فن الاختلاف

[dr/elmallah]

مشاكل كتير بتحصل بين الناس بسبب الفهم الخطأ ..أو .. أو ....

بس اكبر مشكلة بتحصل مش وقت المشكلة ..... احيانا بيبقى رد الفعل بعد المشكلة اصعب م اللى حصل فى المشكلة نفسها .... لان للاسف احنا دلوقتى مش بنعرف نختلف


دلوقتى لما بنختلف فى حاجه بنجيب معاها كل حاجه فى مرة واحده ... ناسيين القاعده القرآنية اللى بتقول ( ولا تزر وازرة وزر أخرى )
بس احنا للاسف بيحصل الموقف وبندعى الطيبة وبنقول اننا عديناه .. ويحصل الموقف التانى والتالت والرابع وبنعدى .. لحد مافى النهاية بنلاقى ان كل اللى فات ده مكناش بنعديه كنا بنخزنه وبنشيله لحد لليلة الكبيرة اللى بنطلع فيها كل حاجه ..

بييجى الوقت اللى بنتكلم فيه وبنخرج كل المشاكل وللاسف مش بنختلف فى نقطة المشكلة بس .. لا دا احنا كمان بنختلف فى كل حاجه ... مثال بسيط : ابقى ماشى مع زميلى وابقى طول ماانا ماشى معاه من غير مااختلف اقول عليه دا صاحبى وحبيبى ومفيش زيه .. ومع اول موقف يحصل فى نقطة معينة اختلفنا انا وهوا فيها ابدأ أتقلب عليه 180 درجة واعيب فيه واقول عليه كل شيئ سيئ ويبقى ده فى نظرى المثال الحى للشيطان المتمثل فى صورة انسان ( صدقونى كتير مننا لما بيختلف بيبقى كده ) .

كلنا حافظين ان الاختلاف فى الرأى لا يفسد للود قضية بس المشكلة اننا حافظين ومش فاهمين ؟؟

هل فعلا احنا محتاجين نغير من طريقة تفكيرنا .. انا مش بااقول ان كل الناس بتتصرف وبتفكر كده بس اغلب الناس الا من رحم الله بيتصرفوا كده وقلة قليلة م نالناس هما اللى مش بيتصرفوا كده واكيد كلنا شايفين حوالينا تصرفات الناس لما بتتحول بعد اول اختلاف فى وجهة نظر او رأى ...ازاى نقدر نعدل النقطة دى في نفسنا ؟؟

[الفراشة الرقيقة]

الإختلاف طبيعى جدا و هو من سنة الحياة و لولا الإختلاف ما كان كل شخص فينا له شكل خاص و له شخصية خاصة به و له آرائه الخاصة
لكن لازم تقبل الرأى و الرأى الآخر و لا نتمسك برأينا و لا نكون مقتنعين إن مفيش حد فاهم حاجة إلا إحنا

[Al-Shaimaa]

بس المشكلة اننا حافظين ومش فاهمين ؟؟

هنا تكمن معظم مشكلاتنا
نحن على قدر من المعرفة النظرية
لكن لا نسعى لاي تطبيق عملي لمعظم ما نعرفه ونتعلمه


جزاك الله كل خير يا دكتور