohamed Al Gohary]

سيتم بمشيئة الله اجتماع للجنة شئون التعليم والطلاب يوم الثلاثاء القادم .. وتمت دعوتي فيه لحضوره كوكيلاً للطلاب .. أرجو من جميع الطلاب سرد مشاكلهم التى تواجههم .. كى اعنصرها واعرضها على اللجنة لمناقشتها ..

[Messi]

بالنيابه عن الفرقه الاولي

التكييفات شغاله بس مفيش هواء

ياريت لو يكون فيه حل عن اداره الكليه

[الجنة مرادى]

M.3lewa بالنيابه عن الفرقه الاولي

التكييفات شغاله بس مفيش هواء

ياريت لو يكون فيه حل عن اداره الكليه

بالمثل فى مدرج تالتة ومع انها فى مدرج رابعة شغالة كويس جدا

أرجو ان يكون فى حل لأن احنا بنكون قاعدين فى سونة وننادى الدادا تقول انها مفتوحة!!!!!


المشكلة التانية :

مسجد البنات

بجد مأساة

انا عارفة ان ادارة الكلية عملوا اللى عليهم لكن بجد الموضوع

صعب جدا فى صلاة الضهر بنصلى على بعض ومفيش تركيز

ولا خشوع وفى ناس بتكون مستعجلة عشان المحاضرات

دا غير ان اصلا مفيش استراحة للبنات بين السكاشن والمحاضرات

فالبنات بيقعدوا فى المسجد ويزاحموه أكتر ماهو ضيق

يعنى أنا ساعات بيكون عندى سكشن يخلص س 11 والمحاضرات س2

يعنى 3 ساعات أقضيهم فين؟؟؟ والساحة مفيهاش كراسى والسلالم

معتقدتش ان من المنظر الحضارى ولا الإسلامى ان البنات يقعدوا على السلالم

وطبعا مينفعش نروح لأن فى ناس بتسافر كتير وفى بنات منتقبات بكونوا عايزين يقعدوا براحتهم

فانا بقترح باسم بنات الكلية كلهم ان المكان اللى قدام المسجد يتعرش ويتعمل

استراحة للبنات او حتى لو مفيش امكانية للكلية دلوقتى( ولو انى ما اعتقدش)

نعمل خيمة قدام مسجد البنات وتتفرش أى حاجة لحد لما المكان يتعرش

لأن المنطقة دى أصلا ملهاش فايدة فى حاجةومليانة تراب وقمامة

أو حتى المكان اللى قدام مسجد الولاد من ورا يتعرش

ونغطى شبابيك الولاد بستاير

ياريت الموضوع يتاخد بجدية لأن بجد الموضوع صعب جدا

وبعتذر عن الإطالة

وجزاكم الله خيرا على الإهتمام

[NonY]

انا كمان بطالب بمكان واسع نقعد فيه فى الوقت الفاضى و يكون فيه ترابيزات

[*Jessy*]

فعلا يا دكتور تكيفات مدرج الفرقه التالته مافيش غير اتنين بس هما اللي شغالين والباقي كله مطفي وكمان الجزء اللي عند الباب اللي ورا مافيهوش غير مروحتين
بجد انا لما بقعد فيه بفطس كده حرام بجد والعدد كبير والدنيا حر موت ومافيش مساعده من العامله خالص بتدخل تزعلقنا لو قولنالها علي التكييف

القعده في المدرج بتبقي صعبه اوي
ده احنا في مدرج الفرقه التانيه والله كنا بنروح ننده العامل عشان يطفلنا التكييف من البرد

وهو فعلا في حكايه المسجد بيبقي زحمه اوي وصغير علينا انا ساعات بروح اعيد تاني صلاتي في البيت لاني في المسجد مش بصلي بخشوع خالص فعلا بنصلي فوق بعض
وبعدين الكليه البنات فيها اكتر من الولاد بمراحل فالمفروض المسجد يكون اكبر واوسع من كده
صلاتنا بتبوظ

