من ثانوى حتى البكالوريس ...

[Pharmcist_girl]

السلام عليكم ورحمه الله وبركاته

اتمنى يكون كل اعضاء المنتدى والمسلمين كلهم بخير

بدات الدراسه بقالها اسبوعين....مع انى حاسه انهم يومين

انا حاليا فى البكالوريس كلمة كبيره برضه

الواحد اصلا حاسس انه كان فى اعدادى اول امبارح

والظريف فى الموضوع انى لما اكون راكبه فى التاكسى واسمع الطلبه بيعملوا طابور الصباح

والمدرس بيقولهم صفا وانتباه الكلام بتاع زمان

بحس احساس بضحك على نفسى بسببه انى نفسى ارجع تانى المدرسه

يمكن خايفه اخرج بره الحياه العمليه اللى مهما كانت قساوة كليتنا علينا عمرها ما هتكون زى بره

وان ايام عدم المسئوليه هتنهتى وفيه تحدى اما اكون او لا اكون

واحساس بانى هفتقد اصحابى _اللى يمكن لما مكنتش دخلت كليه البهدله ديه قصدى صيدله_ مكنتش قابلتهم

وبجد برغم الايام الصعبه فى الكليه واخرها سكشن الميدسينال الاربع ساعات اللى كانا وقفانهم

الا انها هتوحشنى بجد الكليه اوى

يمكن حد يقول لسه بدرى داحنا لسه فى اول اسبوعين من الدراسه لكن الايام بتعدى بسرعه زى جواب الترشيح اللى فاكره يوم ما جانى كانها اللحظه ديه

طولت عليكم .......................................

وبجد مش عارفه السبب اللى خلانى اكتب الموضوع ده ؟؟

[dr\h elfe2e]

حضرتك بتتمنى ترجعى لايام المدرسه
ومعظم اللى فى اولى
بيتمنى يخلص
من الكليه دى
بس برضه بحبها
مش عارفه ليه؟؟

[Alaa Elemam]

الا انها هتوحشنى بجد الكليه اوى

مش عارفه هتوحشنى ولا ؟؟؟؟؟؟؟؟؟؟؟؟؟؟

يارب يوفقك الى الخير فى حيلتك المقبلة
جزاكى الله خير

[AbU ElKhAiR-Let`s Go]

سيظل الانسان كما هو


بطبيعته البشريه


يحن الى الماضى


يترقب ويخشى من الغد


يتألم ويأن من اليوم


لكن هى فطرة تجعل الانسان يوضع فى توازن فكرى عجيب


مابين الماضى والحاضر والمستقبل


فالماضى قدوه أو محذر ومنبه والمستقبل أمل وهدف وحلم كبيييييير يجذبنا اليه


واليوم أرض للعمل وفرصه للجد والتعب






ربنا يوفق حضرتك يا دكتوره فى الايام اللى جايه

[eeeman]

عندك حق يا دكتورة انا حاسة بالكلام دة من دلوقتى وبرضه كل ما اشوف مدرستى باكون نفسى ارجع لها تانى وخايفة جدا برضه من الحياة العملية لما اخلص ان شاء الله

[Larine_Resala]

أنا عن نفسي لحد دلوقت مش مصدقة ان خلاص ايام الدراسة عدت

بحن اوي للايام اللي كنت فيها في الكلية

بجد الكلية وحشتني اوي

بس ف نفس الوقت فرحانة جدا اني بقيت صيدلانية رسمي وبدأت مرحلة جديدة ف حياتي

وان كلمة طالبة بالنسبة لي خلاص انتهت للابد

[uni2010]

والله أنا مش عارفه هيكون احساسى ايه لما أوصل سنه رابعه أو حتي لما أتخرج يمكن هاكون فرحانه اني بقيت
صتيدلانيه ,بس انابحب أعيش كل لحظه بلحظتها علشان لااندم اني ضيعتها
وربنا يوفق الجميع























ا

[Pharmcist_girl]

ربناا يوفقنا كلنا و تحسوا دايما طعم النجاح باذن الله تعالى

[polares]

احساس الحنين دايما بيبقى عايش جوانا حاجات فاتت واوقات كتير نتمنى ترجع تانى انا فعلا بحس انى حنيت لايام ثانوى واعدادى رغم انى ما كنتش بحب المدرسه بس عايزه ادخل الفصل والاقى كل اصحابى عايزه اقف الطابور واوقات تانيه ببقى مش عايزه افتكر الايام دى اصلااااااااااااااااااا

[gogoo]

احنا مش كارهين الكلية بس كارهين التعب