ساحه حوار التوكسو

[ahmed helmy]

ان شاء الله بقي هتكون هنا ساحه حوار التوكسو
اتمني ان الماده دي تكون فأل حسن علينا السنه دي
وربنا يوفقنا جميعا
طبعا معروف لما بعمل ساحه حوار بتبقي احسن درجات

ــــــــ

تنبيه هام..
الموضوع خاص بماده التوكسو فقط ..واى مشاركه فى غير ذلك سيتم حذفها فورا دون سابق انذار..

[ahmed helmy]

يا خبر ابيض
للاسف وانا بدور ع المنتدي
لقيت الساحه دي ومحدش مشارك فيها
والمصيبه ان انا اللي عملت الساحه بمجهودي
هي للدرجه دي الناس مفيش عندها حاجه غامضه في الماده دي
انا قولت اسال سؤال عشان العجله تدور في الساحه وتتملي مشاركات
السؤال بيقول علل
هل امتحان العملي هيجي شيت بس ولا هنشتغل بايدينا في الضفاديع ونعذبهم تاني
ولو الناس فضلت مضربه عن الساحه دي هنقفلها انا وانس (ايوه اعتبروه تهديد)

[maroo]

يالا هحاول أتكلم علشان أعمل للصفحه منظر ومكسفكوش هو امتحان العملي هيبقي عامل ازاي ؟ ومحدش هيدخلنا غير دكتور طارق بس ولا في حد تاني هييجي ؟

[Anas]

ههههههههه

و أنا معاك يا حلمي

و بالنسبة للامتحان ف أحب أطمنك عالآخر

السنة اللي فاتت الترم الأول شيت (معجزة) و الترم التاني عملي زي البني آدمين

[maroo]

ههههههههههههههههههه

[ahmed helmy]

ههههههههه

و أنا معاك يا حلمي

و بالنسبة للامتحان ف أحب أطمنك عالآخر

السنة اللي فاتت الترم الأول شيت (معجزة) و الترم التاني عملي زي البني آدمين

ايه يا انس الكلام ده
مفيش ترجمه ولا ايه
يعني ايه شيت معجزه ويعني ايه عملي زي البتاع
وافهم من كلامك ان الترم الاول شيت بس

[Dr/HULK]

سكاشن جميلة على فكرة
واحنا منتظرين الضفدعة فى صمت عشان تدى اى ريكشن بعد ماتحقنت بالنيكوتين

اذ بالدكتورة تطرد الجروب بتاعنا كله 7 افراد ببالطوا ابيض عشان واحد قال كلمة وصت الصمت الرهيب الموجود فى السيكشن

والله حاجة تجيب الضغط دا حتى عرفنا ان الضفدعة من تأثرها بطردنا وقفت التجربة ومردتش تكملها

[محمد سمير]

يعني ايه شيت معجزه ويعني ايه عملي زي البتاع
وافهم من كلامك ان الترم الاول شيت بس

السنه اللى فاتت كنا ممتحنين شيت فى الترم الاول

الشيت كان عباره عن اكمل

35 جمله تقريبا وكل جمله فيها تكملتين

والزمن المخصص كان نص ساعه فقط

الشيت كان حلو الى حد ما بس كان طويل

بالنسبه لامتحان الضفادع والفيران ايامنا كان فى الترم التانى فقط

كانت سكاشن الضفادع والفيران دى ذى العسل

يلا ايام

الحمد لله انها مش هترجع

[~Am@ny~]

الدكتوره ف السكشن قالت لنا .............هى لسه متعرفش الامتحان ازاى

لان السنه الى فاتت الترم الاول كان شرح بس ومفيش لا ضفادع ولا تجارب نزلت الا ف الترم التانى

فميعرفوش لسه نيه الدكاتره اى من انهم ينزلولنا الضفادع الحلوه دى ف الترم الاول( مش عايزه هتاف على الاضافه الجامده دى )

[Anas]

أصلا عملي الترم ده لحد دلوقتي مفيش له ملامح

السكشن الأول قالو كل مجموعة 10 كل واحد له ضفدعة
و دي سابقة لأول مرة تحصل في تاريخ الكلية
و كل مجموعة تحقن strychnine‏ بتركيز معين
و حد منهم ييجي تاني يوم يشوف كام ضفدعة ماتت
رحت تاني يوم لقيت المعامل فاضية مفيهاش لا ضفادع ولا حتى بني آدمين


السكشن التاني قالو نحقن الضفدعة nicotine
و المفروض ان الضفدعة بعدها ترقص على رجل و نص
قعدنا نطبلها عشان ترقص و الضفدعة ولا الهوا

واضح انهم كانو جايبين ضفادع مغشوشة