عايز اسره كبيره ولا صغيره؟؟؟

[Messi]

بسم الله الرحمن الرحيم

كل سنه وانتم طيبين


طبعا انا اخترت الموضوع ده نتناقش فيه لانه موضوع مهم جدا

موضوع شغل بال كبار الدوله منذ اخر عقدين من السنوات



موضوع انهرده يا شباب اختلف فيه الساسه مع رجال الدين


موضوع انهرده عن :

(تنظيم الاسره...و ....تحديد النسل)...



كلها كام سنه ومعظكم هيكون رب اسره او ربه اسره

وطبعا كل واحد فيكم ان شاء الله هيكون عنده اولاد


انا عايز اعرف من كل واحد فيكم

(تفضل اسرتك تبقي كبيره ولا صغيره وليه ؟؟؟؟؟؟؟؟؟)

كم عدد الاولاد الذين تريد ان تنجبهم ؟؟؟؟؟؟؟؟






الدوله بتقول :

لابد من تحديد النسل لرعايه الاولاد بشكل اكبر


الدين بيقول:

واعدوا لهم ما استطعتم

يعني بيشجع علي الانجاب .





ياتري انت رايك ايه وناوي علي ايه وليه ؟؟؟؟؟؟؟؟؟






بالتوفيق

[buffy]

العزوة مش بالعدد العزوة بمستقبل البنت والولد احنا زهقنا بقى من اللى احنا فية دة كله بسبب الزيادة السكانية

[Amira]

على فكره بقى الاستفتاء ده بيلخبط

افتكرته بيسأل عن عدد الاسره مش عدد الاولاد

كفايه 3 أولاد او 2 وكل اللى يجيبه ربنا كويس

[*محبة رسول الله*]

(تناسلوووووووووووووووا تكاثروووووووووووووا فإنى مباه بكم الأمم يوم القيامة)

يعنى اللى النبى يقولنا عليه نقول
سمعنا وأطعنا

ولا انتو ايه رأيكوا
الموضوع بصراحة مش محتاج آراء
احنا مش هنفتى ولا هنجادل فى كلام قاله نبينا

انا قلت قبل كده احنا عندنا ثروات تكفينا وتكفى كام بلد معانا

يعنى انشالله متخلفوش خالص
مش هتلاقوا تكلوا برده
طول ما الحكومة هى الحكومة
وطول ما التفكير نفس التفكير

http://www.pharma-board.com/board/sh...ad.php?t=10990

الموضوع ده له علاقه بموضوعكم

[Amira]

مش موضوع اراء ياهاله
هى مجرد بس المقصود الواحد نفسه تبقى عيلته كبيره ولا لا...مش رأى يعنى الموضوع ده مش بايد حد طبعا

وطبعا كله نصييييييب

[Messi]

المشكله ان فيه فرق بين الواقع و المفروض

[N00R EL _SHAMS]

انا ان شاء الله ناويه على 5-6كده هههههههههه

اسالونى انا العزوه حلوه انا بقعد طول النهار لوحدى مش بلاقى حد اكلمه

مفيش اى حد معايا ولا حتى حد بيساعدنى فى تنضيف البيت

ان شاء الله مش هكرر الماساه دى مع ولادى

بس على فكره

تنظيم الاسره مطلوب برده ولو ده حصل فى كل بيت هيكون الاطفال بالكتير اوى
3

وبالمناسبه حلو اوى التوبيك بتاعك يا هاله وخاصه التعدد

انا بصراحه مش قادره استوعب الموضوع وفى نفس الوقت مش قادره اغضب ربنا

يبقى الحل
انى اقعد عند ابويا ومتجوزشى خالص

لان بجد الموضوع ده صعب اوى على اى بنت حتى انتى يا هاله


مفيش حد هيقدر انه يعدل عدل مطلق بين ازواجه

وشكرا ع التوبيك د.عليوه

[muna7assan]

انا عايز اعرف من كل واحد فيكم

(تفضل اسرتك تبقي كبيره ولا صغيره وليه ؟؟؟؟؟؟؟؟؟)

كم عدد الاولاد الذين تريد ان تنجبهم ؟؟؟؟؟؟؟؟

الدوله بتقول :

لابد من تحديد النسل لرعايه الاولاد بشكل اكبر

الدين بيقول:

واعدوا لهم ما استطعتم

يعني بيشجع علي الانجاب .

