ماذا لو كان العكس ....؟؟؟!!!

[متفائل]

السلام عليكم

و كل عام و أنت جميعا بخير

بينما اتصفح الفيس بوك وجدت هذه الصورة

طبعا تبادر إلى ذهنى أن ذلك قد يكون من مطلق الحرية الشخصية " بس صراحة بالشكل دا دمها تقيل أوى"

المهم

تساءلت هل يجرئ أحد على فعل العكس بنفس مبدأ " الحرية بدم تقيل " ؟؟؟

[HappY bE]

امممممممممممم ... حلو الحرية بدم تقيل دي ...
يعني الواحد يبقى رخم ومطنح كدة على رأيه وطريقة تفكيره ...
بس ده متهيئلي واحد منافق ,,, سيبك منه ...
وبالنسبة للعكس بتاع الصورة دي متهيئلي لسة بدري ...
شكرا ع التوبيك ...

[Dr.A7med]

نعم عشان ايه؟ عشان التعليم ولا الصحة ولا يمكن عشان الشعب المصري بيصيف كل سنة في اسبانيا وشرق آسيا
بصراحة أسوأ داء ممكن حد يتصاب بيه في الدنيا هو البجاحة

[Dr/HULK]

اساسا اللى عامل اليافطة من التأمينات الاجتماعية

يعنى من هيئة من اسوأ الهيئات المصرية

زى عندنا كده فى الحتة واحد معروف انه بيبيع حشيش

وعامل يافطة بتأيد مرشح الحزب الوظنى

الطيور على اشكالها تقع

[متفائل]

صراحة بفتكر مقولة إن لم تستحى فاصنع ما شئت


بتخيل اللى الراجل ده معارضهم لا قدر الله نجحم
هل سيظل هذا الرجل مستمسك بموقفه
أم أنها مصالح
و من بعيد نلاقاه نفسه بيعكس الموقف

[Alaa Elemam]

ايوا ممكن حد يجرؤ على فعل العكس
بمبدأ فعلا (الحريه بدم تقيل)
وده احسن تعبير فعلا يا دكتور
بجد صورة غبية جدا

[N00R EL _SHAMS]

بتخيل اللى الراجل ده معارضهم لا قدر الله نجحم

ان شاء الله ينجح والبلد .......بقى

ان الله قادر على كل شئ

وبصراحه يافطه مستفزه اوى اوى ودمها تقيل الحريه دى فعلا

[asfourelgana]

اعتقد احنا في مصر

وياريت متنساش كده يعني كون انك تكتب العكس

ده شئ مش هتقدر تحققه ابدا لا دلوقتي ولا بعدين

ومتنساش

على رأي دكتور حسن انت اكيد اكيد في مصر

[متفائل]

جزيتم خيرا على المرور

و صراحة مش عارف ازاى أهل الشارع سابوا اليفطة دى فى مكانها

آمل إن هم يشلوها أو إنها تكون اشالت بالفعل

فمهما كان الاختلاف فهناك على الأقل حد أدنى من الاحترام و التقدير لا بد و أن يحترمه الجميع

[yojeena]

حلوة حتة البرادعي و اعوانه دي
و كانه بيقول رئيس العصابه و صبيانه ..
و بصراحه عمرنا ما هنشوف يافطه مكتوب فيها العكس
خلينا واقعيين ...... اليافطه ليست ذات اهميه للدرجه دي يا ريتها كانت بالكلام ولا الشعارات
دا احنا حالنا ما يعلم بيه غير ربنا
شعبنا بقي مطحون و مستهلك و متقيد من كل ناحيه

اه م الحق سمعتوا عن القطر اللي الصين عاوزه تعملوا
قطر يربط ما بين البحر المتوسط و الصين
لو دا حصل يبقي قولوا يا رحمن يا رحيم علي قناة السويس
و نلغي الجمله الشهيره اللي قرفتنا "مصر تتمتع بموقع جغرافي و استراتيجي مميز"
يلا احسن يعني احنا كنا بنطول منها حاجه

اسوء حاجه ان جيلنا دا شاهد علي بلاوي ولا يحرك ساكنا
حاجه تكسف