الحاجه التالته بقي وبجد تعبتني اوي

المعامل مافيهاش كراسي ولاحتي مروحه وكده حرام اوي بنفضل واقفين بال 3 ساعات علي رجلينا انا حاسه ان هايجلنا دوالي ببقي راجعه البيت مش عارفه انام بليل بسبب رجلي من الوجع مافيش كراسي خااااااااااااالص وبنقف كتير اوي
ولو قعدنا علي البنشات الدكاتره بيزعقولنا
ولو فكرنا ونقعد علي الارض هدومنا بتبوظ واحنا بنتبهدل بس مضطرين لاننا فعلا بنتعب بجد منقدرش نستحمل كل الواقفه دي في السكشن غير ان بتبقي تعبان ومش مركز بقي

يعني انا اخدت 3 سكاشن لغايه دلوقتي فارما واساي وبيو ومافيش في ولا معمل فيهم كرسي والسكشن بيبقي طويل

معلش طولت عليكم بس هي دي المشاكل دلوقتي اللي في دماغي هبقي اشوف تاني كده

شكرا يا دكتور علي اهتمام حضرتك بينا

[Aésmaïl]

سيتم بمشيئة الله اجتماع للجنة شئون التعليم والطلاب يوم الثلاثاء القادم .. وتمت دعوتي فيه لحضوره كوكيلاً للطلاب .. أرجو من جميع الطلاب سرد مشاكلهم التى تواجههم .. كى اعنصرها واعرضها على اللجنة لمناقشتها ..

بالتوفيق يا جوهرى ..

بص يا سيدى .. التكيفات طبعا .. فى المقام الأول
واللى مش شغال فيها فى كل مدرج ياريت يتصلح فى اقرب وقت ..

وياريت فى السكاشن ال materials تبقى متوفره شويه
سواء كانت chemicals او exp.animals ..
عشان نشتغل بضمير ..

انا كمان بطالب بمكان واسع نقعد فيه فى الوقت الفاضى و يكون فيه ترابيزات

وبالمره .. ياريت يبقى فيه غدا ودرينك بعد الغدا .. واتنين عبيد يهوا علينا

مش منطقى الكلام دا لأن مفيش مساحات فى الكليه اصلا ..

[M_S_SH]

*اسعار الكتب وزمايلنا اتكلمو فية وزيادة هنا
*مقاعد ومظلات للطلبة ... لازم يتشافلها حل مش معقول عربيات الدكاترة تبقي واقفة تحت المظلات والضل واحنا حتي مش مسموحلنا نقف جنبها وطبعا ما ينفعش القعدة علي الرصيف او السلالم علي الاقل منظر مش حضاري
* الحمامات ..لاتصلح للاستعمال الادمي

[Amira Said]

ممكن تتحط خطة لعمل استراحات للطالبات على سطح مبنى الكلية، زي مافي دواليب بنظام معين يبقى في كراسي وترابيزات بنظام برضه، او ممكن المكتبة تتنقل مثلا للسطح بحيث تكون واسعة وتاخد عدد كبير من الطالبات

[M.32L]

مشكله حقوق الانسان
الماده اللى تلت دفعه اولى شالها بدون ذنب (لان المتحان كان مكتوب عليه تجاره ...............الخ)
طب والطلاب ذنبهم ايه الطلاب بتمتحن الماده اللى قررتها الكليه وهى اللى تحط امتحانتها وكل طالب لازم ياخد حقه
مش عارف صراحه هنعمل ايه فى الماده دى
تظلم وعملت
ورقه للتظلم الجماعى ونكتب كلنا اسمائنا عليها وعملنا
.................
الحل
خلاص كده احنا شلنها وخلاص والكليه مش هتعمل لنا حاجه
مش عارف ده ايه بالظبط

-----

انا كمان بطالب بمكان واسع نقعد فيه فى الوقت الفاضى و يكون فيه ترابيزات

ياريت الاقتراح ده يتنفذ فعلا
بدل قعده الشؤن وكل سلالم الكليه

[Messi]

انا كمان بطالب بمكان واسع نقعد فيه فى الوقت الفاضى و يكون فيه ترابيزات

ياريت والله