ياتري انت رايك ايه وناوي علي ايه وليه ؟؟؟؟؟؟؟؟؟

(تناسلوووووووووووووووا تكاثروووووووووووووا فإنى مباه بكم الأمم يوم القيامة)

يعنى اللى النبى يقولنا عليه نقول
سمعنا وأطعنا

ولا انتو ايه رأيكوا
الموضوع بصراحة مش محتاج آراء
احنا مش هنفتى ولا هنجادل فى كلام قاله نبينا

انا قلت قبل كده احنا عندنا ثروات تكفينا وتكفى كام بلد معانا

يعنى انشالله متخلفوش خالص
مش هتلاقوا تكلوا برده
طول ما الحكومة هى الحكومة
وطول ما التفكير نفس التفكير

http://www.pharma-board.com/board/sh...ad.php?t=10990

الموضوع ده له علاقه بموضوعكم

الرأى والرأى الأخر .,

بالاجابه عن اسئله د.محمد
بصراحه ادعو الله انه يرزقنى اسره صغيره ., يعنى عدد الاطفال 2 مثلا

بس دا بقى لا تطبيقا لكلام الدوله ولا مخالفه لكلام الدين ,

الفكره ان الواحد يخلف على قد ما هوا عارف انه هيقدر يحافظ على اللى بيخلفهم

بمعنى فيه زوج وزوجه حديثى الزواج بس ما شاء الله قدره الزوج الماديه كبيره وربنا موسع عليه والزوجه عندها استعداد نفسى وبدنى انها تربى وتراعى 4 أطفال ., يبقى على حد معرفتى الضئيله لا يجوز لها انها تمنع الانجاب وخلاص ,
يعنى انتو ما شاء الله ربنا ميسرها عليكم ماديا ونفسيا وبدنيا , خلاص يبقى تتهنوا بالمال والبنون

طيب لو الزوج لسه فى بدايه حياته والزوجه زى حالاتى كده ما تقدرش تعتنى وتربى اطفال اصحاء اكتر من اتنين , نفسيا مش هتعرف تدى لكل واحد اهتمامه وبدنيا صحتها ما تقدرش انها تجرى ورا الاطفال تأكل وتشرب وتنضف البيت ولو وراها شغل كمان تبقى كملت
وقتها يبقى بتظلم نفسها واطفالها اللى خلفتهم .,

فى المانيا الدوله بتشجع على الانجاب لان الحكومه خايفه من انقراض الجنس الالمانى .,
دول طبقوا مبدأ تحديد الانجاب بزياده جدا فجت عليهم بالغلط .

فى مصر عندنا انفجار سكانى ونسبه بطاله رهيبه وشباب ذوى مستوى فكرى للأسف الشديد متدنى ., يبقى ابدا بنفسى واجيب طفلين اصحاء احسن ما اجيب 4 تعبانين .,
ولما الحكومه تشد حيلها ان شاء الله يبقى فيه مكان لأولادى وللى ربنا ميسرها عليهم وانجبوا اكتر منى .,

[Dr.A7med]

أنا ولد وحيد .. واخواتي بنات وده بيسببلي وحدة .. عشان كدة عايز أمشي أتكعبل في العيال .. عايز ولاد كتير وبصراحة مش نفسي في بنات .. طبعا كل اللي يجيبه ربنا كويس .. بس أنا بحب الولاد ..
ولو انا اتجوزت اتنين (وده صعب جدا إذا لم يكن مستحيل ) فهيكون عشان السبب ده

[Messi]

الاغلبيه في نتايج الاستفتاء للعدد القليل ....... ايه السبب؟؟؟؟