اعتذار

[toto_92]

سلام عليكم الأول
الاعتذار دا يا جماعه المفروض يكون من جروب A للدكتور طارق لأن امبارح في المحاضرة اتنرفز علينا بسبب اللي اتكلمو وخرج وسابلنا المدرج وبيتهيألي يا جماعه ان الدكتور منبه على نظامه من الأول وبيتهيألي برده ان مفيش حد مننا مستعد يستغني عن محاضرة الدكتور طارق
فياريت يروح مننا مجموعة ولو حتى كل واحد مع 3 ،4 من اصحابه للدكتور المكتب يعتذرله وبيتهيألي مكتبه في قسم الفارما
عشان على الاقل نحسن الفكرة السيئة اللي اخدها عننا معظم الدكاترة

[moh_2010_ph]

هوه المفروض المجموعة كلها تقدم للدكتور طارق اعتذار
وانا من المجموعة ب وبنكون ساكتين وبنسمع للدكتور كلنا وبنستفيد

[asfourelgana]

يا جماعه الدكتور طارق من الدكاترة اللي لازم الواحد يكون مركز معاهم بكل جزء فيه

لأنه والله العظيم من افضل الدكاترة اللي بيشرحو

واللي يركز معاه هيستفيد كتير جدا

وبجد لازم تروحو تعتذرو ليه

وانا اسفه لتدخلي بس انا حبيت اقول رأيي

وده طبعا بعد اذنكم

[toto_92]

حضرتك عندك حق وانا مع حضرتك وشكرا عالمشاركة

[Messi]

مش (أ) بس الواجب عليها تعتذر

_ب) كمان لازم تعتذر

لان الدكتور خرج من عندنا متنرفز من محاضره امبارح

ده حتي مكملش باقي المحاضره و قال اقروها مع نفسكم


وده ان دل علي شيء
يدل علي ان د.طارق مش بيحب حد ينطق في المحاضره وده حقه طبعا

فياريت لو حد يروح يقدم اعتذار بالنيابه عن المجموعتين
و الناس تلتزم الصمت و الحياء في المحاضرات كلها بصفه عامه ومحاضرات د.طارق بصفه خاصه

[dr emy.hassan]

انا بستغرب اللى بيتكلموا جاين المحاضرة ليه ميتكلموا فى اى مكان تانى
وان بعتزر نايبه عن جروب a

[toto_92]

مش (أ) بس الواجب عليها تعتذر

_ب) كمان لازم تعتذر

لان الدكتور خرج من عندنا متنرفز من محاضره امبارح

ده حتي مكملش باقي المحاضره و قال اقروها مع نفسكم


وده ان دل علي شيء
يدل علي ان د.طارق مش بيحب حد ينطق في المحاضره وده حقه طبعا

فياريت لو حد يروح يقدم اعتذار بالنيابه عن المجموعتين
و الناس تلتزم الصمت و الحياء في المحاضرات كلها بصفه عامه ومحاضرات د.طارق بصفه خاصه

فعلا يا دكتور عندك حق انا ان شاء الله ممكن اروح يوم السبت عن جروب (أ) ومعايا 2 او 3 من اصحابي وياريت تشوفو حد من جروب (ب) برده

وانا مع حضرتك يا دوك MOON مش عارفه الناس بتتكلم في ايه اصلا

[ameer]

بتهيالي الدكتور مش مستني حد يعتذرله ومعتقدش ان الاعتذار هيغير حاجه
المفروض الاعتذار يكون بان الناس تكون ملتزمه المحاضره الجايه ومحدش يتكلم
والا يبقي ايه فايده اني اعتذرله النهارده وازعله تاني بكره ؟!!!!!!!

[العصفورة]

لو سمحتوا يا جماعة ممكن اشارك معاكم ؟
بصراحة دكتور طارق من افضل الدكاترة اللى ممكن نقابلها فى الكلية
وبتكون دفعة محظوظة اللى يدرسلها
لانه بيشرح بضمير اوى ويهمه ان الطالب يفهم كويس
بيبسط الامور بحيث تكون المحاضرة كانها حكاية وبتكون شيقة كمان
كل المطلوب منك فى المحاضرة انك تفهم بس ولو عاوز تكتب نوتس عربى
لكن مش زى المحاضرات التانية لازم تكتب كل حاجة فيها
ولو الدكتور كان مبسوط من الدفعة بيقولهم الحاجات اللى عاوزها منهم وفعلا بيجيبها فى الامتحان
وبيكون امتحانه سهل جدا و هو اكتر دكتور بيخاف على مصلحة الطالب
انا اسفة انى اتدخلت وطولت كمان بس شهادة حق حبيت اقولها ونصيحة ليكوا
بجد يا جماعة حاولوا تستفيدوا منه من الشرح والامتحان وحرام تضيعوا الفرصة دى
وان شاء الله ربنا يوفقكوا كلكم

[toto_92]

بتهيالي الدكتور مش مستني حد يعتذرله ومعتقدش ان الاعتذار هيغير حاجه
المفروض الاعتذار يكون بان الناس تكون ملتزمه المحاضره الجايه ومحدش يتكلم
والا يبقي ايه فايده اني اعتذرله النهارده وازعله تاني بكره ؟!!!!!!!

يا دكتور ما قلناش حاجة ما طبعا لازم الاعتذار يكون عملي اهم من انه بكون مجرد اعتذار بس انا بيتهيألي ان اعتذارنا له هيبقى لفته كويسة

ويا ريت الناس بجد نتفق اننا نحترم المحاضرة وما دام قعدت في المدرج يبقى خلاص مفيش داعي نتكلم ما حبكش يعني