ياريت تساعدونى!!!!!!!!

[د.نونا]

ممكن حد يساعدنى انا تدريبى مع دكتور فريد بدريه وطالب منى تحضيره لعلاج النزيف بس من حاجات طبيعيه مش كيميائيه اللى عنده اى معلومه ياريت يفيدنى

[dr/noony]

بصى هو حسب التركيبة هتكون systemic ولا local
يعنى لو حاجة لوكال ادخلى على اى نبات فيه كمية كبيرة
من ال tannin زى مثلا الرمان البن الشاى قشر الكاكا والحناءوكمان الهليلج والعفص
ممكن تأخدى حاجة من دول وتنشفيها فى الشمس مثلا
وتطحنيه وتستخرجى التاننين منها باستخدام كحول مثلا
لان الكحول بردوا مفيد فى حلات النزف وتلاحظى مثلا لو حد اتجرح
بنروح لاقرب ازتزة برفيوم وتغرقى الجرح بس لازم يكون بيحتوى على كحول
لانه مطهر وفى نفس الوقت بيوقف النزيف
ممكن بالكحول اللى موجود فى الصيدلية تجبيه وتنقعى فيه كمية من الحناء
وهنا بقى تستشهدى باستخدامها عند القدماء زى ابن سينا مثلا
او الهليلج موجود عند العطار ويحتوى على كمية محترمة من التانين وكذلك العفص مثلا
لاحظى الازازة اللى هتنقعى فيها لازم تكون محكمت الغلق لان الكحول طبعا بيطير
وترجى الازازة كم رجة كدة خلا النقع عشان تسهلى عملية استخراج المادة دى
وبعد كم يوم تقومى مرسية الحكاية دى وتأخدى الجزء الرايق المحتوى على التانين
من المحلول وترجعيه تانى لازازة الكحول يارية الازازة تكون على شكل بخاخة
ءان شاء الله الدكتور هيعجب بالفكرة وربنا معاكى يارب
ملحوظة لو بعد فترة النقع جزء من الكحول طار مفيش مشكلة بعد ما تصفى المحلول
الغسيلى الازازة اللى فيها باقى النقع بشوية كحول ورسيهم تانى وخدى المحلول


كنت عاوزة اشكر د/عطا الله أكرمه الله وجزاه عنا كل خير هو ده اللى اتعلمنها على ايده
وكان نفسى اوى اتدرب فى يوم على ايد د/فريد بدرية صحيح انى كنت هبقى دايخة ومش عارفة اعمل ايه زيك
بس اكيد كنت هتعلم كتير جداااااااااااااااااا

يستكمل ءان شاء الله

[د.نونا]

ميرسى اوى لحضرتك
بس والله اللى تاعبنى ان الدكتور سايبهالى مفتوحه وقايلى النزيف كده بس عشان كدا انا تايهه اوى
وانا ممكن الاقى الزايز اللى على شكل سبراى دى فين؟
يعنى اخد الجزء الرايق احطه فى العبوه اللى على شكل اسبراى وكده يبقى خلاص؟

[dr/noony]

العفو ربنا معاكى
طيب ممكن تسأليه ءان امكن هى تركيبة موضعية ولا لا ؟؟؟؟
لانى دورت كتير على تركيبة للsystemic ملقيتش حاجة وغير كده صعب قوى تظبط معانا
بالنيبة للتركيبة دى
الازايز اللى على شكل اسبراى دى موجودة فى الصيدلية بيتباع فيها كحول
لو ملقتيش خلاص حطيها فى ازازة عادية
المغزى من الاسبراي انه هيسهل عملية الapplication of dosage form
يبقى نرتب الخطوات عشان متتعبيش
1-النبات اللى هتختاريه انا بقترح عفص + حنة او عفص فقط لانه بيحتوى على كمية كبيرة جدا من الtannin
2-تجيبى النبات ده وتتطحنيه ده الافضل بدل ما يجى مطحون ممكن يكون مغشوش
لو عاوزة تعرفى انه مش مغشوش تذوقيه هتلاقيه قابض جدا يعنى astringent طبعا لوجود الtannin
3-تنقعى من المطحون ده حوالى 3معالق كبار فى الكحول وتقفلى الازازة كويس جدا
وترجى كده لحد ما تتعبى وتريحى شوية وتسبيه منقوع كده يومين ولا حاجة
كل ما تفتكرى رجى بس المرة دى براحة بقى لان الtannin اصلا بيدوب فى الكحول والميا
لان الكحول اللى موجود فى الصيدلية تركيزه 70% وال30% الباقيين ميا وده بالظبط اللى انتى عاوزاه
4-تتسيب الازازة لما تراسى خالص لان انتى لو فلترتى الكحول هيطير فا الاحسن انك ترسى
وتنقلى المحلول اللى فوق فى الازازة اللى هتعبى فيها التحضيرة سواء اسبراى او عادية
وتغسلى اللى يفضل من البودرة المنقوعة بشوية كحول فريش عشان يأخد الشوية (tannin(
اللى موجود لسة فى البودرة وكمان يغسل الازازة وترسى وتنقلى للازازة اللى هتعبى فيها
وتقفلى ازازة التركيبة وياريت تعدى على قسم الصيدلانيات مثلا او من الصيدلية
وتجيبى ال lable الحمراء منهم وتكتبى عليها بقى التركيبة عبارة عن ايه
كحول تركيز كذا + تانيين تركيز حوالى 50-60%
وطبعا الاستعمال +يحفظ فى مكان جاف بارد محكم الغلق
بعيدا عن متناول الاطفال واسم حضرتك
وتكتبى فى البحث لو الدكتور طالب بحث كمان عن العفص اسمه العلمى aleppo galls كلمتين
ياريت تروحى لدكتور فريد وتقوليله انا هعمل كذا وكذا وهو اكيد هيساعدك
هو اهم حاجة عنده الفكرة ولو فى اى مشاكل فى التنفيذ هو هيساعدك
ربنا معاكى ودعواتك

[K_LYCAN]

بسم الله الرحمن الرحيم

يجب ايضا معرفة نوع النزيف ( بواسير ، جرح ، نزيف رحم )
اولا لعمل تركيبة من النباتات
يمكن رؤية مواقع الطب الشعبى والبديل والانتقاء منها
مثل
http://www.wacam.net/academy.html
الاكاديمية العالمية للطب البديل- قسم الاستشارات
وموقع مكتبة الطب البديل
وايضا الكتب
وهذا رابط بها ، يوجد بها
herbal medicine third edition
http://www.mediafire.com/?gyik5zqao31808p
http://www.mediafire.com/?835ilphtyq46f3u
http://www.mediafire.com/?kq51o9zgjy88won
لكن اذا نظرنا للتركيبة نجد اذا كانت على الجلد
tannin
healing herbs
مثل clandula
anti microbial
وايضا ماذا عن التركيبة مرهم او كريم او ..................
وهل يمكن اضافة الكحول اولا كجزء منفصل ثم اضافة التركيبة كجزء اخر.

[د.نونا]

ميرسى اوى لردود حضارتكم وانا فعلا بعت اميل لدكتور فريد اسأله عن نوع النزيف لان دا متوهنى شويا

[د.نونا]

ميرسى اوى دكنور نونى انا عملت التركيبه زى ما قولتيلى واخدت جايزه من دكتور فريد كمان طبعا الفضل كله ليكى

[dr/noony]

الفضل لله ثم الدكاترة العظام اللى اتعلمت على اديهم جزاهم الله عنا كل خييييييييير
ربنا يوفقك فى كل اللى جاى يارب وكل ما تبصى للجايزة افتكرينى بدعوة حلوة